امس وحده من بساسي الصغار لها فترة تعبانة و انا ما فقت لها الا امس انتبهت لها و شلتها اوديها العياده قبل الفجر زي المجانين انا و زوجي من عيادة للتانية و كلهم بيقولو مافي طوارئ و انا عند آخر عيادة شهقت و هي في حضني حبيبت قلبي و ماتت بين يدي
والله عقلي بغى يطير من الخوف عليها الله المستعان
انبني ضميري اني ما انتبهت اليومين اللي راحت لمرضها
الله اكبر
اعرف ان كثير ما يهمهم بساس او ما شابه و لكن قلبي موجوع عليها اكثر لما رجعت البيت و اشوف كل مكان في البيت من الصالون لغاية الحمام الله يكرمكم له فيها ذكـــــــــــرى حلوة بالذات في رمضان وقت الفطور و غسيل الصحون هي داااااااااايما معايا
الله يصبر قلبي
السبب التاني
عملت الشهر اللي فات تلقيح صناعي و تأخرت الدورة 5 ايام و من التفاؤل حللت 4 مرات
و كل مرة سالب سالب سالب
لحد ما شرفت امس
قدر الله و ما شاء فعل و الله يعوضنا بخير من اللي راح
مالي الا انتم بعد الله بالله عليكم اسألكم بالله تدعولي ربي يربط على قلبي و عقلي والله انا في حالة ما يعلم بها الا الله من الالم و الحزن الله لا يوريكم مكروه في حبيب او غالي يارب
إنا لله و إنا اليه راجعون
__________________
رب لا تذرني فردا و انت خير الوارثين
حبيبتي دودي.. الله يربط على قلبك ويهدي بالك ويرزقك حملا سليما معافاً وذرية صالحة تقر عينك فيها.
بالنسبة للبسة..سبحان الدايم ..خلص عمرها الله يرحمنا اجمعين..ربنا هذي ارادته فلا يأنبك ضميرك ولاشئ وربنا يعوضك خير.
اما التلقيح ..حابة اقلك انه قبل ثلاث سنين ونصف وقبل حملي بإبني عملت تلقيح صناعي وشرفت الدورة واكتئبت واتعبت ..لكن الشهر اللي وراه على طول حملت وماكنت حاطة احتمال الحمل في بالي..لانه العقل بقول انه التلقيح بيعطوك منشطات قبلها وبعملو حقن للسائل المنوي يعني المفروض تكون فرصة لحصول الحمل...لكن ربنا كريم يقول للشئ كن فيكون..سبحانه لا اله الاهو...وحملت بإبني الله بحفظه.. لذا تفائلي حبيبتي وان شاء الله تيجي الشهر القادم تبشرينا...وصدقيني كل وحدة فينا حتحمل بإذن الله بالوقت المناسب اللي ربنا رايده.
يارب يرزقنا جميعا من فضله فى هذا الشهر الكريم وربنا يعوض عليك يا دودى ويرزقك انتى والبنات جميعا الذرية الصالحة هذا الشهر يااااااااارب
أخبارى
رحت امس للطبيبة قالت لى العظام لسه سيئة صحيح اتحسنت عن المرة الاخيرة ولكن تحسن طفيف ومازالت حالتها سيئة استرجعت وقلت انا باعمل الى على وباخد بالاسباب وقدر الله كله خير
كمان قالت لى انه كبير شويه عن الحسابات ممكن بسبب السكر وممكن بسبب السونار وارد فيه يحصل خطأ فى القياسات
المهم رجعت من عندها بأحمد الله وعندى امل ان شاء الله امور الجنين تستقر وربنا يكمل لى على خير
دودي ياقلبي لاتحزنين ولاتكدرين خاطرك هذذا الى ربي كاتبه للبسه ويمكن موتها راحه للها كانت تتالم من شي قووووووووي وربي ريحها
ربي يربط على قلبك ويعطيكك على قد قلبك الكبييييييييييييييييييييييير
ويرزقك ياكريم بالذريه الصالحه السليمه المعافاة البارة عاجلا غير اجلا
واحه ربي يطمنك على الجنين ويتمم عليك
اما عن اخباري من يوين رحت لدكتورتي لانها رجعت من اجازتها ومعاي الم شديد من اعلى البطن وبالجنوب قالت احتمال المرارة والاحتمال الاكبر قولون بس لازم نتاكد بالاشاعه وفعلا اعملت لي اشاعه لمرارتي قالت الحمدلله ماهي مرارة قولون يجي كثير ستات مع الحمل والحمدلله اعطتني حبوب مسكوبان
وعملت تحليل الله يعزكم للبول لقت عندي التهاب شديد جدا فوق الطبيعي وطلبت مزرعه (زراعه لعينه البول )الله يعزكم عشان تعطيني مضاد للبكتريا نفسها
الحمدلله امس طلت نتيجه المزرعه مافيها بكتريا بس طلع التهاب بول
اعطتني مضاد كلافوكس 1جم وبيني وبينكم متخوفه منه لانه قوي بالمرة
كليت امس منه بالسحور واليوم بعد الفطور بس ماني مطمنه نهائي مع ان دكتورني احسبها والله حسيبها شاطرة ومادري وش تنصحوني فيه
والله يرزقكم يالغاليات الذريه الصالحه السليمه المعافاة البارة
ويتمم على كل الحوامل ياكريم
__________________
ياكثر ماعندك من خير يارحيم
بس يبغى لنا شويه صبر
الحمدلله كما ينبغي لجلال وجهك وعظيم سلطانك