ايه أصلن حتى النفقة ماراح نطلبه شئ ابوي الله يطول بعمره مو مقصر عليها بشئ

أن يبغى يرسل أهلا وسهلا وان مابغى فهي في مذمته

وأصلن أهلي مطنشينه نشوف متى ب يصحى ويتذكر بنته

واكيد من حبي له ابغى أرجع له

مطلقه الله يرد لي طليقي من غير ضره ومن غير مايتزوج ويرد لك طليقك والله حاسه بمشاعرك اكثر وحده من العضوات حاسه فيك ومتالمه لك لاان معاناتي قريبه منك

اعوذ بالله من القلوب القاسية ..
يا عزيزتي ..
هذا انسان بايع .. وأساساً بعد محاولاتك كلها لو رجعتي صدقيني ما راح تحسي بإحساس حلو لا اتجاهه ولا اتجاه نفسك ..
غيرك انذلت وتطلقت وربي ما رزقها اطفال ..
شوفي الجانب الإيجابي من مشكلتك .. وحتى لو ما انتِ شايفه جوانب ايجابيه انتِ اصنعيها .. اهداكِ الله احساس الأمومة ليش تضيعينه بهد حيلك وسعيك ورا انسان باعك ..
لا تحطي له اعذار .. ماله اي عذر انه يتركك او ما يشتاق يسأل عن بنته ..
عيشي امومتك.. انبسطي ببنتك .. الحياة ما توقف عليه .. وبعدين الرضا بالقدر شي مهم علشان تقدري تعيشي وانتِ مرتاحه ..
يا حبيبتي حاسه فيك والله ومتابعتك من البداية .. عزّي نفسك أرجوك وربّي بنتك على عزة النفس..
حولي تفكيرك بدال ما تقولي بينك وبين نفسك هو أهله اللي غيروه وأهلي اللي قالوا عنه وقالوا وانا لو ما غلطت بحقه وووو ... بدّلي هالاعذار .. وقولي لنفسك شي واحد لو كان رجال وشاريني ويخاف ربه فيني ما كان سوا اللي سواه وكان اداني فرصه ثانيه بس هو بايعني واللي يبيعك بيعيه.. هذا انسان خافي على مستقبلك معاه ..الحياة ما توقف عليه والحمدلله حريم معاهم ثلاثه واربعه اطفال وكرروا تجربة الزواج وربي عوضهم باللي يصونهم .. وانتِ بنت وحده ولسا صغيره ونصيبك بيجيك بس ثقي بنفسك وبربك.. الان اهتمي بنفسك مو كويس انفعالاتك ترضعيها النونو .. واقرأي كثير عن الثقة بالنفس وقوة الشخصيه واسمعي دورات ع اليوتيوب... شغلي ايات السكينه اسمعيها قبل تنامي .. واسأل الله لكِ السعادة اللي تتمنيها ..
الجرح لسا ببدايته .. بكرا تنسي .. بكرا راح تقولي انا كيف ذليت نفسي له وكيف ضيعت وقتي معاه ... سويتي اكثر من اللي عليك .. الان التفتي التفاته جاده لنفسك .. كوني مع الله يكون معاك.. استغفري كل ما تذكرتيه وربي يكون بعوننا جميعا..

ماله عذر ما يجي يسلم على بنته و يشوفها
هذا ضناه
في غيرة مطلقين و لا تركوا عيالهم
لو قلنا عشان مشاكله مع اهلك
لكن اش عذره يوم تركه بنته بدون نفقة بالله كيف طاوعه قلبه

اللهم آمين. ......

ومازاد وضعي سوء إلا أني في فترة نفاس ومعرضة للاكتئاب

يارب لك الحمد البنت ذي بدت تغير فيني أشياء كثيرة

لما أتذكر كيف انظلمت وظلمو البنت معاي اقول الله يجعلني ويجعل البنت في مذمته هو وأهله إلى يوم الدين

عيشي بكرامتك
لا تطالبيه بنفقه على الاقل حاليا
مع اني ضد المراه تترك حقوقها
لكن هالفتره اسكتي عنه
يمكن تنكسر عينه ويراجع نفسه
اختي سالفه يتهرب من النفقه مو معذور
وتدل على اي معدن من الرجال هو

هذا الي قاهرني ومجنني كيف يسوي كذا كيف طاوعة قلبه

والله مو ذا طليقي الي أعرفه وعشت معه

فيه شئ غيره

حسبي الله ونعم الوكيل عليهم كرهوه حتى في بنته

ايه أبد مالنا نية ولا إحنا في حاجته

هذا شئ راجع له هو وضميره

وفي النهاية في يوم حساب كل واحدياخذ حقة ويحاسبه ربي على بنته الي ماسأل عنها

اللي اشوفه انك راح تستمرين بلوم نفسك مهما حاولنا ومهما قلنا لك

تحبينه وتختلقين الاعذار له بهذلك وقت حملك ووحامك ولا تحمل قلتي معذور انا سويت اشياء ماحد يتحملها

مع العلم ان فيه حريم يطردون ازواجهم من البيت ولايدانون حتى ريحتهم وقت الوحام وصبروا

طلقك وارسلتي ناس للصلح وتعذرتي له

ولدتي وماجا يشوف بنته قلتي كيف يجي واهلي متزاعل معاهم

بالمختصر زوجك ماله وجه يطب بيت اهلك من سواد وجهه ولا عنده الجرأه يطلب يشوف البنت

بلا لف ولا دوران هذا زوجك يكابر والا غصب انا مااخطيت وهي اللي غلطانه وانتي تحملي المسؤولية كامله والا غصب يحسسك بالذنب وتعيشين بنكد

يا اختي خلاص الى متى ؟؟ افرضي كلمتك اخته او احد من اهله وقال بيسألك تبين ترجعين واتفقتوا ترجعون وعطاك مهر بسيط ورجعتي له

ايش تتوقعين صورتك قدامه راح تكون ؟؟ تتوقعين بيقول هذي بداية حياة جديدة ؟؟ ولا بيقول نورتي البيت يا أم فلانه ؟؟

بيشوفك الانسانه اللي ميته عليه وماتستغني عنه سواء علشان بنتك او علشان نفسك وبيزيد عليك بالاذلال كل كبيرة وصغيره بيمسكها

اذا غلط بيقول كله منك انتي اللي حطيتي كذا وانا تنرفزت وسويت كذا وكذا الى متى الى ماتجيبين 3 اطفال ثم تكتشفين انه طفح الكيل ؟؟

حطي ببالك اما رجعة كلها عز وكرامة ولا بلاش من الرجعة اللي كلها ذل ومهانة

اذا بيدخل بيت اهلك مثل الرجال ويتكلم مثل الرجال ويبرر تصرفاته ويتكلم مع ابوك ويتصافون ويقول تضايقت منكم بكذا وكذا وكذا

وانت يافلان ضايقتنا انك رميت بنتنا وقلت كذا وكذا وكذا ونفتح صفحة جديدة وتنتهي السالفة ولا بلاش

والله كاني اشوف مأساه قريبتي فيك بتتكرر نسخة طبق الأصل واخرتها بعد 15 سنه انحاشت ماتحملت وش عقبه بعد ماراح العمر