نعم لا تستعجلي وبدل مايكون الحق معاك ينقلب عليك ! لاترسلي شي ولاتتنرفزي وبعدها تندمي واصلي تطنيش و اتتركي الامر لاهلك ولاتستعجلي..

الروضات معروفين ان من بداية السنة اللي يسحب طفله واللي يغير روضته واللي واللي ويتوفر فيه مقعد زيادة فلا تخافي وتستعجلي ..

الصبر الصبر
مرررا طاايره
واحد مسوي مشكله
ورحتي لأهلك بزعل
بالله بيرسل مصروف!!!
او بتصل ع اهلك؟؟؟!!!
الله يهديك بس
مرررا متأمله فيه ذا الصنف
الحين هوا معتبر نفسه معاه حق
ترى
عشان كذا ماكلم اهلك
ويبي يحرق اعصابك اكثر واكثر
ك إنتقام
فاكر كل الامور راح تمشي بكيفه
مايدري انه كبرها اكثر
اغلب الرجال طارت العقول منهم
إلا من رحم ربي وعاد دوري اللي من رحم ربي وين

ع عالعموم ربي يسهل امورك
ويجعل لك من كل ضيق مخرج
وييسر لك الخبر ان كان طلاق او صلح
وان شاء الله صلح..يارب

أشوف أنه ماتستعجلين بتسجيلها، والروضة حتى لو ما قدرتي بعدين تسجلينها لن يضرها شي، لو كان سنها يدخلها الابتدائي معك تسجلينها حتى لو بدون علمه، لكن الروضة بتشعل زوجك كونك سحبتي عليه سحبة قوية ولا عبرتيه في شيء هو أصلاً شريكك به وهو بنتك.
حتى النقطة السلبية الأخرى لو سحبتيها مستقبلاً، راح تكون هناك خسائر مادية لك، خصوصاً أنك بوضع ماينبغي له مزيد من الخسائر.

__________________
ياصبحِ لاتِقبل !!
عط الليل من وقتك..

لا تستعجلين بالتسجيل والروضات الان اكثر من اول
ماشاء الله بيسرها ربك بس اصبري
لانه بيفهم انك تعانديه

فيه روضات حكومية بمبالغ رمزية جدا ابحثي عنها
لو راحت عليك ما تتحسفين بالمبلغ.
واذا باقي على بنتك اكثر من سنة على الابتدائي اشوف انك تنتظرين لأن الامر غير ضروري جدا

مشكورين اخواني واخواتي
ما اخفيكم مليت من تعليق حالي
لا انا متزوجه ولا مطلقه
وأبوالعيال من سيء لأسوأ

رسالته لي قهرتني والله
أنا يقول لي اتصنع الطيبه؟ وكل خبث؟!
على قد مافيني من عيوب
بس اقسم بالله هالشي مو فيني
بالعكس كل شي أقوله بالوجه.. واصفي النية

لو اتهمني اني عصبيه او ملسونه اهون عندي
لو يقول اني مو محترمة او عنيده اهون
لو يقول اني جافه او مهمله اهون والله
بس مايتهمني بالتصنع والغش والخبث!
قهرررني قهرررني
شهر كامل وهذا اللي طلع معه؟!!
عرفت بعدها ان مالي عيشه مع هالادمي

أسوأ شي ان احد يخش بنواياك بهالشكل
يعني مهما تحسن له هو يشوفها تصنع وتمثيل
مهما تقدم له هو عنده مركب نقص فمايستوعب
هالنوعية ذي تبرر كل اخطاءها
وتتهم الغير بدون دليل !!


بعد شهر كامل يقول كذا
معنى هالشي رجعني لنقطة الصفر
لما اتهمني اني سألته عن موعد رحلته
وانا امثل اني ما اعرف واخر من يعلم الخ
وانا اقسم بالله العلي العظيم كنت ما اعرف
وسألته كأي زوجه بالعالم تسأل زوجها
هذا غيض من فيض
كل سلوكياتي او اهتمامي يشوفه غش وخداع
فالح بس يدافع عن المغنيات الوسخات
في تويتر وانستقرام ويدخل بهوشاتهم وفانزاتهم
هذي طيبه وفلانه مسكينه تكلمت فيها الخ
مريض مريض مريض
ومرضه هذا معي انا بالذات
وحالته كل يوم بالنازل والله
وهذا اللي يجيب الإحباط


