07-10-2016, 09:23 AM
07-10-2016, 11:57 AM
07-10-2016, 12:32 PM
|
المشاركة الأصلية كتبت بواسطة روح وريحان7
ياحبيباتي وأخواتي الغاليات اسأل الله لكم راحة البال والطمأنينه الدائمه ، سعيده جدا بردودكم
تزيدني وعي ترتب افكاري بعضها اصاب مئه بالمئه وبعضها بث الطمأنينه في نفسي "الله لايحرمكم الاجر" حدثت أحداث من الممكن ان تلوموني بها او تشدون على يدي . بالمره الاخيره عندما حذفت اضافته بالسناب أعدت اضافته ليلا وما ان رآني حتى بدأ التصوير ، يصور أغراضي على طاولة الزينه ، يصور وجبه سريعه وقد كتب عليها ( اين الشخص الذي كان يشاركني كل لقمه ) يصور أغراضي التى احبها المهم تشجعت من ثاني يوم وأتصلت عليه وقلت له اريد الكاميرا التى بها صوري الشخصيه !! قال : لي كسرت المومري ارتاحي وبدأ نقاش اخر ملئ بالحب والاحترام بدأ.... انتي حبيبتي وانت غاليتي وانا اللي كنت اشوف نفسي مااأعيش من دونك تسوين فيني هذي السواه قلت له : انت تدري قال انا ماادري ... ليش أخوج يوقع العقد وانا ماادري !!! المهم خلاص خلصنا هذا اخوي الصغير وطايش وانا جبت لج هديه شي تحبينه -قلت له مااقدر آخذها منك وأرجوك لاتقرب من بيت اهلي -قال طيب ليش في مشاكل -قلت له اي نعم مايبونك تجي عن طريق الخدامه -قال جذي بيحسسون العيال اننا انفصلنا انا سكت بصراحه وكنت اتمنى ارد وأقول انت شنو سويت ؟ عاتبني اشلون فكرت ان قصده يقيم علاقه معاي بعد الطلاق وقال لي ماتوقعتها منج قلت له ليش تدق وتتكلم فيني عند نسابتنا .. يقول كنت مقهور وحاقد عليج المهم سكرنا بعد توضيح عدة نقاط وبدأ يصور ويرسل لي عمله الجديد المكان والادوات ويرسل صور شخصيه لنفسه وكلام كثير كله شوق وحب المهم -فلان عندك نية رجعه ؟ -لا احنا خلاص انتهينا خلي اخوانج يفرحون بالطلاق !!! "ويدور ويرجع حول كلمة (كرامه ..انا مكسور ..انتوا ضريتوني اهنتوني واخوانج لازم يعتذرون مني وهم اللي يصلحون الموقف "باختصار هو يرغب بالعوده والصلح ولكن عن طريق اعتذار اخواني له وهذا شي مستحييييييل يحدث الا بمعجزه من الله . ارسل لي اليوم قالي ابي اشوف صورتج ارسلت له وانا بالدوام -قالي : تحسفت ليتني ماطلبتج هذا الطلب انفتحت الجروووح !! وتجددت مشاعري عاد انا ركبني الشيطان بصراحه واول ماطلعت من الدوام طيرااااان لدوامه هو يعمل شرطي مرور عرفت من كثر الصور وين شفتات عمله حاليا ومريت بسيارتي من امامه وانصدم ورحت ورديت وصديقه الشرطي يأشر لي ( تحركي ) وانا مااتحرك المهم دعيت ربي قبل لا اروووح ان يبارك لي بهذا الامر ويدخله في نية الصلح لان والله هناك حكمه ربانيه عظيمه من بقاء المطلقه في منزل زوجها بالعده ( حتى يراها ويلين قلبه ) المهم دقيت عليه وقلت له تعال الولد بيسلم عليك ركنت السياره على طرف الطريق وجاء بسرعه سلم صافحني وأكلني بنظراته قال ماتروحون الا أعشيكم طلب من المطعم القريب من نقطة عمله وجبات وحطاهم بسيارتي طالت نظراته واضطريت امشي مشيت وبدا يتصل ويرسل صور له أكثر وبعدين دق وقال وصلتي البيت قلت له نعم وبدا هذا النقاش -لايكون الولد راح يقول انه شافني -لاتطمن وصيته عدل -شنو قلتي ؟ -قلت له لاتقول لأي شخص انك شفت بابا راح يزعل عليك ( بصراحه انا اللي خايفه من زعل اخواني ) -قال بضيق : لااااااااا -بعدين راح يحس ان في شي -شنو اسوي الوضع صاير جذي . وكلمته مره ثانيه -فلان عندك نية صلح ؟ -لا اخوانج اللي سوووه فيني مو شوي -فلان : اخوي شنو قالك بآخر مكالمه ، مو قالك لو ادري انك مو راضي ماوقعت العقد ؟ -: اي بس انا مو راضي واهوا غلطان -: قلت شوف انت صعبت الامور وكبرتها وانا اسأل الله ان يجزيني خير الجزاء عن محاولات الصلح اللي اسويها معاك ،لان فيها اجر عظيم خلاص اشوف ماله معنى نتواصل مع السلامه وسكرت واستمر ينزل سنابات وانا مافتحتهم للحين بعض الملاحظات -مستمتع بـ دور ( ترجيني أكثر لصلح ) -الاخت اللي قالت انه يبي التواصل مع السناب عشان يختفي كل شي ، معلومتج صحيحه ميه بالميه لانه قال لاتحفظين محادثاتنا ويبي يطلع جدام الناس انا اللي ابي الصلح وبصراحه مايعيبني هالشي ابدا ولكن مو مهم . -سألني واستمر بالسؤال هل انخطبتي ؟ منو ؟ عنده إلحاح اني انخطبت ! -الملاحظه المؤلمه بالموضوع واللي ابدا ابدا ماتوقعتها بيوم ( اخوي تغير جدااااااا معاي وصار كلامه فيه قلة احترام لي من دون اي سبب ) مصدومه جدا لو يطلب اي طلب ، يطلبه بطريقه احتقار لي فاجعني هذا التغير واحنا طووووول عمرنا علاقتنا يسودها الاحترام والمحبه . ملاحظه اخيره طلبت منه يوقف اجراءات المحكمه لمدة اسبوعين لان في مناسبه بالبييت ( وبصراحه مو مهمه المناسبه ولكن كانت عذر، انا ابي الورقه تتأخر ) قالي مو مشكله عادي عندي لكن اخوانج قاعدين يضغطون علي ، واخواني فعلا مستعجلين عليها لانهم يشوفونها ((رد اعتبار)) يارب اخرجني من حلق الضيق الى اوسع الطريق |
07-10-2016, 01:44 PM
07-10-2016, 03:16 PM
07-10-2016, 03:54 PM
|
المشاركة الأصلية كتبت بواسطة فلاحة أصلية
اختي روح
كل يوم بفتح حتى اعرف اخبارك ،بالرغم من قلة مشاركاتي لكن متابعة لموضوعك الصراحة اختي اذا طريقة علاجك للامور مع زوجك خلال حياتكم بهذه الطريقة فهذا احد اسباب تطاوله عليك واقصد التنازل واشعاره انك انت المخطئة بشكل او اخر ،انت صاحبة حق والافضل طريقة تعاملك تكون مدروسة اكثر ،شاعرة بيك اختي انت كل هدفك الصلح على شان اطفالك وعلى شان ما تعاني ما تعانيه المطلقات بمجتمعاتنا خاصة انك بدأتي تلاحظي طريقة تعامل اخوك معك ،الله يعينك لكن اختي بلزمك تكوني حكيمة بتصرفاتك مع زوجك وكل خطوة تكون مدروسة ولا تعطي مجال للعواطف تتحكم بيك ولا تكوني متسرعة يعني صح ممكن تنفع معه بعض الامور الي قمتي بيها لكن مش كلها هو الان تلقى الرسالة منك خلال تصرفك انك حابة ترجعي وتصلحي بدون ما تسأليه عن نيته بالرجوع ومع هيك سألتيه مرتين ، اعلم اختي ان الملامة اشد من القتل لكن ضروري نكون معك صريحين لانك الان بتتخبطي بين جرحك منه وبين خوفك من مصيرك خاصة ما بتقدري تستقلي . انت بحاجة ترتبي افكارك وتدرسي خطواتك لو بتكتبيها على ورقة لا تتصرفي بتسرع هو واضح عليه بده يرجع لكن مثل ما ذكرتي حابب انت تترجيه . يعني استغلي اذا رجعتوا انك ترجعي وموقفك اقوى وانه يكون خايف يفقدك مرة ثانية لانه حاليا لو رجعتوا راح يرجع لطبعه معك لانه عارفك ما بتستغني عنه |
07-10-2016, 03:56 PM
|
المشاركة الأصلية كتبت بواسطة kooki3
روح اخوش ليش مقلل من احترامش؟
مو هم الي مصريين على الطلاق! لازم توضحين له اذا انتم مصريين على طلاقي منه عليكم تقدروني وتحترموني وخصوصا انش ام لاطفال وصورتش قدامهم يجب ماتهتز امامهم ، وتوضحين لاخوش وضع انش تعيشين في غرفه انتي وعيالش يعتبرها مؤقته وبعد فتره تفضلين تستقلين انتي وعيالش عنه ، اعتقد بعد طلاقش يا روح بيشتد عليش الحصار فأتني حطيهم من الحين في الصوره ووضحي لهم شكل حياتش القادمه ان رضوا خير وبركه ان ما رضوا يصطفلون ولا يتدخلون ويستعجلون في سالفه الطلاق راح تطلعين من اهانات زوجش الى اهانات وتحكم اخوانش وهم مو خسرانين شي ، انتي الوحيده الخسرانه كل همه متى تطلقين ويستردون كرامتهم من غير ما يحافظون على مصلحتش ومصلحه عيالش |
07-10-2016, 03:58 PM
|
المشاركة الأصلية كتبت بواسطة محب السنة
ما شاء الله عَلَيْكِ أسأل الله أن يفرج همك و يصلح لك زوجك و يأجرك على محاولاتك للصلح أنت فعلاً مرأة عاقلة وفقك الله
(( قولي له ما ذنب أطفالنا لكي تحرمهم عائلتهم بتصرفات أخوالهم - أو كلام أعم - أخوالهم و أعمامهم و أجدادهم وغيرهم - )) |
07-10-2016, 04:00 PM
|
المشاركة الأصلية كتبت بواسطة Lofty
اسأل الله العظيم باسمه الاعظم الذي اذا دعي به اجاب ، ان يصلح لك زوجك و يجمع شملكما في قريب عاجل امين
|
07-10-2016, 04:02 PM
|
المشاركة الأصلية كتبت بواسطة مبتعثة متفائلة
ياعمري ياروح
احسنتي بتاجيل الطلاق لعل النفوس تهدا تدخلات الاهل هي سبب الطلاق لااعرف لكن انتي الاخبر بزوجك هل تصرفاته موزونه يبدو لي مراهق يعني هو يريد الطلاق الان لكي يؤدب اخوانك وكيف يخاف على اطفاله ان يفهوا شي وهو مقبل على طلاق وخراب بيوت شي غريب ومحير برايي الان تتركيه لمده اسبوعين لعله يعرف ان الموضوع جد ويترك لعب الاطفال وياخذ قرار |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
