على فكرة هو صاكني بلوك

يارب دعواتك أن الله يجعل الرؤيا وتفسيرها يقع ويطلع صدق كلام الشيوخ ورجعتي قبل الولادة

حاولي تتواصلي معاه بهدوء
ارسلي له اخر رساله لك قبل الولاده
الله يحنن قلبه عليك يا رب

ارفعي الحظر اختي ولا تتابعينه
ولا تنتظري تغير سريع وسحري .. احنا نبي نلين القلوب شوي شوي وبطولة بال
وادعي وتصدقي واستخيري بشأن مكالمتك له
المهم خلي بالك طويل وصبورة

__________________
الحمدلله الذي بنعمته تتم الصالحات

انا ماصكيته بلوك إلا بعد ماقالو لي صكيه بلوك عشان يحس انك بايعته ويرجع لك

لا أختي هالحل ما ينفع لانه وصل مرحلة هو طابت نفسه من كلامه
زوجك متعبي من أخطائك اللي كانت بينكم
هو وصل حده الآن وتوابع المشكلة كلها ماحفزت على الندم
فالصح أنك تلينين وتهدين وتعطينه فرصة يفكر
مايحس أنك معاندته ولا تتحدينه
واستخيري بشأن مكالمتك له
عندك وقت ان شاء الله حول شهر
ادعي وتصدقي واستخيري
وأختي تأكدي
لن يصيبك الا ما كتب الله لك

بسألك أختي
وين الوالدة عن الموضوع ؟
وهل لها رأي أو وجهة نظر في مشكلتك ؟
وضحيها لو سمحتِ

__________________
الحمدلله الذي بنعمته تتم الصالحات

امي تبغى الرجعه بس للاسف من قدرها علي راحت اتصلت على زوجي وردت أخته قالت في فلان قالت وش المعلومة الي تبغين أوصلها له قالت امي ليه يأخذ بنتي ويوم حملت يرميها الله يحمله حمل عسير
امي غلطت بس من قهرها لأن زوجي بعد الطلاق يقول اذا تبغون شئ كلمو اخوي فنقهرو يقولون ليه هو مو رجال زوجناه ولازوجنا اخوه ليه مايواجه

تدرين
خلاص وكلي امرك للرحمن
حامت كبدي من زوجك وتغليه
وتخششه من مواجهتك
ان كتب لك ربي رجعه بترجعين
وان ما كتب لو تجيبين العالم كلها مارجعتي
ممكن ترسلين وساله اخيره وتفكي الحظر
غيره لا تعملي شي

سويت زي ماقلتو وفكيت البلوك جلست كم ساعة وضعفت ورجعت صكيته بلوك
اليوم الثاني الي هو أمس على الساعة 2 الليل أكتشفت انه شال البلوك عني إلى الآن
لاكن انا صاكته بلوك
وحط ذا التوبيك ( إني رأيت وفي الأيـــــام تجربة
للصبر عاقبة محمودة الأثــــر)
وصورة مكتوب عليها
الحياة لاتستقيم دوماً قد تحدث مشكلة المشكلة ليست النهاية
بل بداية لحياة مختلفة

والله أخاف اشيل البلوك ويرسل كلام يضايقني ولا يقول ابوك وأخوك

وش اسوي

بصراحة انت غريبة
تعطينا مواعظ هنيه عن شتات الاسر
وانت كل خطوة تخطينها مع هالرجال باتجاه تشتيت بيتك
وش هو اللي ما تحملتيه !
و وين الندم اللي تقولين عنه ؟!

حبيبتي
اعرفي اول شي شو تبين وبعدين كلمينا هنا !

__________________
الحمدلله الذي بنعمته تتم الصالحات

شوفي توبيكه وكلامه في الصورة
وربي أخاف يرسل كلام يضايقني واندم اني شلته

وش رأيك في توبيكه
احسه مايطمن أخاف يقول انا مرتاح ولا انا خطبت