هو الحين ماخذها عناد
يعني لو تنطين للسماء ما اكلم اهلك وترجعي بسكات
وانا تنازلت كثير
حتى رسالة تفاهم مع الوالد
لو هو احسن النية بيعرف اني مهدت له الطريق
بس هذا كله شر
يبغى يطلق بعدين يقول حاولت معها وكيت وكيت
حتى يبرر لنفسه ولمعارفه
والا لو هو مضبوط كان دق على أي احد من اهلي
اقلها يعمل لي قيمة ويعدها رضاوه
قهرني منه لله وانا كرهته الله لا يرده
خلاص وصلني مرحلة اللي ودي أقول فيها طلقني
بس اتعوذ من ابليس واحاول اهدى

الله يفرجها عليك ويطمن بالك
اختي الزمي الاستغفار في كل لحظه
والدعاء يغير الاقدار
ربي يبدل حالك الى افضل حال

تنكيته في تويتر لانه عارف انك بتقراين
فيبيك تشوفين انه مبسوط وعايش حياته
وهو محترق زيك
.

زوجك من النوع الصريح مرررررره يعني الصراحه الغلط مش الصراحه الحلوه المطلوبه
يعني لما جا بباله انك عارفه موعد رحلته المفروض بعد ما سالك وقلتي انك ما تدرين
المفروض خلاص يسكت حتى لو في داخله مو مصدقك يسكت ويخليها في نفسه
مش ضروري تطلع برا على لسانه
لكن هو لا . ما يقدر لازم يترجم كل ما يجول في قلبه بالسانه

تقولين بس معك انتي هذا شي طبيعي لانه عارف ما رح يتحمله الا انتي
عارف انه لو سوى كذا مع الناس بينفروا منه
وعلاجه انك تسوي زي الناس الغرب
تعاملي معه زي ما يتعاملوا الناس الغرب عنه
بمعنى هو لو قال لشخص غريب عنه انت قصدك كذا وكذا ونيتك كذا وكذا
هل هذا الغريب بيعطيه وجه ويبرر له؟
لا طبعا بيطنشه ويسحب عليه وان رد عليه بيقول عساك لا صدقت ويمشي ويتركه
ولا عاد يحتك فيه ومن ثم زوجك يشعر بالفشيله من نفسه

انتي سوي زي هذا الغريب اذا بدا يدخل بنيتك لا تستميتي تقنعيه
قولي بهدوء واعصابك مسترخيه لا مو هذا قصدي *حتى حلف لا تحلفي*
اكتفي بقول لا مو هذا قصدي واسكتي
ان قال هاه اجل ايش قصدك قولي قصدك بهدوء واختصار وثقة
وبدون نظرات ترقب هل بيصدقك
وليست نظرات استخفاف حتى لا يفهمها غلط
بمعنى انك واثقه من نيتك انها سليمة وما رح يشكك في نفسك

طبعا هذا كله بعد ما تنحل الاشكاليه وترجعي بيتك😄
بصراحه اللي زي زوجك المفروض الوحده تتعامل معه زيه زي الغريب
حتى ما تطيح الميانه ويبدا يرمي امراضه عليك وانتي تتحملي

اعتب عليكي ياكنافة في شيئ لا تشتمي احد حتى لو كانوا ممثلات انتي ياكنافة في ضيق اجعلي الكلمة الطيبة دائما قبل السيئة لا تغلطي في احد وانتي لا تعرفينه اكثري من الاعمال الصالحة لعل الله يفرج همك وضيقك

اسلوبك يا طموحة ينفع له صح
بس انا ما اقدر عليه
لاني اعطي من قلبي
عطيت حب واهتمام ورعايه وجهد وطاقه
عشان كذا صدمتي كبيييييره
خيبه املي كبيره فيه

انا مو مقهوره لانه ينكت بتويتر
أساسا مو شي جديد
انا من تزوجته هو يمزح مع البنات
ويغازل المغنيات وينزل صورهم واغانيهم
من عرفته وهو يمدح فستان هذي وتسريحه ذيك
ويدافع بشراسه عن طيبه بعض الحريم
اللي من اهله او اللي معه بالعمل او المشهورات الخ

لكن اللي قاهرني
انه ينصف نساء الأرض ويظلمني
صرت انا الغشاشه الخبيثه المتصنعه
وغيري ملائكة وهم الله العالم بحالهم
واللي يقهر برضو انه يفتري علي برساله
وبعد دقائق يضحك ويمزح عند الناس

اما رجعتي لبيته فصارت من سابع المستحيلات
بس ماراح انفصل قبل اخذ حقوقي كامله مكمله


شكرا اخواني للردود والدعاء
جزاكم الله خير