السلام عليكم ورحمة الله وبركااته
حبيباتي كيفكم وحشتوني جدااا واشتقت لكم
والفيسات فوق تعبر عن نفسيتي مافي داعي اشرح زيادة
انا بخير واولادي بخير الحمدلله ..مثل كل الناس نمر بظروف صعبه تشغلنا و نحاول نتكيف معاها و نفرح لما ربي يكرمنا بالفرج
اخباري مافي جديد ..انتقلت قبل 3 شهور تقريبا لبيت جديد هلكت من التعب بعدها انقطعت عن النت لحد ما ركبنا النت طبعا هو يججي بسرعه بس الكسل وما ادراك مالكسل
مافي جديد ... والغريب في الموضوع ان زوجي هالمرة يطلبني نجري محاولة للحمل بعكس كل المرات انا الي اطلبه وهو يأجل ...المرة دي انا مو متشجعه ..احساسي ولدي صغير عمره سنتين و تعب الابر والدوخه الطويله العريضه ساده نفسي ...غير لو ربي اراد حمل بكرمه حيكون وصعي صعب مع مذاكرة الاولاد و ..ووو
مو عارفه لما افكر كذا احس بانو عمري 35 يجري وبعد كذا المحاولات نجاحها ضئيل ...
بس اختكم في الله ذكيه اذا فتح الموضوع انا اقوله اختار اوقت المناسب ياللا وهو يحتار ويتأجل الموضوع من غير ما ارفض...
ما ادري لو كنتو بمكاني اش تختارو..؟؟!!
انا افكر وافكرر ماني قادرة احس بميول للحمل ابدا الا من جهة اني الان ممكن اقدر بكرة لا...فقط يعني بس مضغوطة من الفكرة ليس الا ...!!
هو الموضوع انطرح بس مو بالشكل الي مشغلني بالتفكير ..
الله يرزق الجميع من واسع فضله ....ويختار لي الافضل ولكم
نجي للاخوات الحبوبات والله من كثر تقصير مو عارفه ابدأ بمين ...واخلي مين وخايفه انسى ازعل احد فيكم ..
بس في أخت ماتغيب عن بالي ابدا رغم انها ماتدخل
وهي سعودة الحلوة ...لأيه زعلانه منا <<< كلمي نفسك يالحلوة
خخخخ
والله اشتقت لك كثييير ولاخبارك ليس الا ودي اعرف فين ارضك وايش مسوية مو بلازم حملتي محملتي الحب في الله ماله حدود
وكمان ديدوا ليه زعلانة منا يالغاليه ...سلام عالماشي ....والله بحبك في الله وبشتاق لك كثييير
ونجي للاخوات لنشيطات الي احسن مني
هالااا العسل ..أم الجمايل...الله يسعدك ويجبر بقلبك ياحلوة ولا يترك لك حاجة الا ويقضيها لك ...كيف نور و ايوب ...زكيف وظيفتك الجديدة ...العمل وسط الاطفال مريح نفسيا ..واسألي مجرب ..انا اشتغلت قبل لا انجب 3 سنوات وسط الاطفال كانت ايام حلوة من عمر 6 سنوات ل 12 سنه كنت ادرس ...كانو يسحبو مني طاقه كبيرة ...واعيش وسط جو بريء وعالم وردي بس ارجع للبيت واشوف الجد واختلط بالكبار بأي تفاعل زيارة او تلفون اقول بنفسي ياليتني ارجع طفلللللللللللللللله
لاهموم ولا مشاكل
نورا حبيبتي ..وحشتيني جدا ...كيفك كيف الوالد والوالدة وكيف سما ويوسف ...وكيف الاهل هنالك عساكم طيبين ...مرة اشتقت لكلماتك بالصفحة ..
كريستي حبيبتي كلماتك عن الوالدة اثرت بيا كثييير وواضح ان امك تعبانة نفسيا متحطمة كثييير وتقبلها للمرض معدوم وهواللي مخليها مستسلمة .... الله يساعدها من عنده ويفرج عليها وينور عليكم بالطريقه الي تقدرو تساعدوها فيها يارب ... التعامل مع النفسيات من اصعب الامور
اما العسل كوكار وحشتيني جدا وحابة اقولك رقمك ضاع من عندي لان الباش مهندس الصغير اخذ ايفوني وغسله ونظفه مايبغى اثار البصمات عليه
وتعالي شوفي وجههي ساعتها وانا اشوف الموية تنقط منه
دوريلي ساعتها ...
