طيب ماجا ببالك انه برئ من تصرفاتها عشان كذا ثار بهالصوره واستفزته كلماتك والغى السفره كتأديب!!!
ام روان شخصيتك اندفاعيه تصادميه بشكل غريب عجيب واتوقع هذا سبب مشاكلك الكبيرره،،ممكن تلاقين وحده مو ذكيه ابدا و زوجها اردا من زوجك وممشيه حياتها ،،لانها ماتتصادم بهالصوره العنيفه ،،خلاص الشغاله انتي رجعتي ولو في شي بينقطع بعد رجوعك وهي بتموت حسره تشوفكم مع بعض وتتقطع،،اما سالفة يسفرها عشان غيرتك هذي اشوفها صعبه شوي،، يعني لو كانت شغالتك وببيتك بقول لك الله يلوم اللي يلومك وسفريها ع طول ،،لكن ببيت اهله !! قولي له لاتمشور فيها لحالكم واذا راح روحي معاه او تواصلي معه كل شوي وانتهى الموضوع،،واذا صار غلطان لاتعتذرين له ابدا زي حركتك تكبرين راسه وتشيشينه بدون فايده،،

تخيلي انك عندك شغاله ووحده من قراباتك غارت منها لسبب انتي تشوفينه مايسوى وتطلبك تسفري شغالتك وجيبي بالاجره بدالها يمكن اللي بالاجره وحده تجي وتحوس لك البيت بدل ماتسويه ويالله الحين سفريها وجيبي بالاجره لو تقعدي سنه ع بال ماتستقدمي .. وش ردك ووجهك نظرك!! حطي نفسك مكان ام زوجك والله لو منها لتعملي الهوايل .. اجل انتي ماتستغني عن شغالتك يوم وتبي هي تسفر شغالتها وماعندها بديل !! تكلمي بعقل وحطي نفسك مكان الناس بدل هالاندفاعيه !!
والله اني لك ناصحه وماالوم زوجك هنا تبي كل شيء ع كيفك انتي وبس ..

__________________
مضى مامضى والله على المقبلات يعين ..! وعسى الله يزينها على القلب لاشانت~

لحظة لحظة.. انا طلبت يسفرها؟
من اول الموضوع لأخره
وانا مطلبي انو يلم نفسه عنها وبس
اذا كلمته يتجاهلها
والا يوجهها علي انا اخذ واعطي معها
كأي رجل محترم بالعالم
هالتصرفات بتشيل ابليس من راسي


هو يقول ما ابغى اشخط فيها
أخاف تسافر وتترك امي ورمضان قرب
هو عامل فلم طويل عريض ودراما
وقال واذا سافرت باخذ شغالتك امي أولى فيها
هذا كله لاني قلت كن رسمي معها
وهو يقول ما ابغى اهاوشها
مو قادر يفهم والا يستعبط
يعني يا تصير سايح زي الزبدة والا تهاوش!!
غبي...


عموما هو شنها حرب معي
وانا ابوريه الحرب على أصولها
لاني مو خسرانه شي ابدا
شغاله امه ورافض يضع لها حد
وسفرتنا السنويه هو الغاها
وشغالتي يهدد ياخذها
ومقاطعني ومحاربني
خلاص ابشر بالحرب.. والله لو فيها طلاقي
لاحظوا ماقلت بطلب الطلاق
لكن لو وصلت للطلاق ماعندي مشكله
دامه احمق واستفزازي ومايعرف يحتوي بيته وزوجته

اذا كانت شخصيتك وتفكيرك وألفاظك بهذا المستوى..
الله يعين زوجك..

سويتي من الحبة قبة..
------

انا مع زوجك في تصرفه وقراره، إذا انتي منكدة عليه عشان ابتسامة شغالة ليش يضيع وقته وفلوسه في سفر معك؟؟..

واذا سافرت الشغالة امه تتبهذل عشان غيرتك؟ سلامات!!

انا مع زوجك 100% وضدك 100%

اقلبي الادوار وفكري بعقلك قبل ما تخسري زوجك..

مجرد توقع
أتوقع هو نفسه سيبادر ويسفرها ويكون أحرص منك على تفسيرها.

__________________
ياصبحِ لاتِقبل !!
عط الليل من وقتك..

ماهمني يسفرها
المهم قدامي يكونون محترمين
عشان مايخربون جوي

ومايهضم حقوقي كزوجة وحقوق عيالي
شغالتنا لنا.. سفرتنا نروحها.. اذا سلمنا يرد السلام الخ

عفوا شغالتي ماراح اتنازل عنها
بعدين فيه حديث للرسول يقول
"لا يحل لرجل أن يعطي عطية فيرجع فيها إلا الوالد فيما يعطي ولده، ومثل الذي يرجع في عطيته كالكلب يعود في قيئه"

اه يا روان تثبتين لي انك ماتتعلمي مع الايام
ابشرك الشغاله مابتسافر بعد شغاله الناس تبغي تسفرينها على كيفك
وانتي بتاكلي بعمرك وتتعبي وحالتك حاله والكل عايشوموسع صدره
اسحبي عليها حاطه راسك براسها ليه
لو ذكيه كان قلتي
يوه عادي اخذ شغالتي لها خالتي تستاهل
مابياخذ شغالتك هو بس كذا يهددك
بس انتي ماعندك طوله بال ولا تعرفي تردي
كل شي حرب عندك

انا ما قلت سفرها
ماطلبت يسفرها
مو من حقي اسفرها
مو شغالتي
ولا هو بيتي
كيف أقول سفروها !!


هو يقول لو هاوشتها وسافرت وتركت امي الخ
ورمضان جاي وامي ببتبهذل الخ
هو دراما كوين.. تخيل أمور
وهدد بهالموقف يأخذ شغالتي
وقال لي امي أولى منك


عبيط يحسب انه كذا قلب الطاوله
يعني كل الرجال الرسميين مع الخدمات قالوا لهم الخدامات نبي نسافر!!


حسسني انه بيقطع عنها شي عظيم
وكانها جالسه ببيت اهله بس عشان طلته البهيه
مو عشان شغلها ولقمة عيشها

مو انتي وزوجك كلكم دراما كوين
هو يتخيل شي مابيصير الا وهو انها تسافر
وانتي رده فعلك على الشي الي مابيصير الا وهو ياخذ شغالتك
تدرين انه يتكلم من الهوا تردي عليه ليه
قال باخذ شغالتك قولي لاسافرت ذيك الحزه اخذها
وانتي ندري انها مابتسافر