البارحة كان أكثر ليناً معاي
يتكلم بإختصار ..
بس ما همني ، يتكلم و ارد عليه بعد بإختصار
البارحة مو ليلتي ، كنت متعودة اقوم وياه لحد الباب
بس البارحة ما قمت.. ولا سويت اللي معتادة اسويه
ما فتحت وياه الموضوع ولا بفتحه .. بيطلق خل يطلق بالطقاق .. اللي ما يعدني راس مال ما اعده فايدة
شربت حبتين بندول نايت وقرأت رواية لحد ما نمت

والليلة بروح بفطر مع اهلي وبستانس من دون ما اعطيه خبر .. لانه اساسا معطيني اذن مطلق بس انه كنت غبية لازم اتصل اعطيه خبر
اذا طلع للمسجد بيشوف سيارتي مو موجودة وبيعرف من نفسه ... واعرف هالشيء لا بيضايقه ولا بيخليه يعصب

باسوي واجباتي اتجاهه فقط
وبتصرف على طبيعتي وبتكلم على طبيعتي
عجبه اهلاً وسهلاً
ما عجبه كيفه " ودي اقول في 60 داهية بس قلبي ما يطيعني " 😔

توكلت على ربي
حسبي الله ونعم الوكيل ..
لو انه اصبحه بـ سب وامسيه برفع صوتي
لو انه اخونه
لو انه ما اطبخ ولا اغسل ولا ولا ولا حتى برغم وجود الشغالة
لو انه نايمة نهاري كله
لو انه افتر من مول لمول ومن بيت لبيت
لو ولو ولو ولو ... بعذره على اللي يسويه فيني

انزين خلني نكدية ووو .. يعني استحق كل هذا ؟!!!
بس خلاص كفاية صحتي النفسية والجسمية تدهوروا .. بسببه البارحة احترقت ايدي لان بالي مشغول وبسببه توني راجعه من المستشفى .. بسبب ان دقات قلبي غير منتظمة
ما بنتظر لحد ما اموت ...

بسوي واجباتي واللي امرني به ربي
وتوكلت عليه .. ولعل الذي ابطأ عني هو خير ليل لعلمك بعاقبة الأمور يا الله

بسوي اللي يسعدني

زين كم حبة بنادول تاخذين في اليوم

__________________
وهل من مصير اخر ؟

2 أو 3 .. تقريباً توني مبديه استخدمه
بس ما راح اواصل عشان ما اعتاد عليه وبعدين ما انام الا به

حبيبتي دقات قلبك غير منتظمة هذا من البنادول نايت مو كويس للقلب ونومتها متعبة

اي وايد اتعبتني
طول الوقت احس بمثل الاضطراب و غير احساسي بقلبي
الليلة بإذن الله بنام بدونها
محد يسوى اخسر صحتي عشانه

الله يسامحه .. جرحني
لو فرضا انه غلطت
بس ما استاهل كل هذا !

الله يفرج همك ويصلح زوجك

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

زين حبيبتي طلعي نفسك من القهر والحزن علشانك انتي.....
برأيي افضل ترسليله مجرد اخبار انك رايحه تفطري... حتى وان اعطاك الاذن المطلق فلا تستخدميه في هذا التوقيت... لا تستأذني دامه معطيك اذن بس خبريه برساله مختصره ومباشره

ليش اخبره ؟

حبيبتي زين كمان انا مع انك تخبريه برسالة كتير مختصرة
صحيح معطيكي الاذن المطلق
بس هيك بتضربي عصفورين بحجر واحد
انك عم تتصرفي صح وما عم تخلي اي ذلة تنحط عليكي
وبنفس الوقت بتوصليله انك ما عم تفكري فيه ولا عاد محور حياتك

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

الله يسمع منج حبيبتي ❤️