المهم ابعثيلي رقمك واتس لانه ضاع من عندي مع فرمتة الجهاز بعد ما اشتغل
غموضه الحلوة ...ألف مبروك عالحمل ....الله يتمملللك يالغالية ويزيدك من فضله ويرزقك ماتتمنين ويساعدك ع تربيتهم يكرمك بكل خير ...انتي أصيلة و كل ذوق واخلاق ومن الناس الاوفياء للصفحة هذي
عشوقتنا فراشتنا اللطيفه ...ما اٌقووووووول الا الله يعطيكي ليرضيكي ياااااااااااارب يجعل نهاية صبرك عوض وفرج وسرور ويفرح قلبك وقلب زوجك بكل خير ورزق واسع من واسع رحمة ربي لا يد فيه للبشر يااااارب
اما الحلوة المزيونة حلومة ...الله ينصرك على من ظلمك و يفرجها عليكي ويهيء لك اسباب الفرج ياااااااااااااااااااااااااارب ... ويجعلك من المحتسبين الصابرين الشاكرين يارب
اوراق ملونة انا تجربتي في الصبغه غير بعكس كل لاخوات هنا وصديقاتي اني هما كلهم ما شعروا بألم لكن انا أتألمنك لكن لا تحملي هم هو الم مقدور عليه مو بالوصف الي يرعبوكي فيه بس كانت مهممممممممممممممة فعلا وحددت حاجات كثير في طريقة حملي وانا اشوف نك ما تتاخري فيها
الله يكرمك من واسع فضله يارب
منمون حبيبتي كيفك وكيف اخبارك ومحاولاتك ...الله يرزقك من واسع فضله ويكرمك من طب طبيب ياااارب
مريم الف مبروك الحمل يا حببتي ربي يتمملك هو
نعومة الحمدلله ع اخبار ابنك الحلوة الله يجعلك من خير لخير يارب ويفرحك بشهيد انتي وابوه يارب
سلومة حبيبتي ماتقلقي اذا ابنك مابيحبي اهم شي اطمنتي ..هو لانك بكرية انتي قلقانة زيادة ..لإي اطفال ينتقلو للمشي ع طول وفي اطفال بيتاخرو في كل حاجة ..وفي اطفال متعبين في الاكل زي ابنك ..ومع التسنينالي ماحتكتشفيه الا بعد متظهر اسنان ابنك كلها حتعرفي انو هو اكله متهب والتسني تاعب شهيته خالص لان التسنين زي حالة الوحام عندن احنا الحريم .... متعب للشهية والمزاج وكل شي ..وماتعرفي تزبطي الموضوع الا بالخبرة وتربية الابناء عشان تعرفيه بعلاماته وهذا عنصر تفتقديه لانك بكرية ..لذك النصيحة الي أشعر انك محتاجاها بطلي قلق ... واضح ان القق مرافقك من وقت لحمل ...وهو مش كويس لك ولتربية ابنك ف المستقبل لانه بيدفعك لترتكبي حاجات انتي متحذرة منها ...
اتوكلي ع الله وحطي بعقلك ان الطفل مش حياكل الا لما يكون مشتهي واستحالة يترك نفسه بدون اكل لانها اقوى غريزة عن دالاطفال بالاضافة للخوف من الموت هذي الغريزتين الي يتولدو بيها الجوع والخوف فلا تتعبي اعصابك
الله يهدي سرك ويريح خاطرك ويرزقك باخوه صدقيني تربية التاني اهدأ بكثير عالام لانه تكون عندها ثقة بنفسها ..والاول الله يرحم حاله حقل تجارب
غلا جلاجل الف مبروك لكم الله يتمم فرحكم ع خير يارب ..
الله يفرحك بكل ابنائك يااارب
مرميس الغالية لطيبة ...كييييفك وكييف اخبارك ....يراب يااارب اسمع عنك احلا الاخبار ...كثير احس ان حملك بيكون بقدرة الكريم جل جلاله يا مرموسة ...الله يسعدك ويعطيكي ليرضيكي ويهيئ لك اسباب الرزق يارب
دودي دببدوبي...الله يسعدك حبيبتي ...ادخلي طمنينا عليكي ....الله يجبر خاطرك ويفؤجها عليكي ويعطييكي ليرضيكي ياااااااااااااااارب
اسلام حبيبتي الله يرزقك من واسع فضله ويكرمك اعجلا غير ءاجل يااارب ولا يجعل لك حاجه الا و يقضيها لك يااااااااااارب ا.. لا تيأسي ولا يدخل اليأس قلبك ربي اكرم منه مافي ...ادعي وادعي والحي في الدعاء وحتتفاجأي بحملك صدقيني
اخواتي حبيباتي ..اتمنى لو اني نسيت احد منكم العذر والسموحة ....والله كلكم بالقلب ..والله معزتكم كبييرة وانتم بعد الله ساندتوني ودعيتولي وشاركتوني اسعد ايام فرحي وامنياتي ....ما انسى وقفاتكم واغلى امنياتي اني اشاركم الفرح واشاركم اغلى امانيكم ويااااااااااارب يااااااااااااااااارب ياااااااااااااارب يكتب هذا اليوم قريب ...
مرات اوقف قدام الكعبة واقول يااااااااااااارب اكرم اخواتي بالذرية الصالحة ...يارب امنيتهم يجون ويطلبونك في بيتك العتيق ياااارب واشغلهم الرزق وابعدتهم المسافات ولا واسطة بينهم وبينك وانما السؤال في بيت الكريم كرامة وفضل انا اطلبك لهم ودعوة الاخ لاخيه المسلم في ظهر الغيب مستجابه ياااااااارب ياااااااارب اكرمهم عاجلا غير ءاجل يااااااااارب ياااااااااارب يااااااااااااااارب
امنيتي افرح بكم ويعلم الله
احبكن في الله
رب اني لما انزلت الي من خير فقير