22-11-2011, 04:33 PM
|
المشاركة الأصلية كتبت بواسطة ليه الغرور؟
انت مفكر انها ماقالتلها ...ترى زوجتك عندها علم بكل شي واكيد قريبتها هي او صديقتها متفقين الثنتين انها تستمر معك عشان تشوف النهايه معك..وياخوفي تجيك فجأه زوجتك وتقول طلق ..اخوي ترى مستحيل صديقتها او قريبتها تخونها وماتقلها مستحيل خصوصا انك زوجها يعني مو واحد جايبينه من الشارع..هم متفقين على كدا يشوفون نهايتها معك..
صدقني هم الي قاعدين يشوفون نهايتها معك مو انت ...نصيحه روح خبر زوجتك انك من الاول عارف انها هي الي راسلتها ولاتلوم زوجتك على الاختبار يمكن اسلوبك معها في الكلام يشككها فيك...وحست انك متعود وراعي بنات |
22-11-2011, 04:36 PM
22-11-2011, 04:36 PM
|
المشاركة الأصلية كتبت بواسطة غريب 2010
انت وضعت مشكلتك لكي نصارحك
فلا تزعل من صراحتي في البدايه انت انسان مفتون بصوت البنت التي اتصلت بك لو كنت تتقي الله وتحب خطيبتك ولو لم تكن تحبها لكن تخاف على علاقتكم لم فكرت في محادثة هذه الفتاة بتاتاً لكنك ترد على رسائلها وحادثتها بالهاتف وإن كان هذا اختبار من خطيبتك لك في الجانب الآخر إذا خطيبتك اعترفت فلا تسامحها على هذه الفعله الغبيه فَحكم عقلك وفي الحقيقه انه باين ان صديقات زوجتك صديقات سوء كيف تسمح لنفسها بأن تحادث رجل غريب وتتميع في كلامها ، والصاحب ساحب عن المرء لاتسأل وسل عن قرينه *** فكل قرين بالمقارن يقتدي لاأريد الخراب بينكم لكن هي نصيحه أسدلتها لك والرأي الأول و الأخير لك |
22-11-2011, 04:39 PM
|
المشاركة الأصلية كتبت بواسطة ωнм
اجل مَ كآن له داعي تنزل هالموضوع وبعد هالكلام تسأل وتقول وش رأيكم
انا اكتتفي باللي قلتوه لك دآم شورك من رآسسسك وانت ادرى بمصصلحتك مننا وانا عني ماابي اضيع وقتي مع شخص رأي مَ راح يقدم ولا يأخخخر بَ التوفيق |
22-11-2011, 04:41 PM
|
المشاركة الأصلية كتبت بواسطة مالي خلق
واضح انك ماصدقت صار مشكله بينكم لأنك من الأساس مومقتنع بخطيبتك إخوي نصيحه لاتكلم وحده مومحرم لك مهما كان السبب
|
22-11-2011, 04:43 PM
|
المشاركة الأصلية كتبت بواسطة سندريلا حبيب
راح اذكر هالموقفين يمكن يكون فيهم تشابه لموقفك مع
خطيبتك ... الاول خطيب قريبتي وصديقه عمري قبل ما يخطبها حصل على رقمها من قريبته بالجامعه لانها كانت معاها وكانو اصحاب دراسه كان يضل يتصل عليها بس مو هو يبعث اصحابه لسه لو هو اهون بلاء ويختبرها ليشوف الها نيه تكلم شباب او عندها هالميول ومع العلم ماكن خاطبها لسه ... شو كيف الشك مرض بالانسان وهيه ما كانت تعرف مين المتصل اساسا بس هيه ما كانت ابدا تعطي وجه ومع اي حدا لانه البنت متدينه جدا وتدرس بدار وتحفيظ للقرآن .. وتقدم لها بعد ما ريح نفسه وتاكد وخطبها ... وفترةالخطبه كانت عذاب رغم اقناعي لها بان تتركه ماردت قالت حبيته واي خاطب بيتصرف مع خطيبته هالتصرف لانه بيحبها ... ومن غبائها كانت تفكر بهالطريقه .. لدرجه كان يتصل ولا 40 مرة باليوم واذا كانت تصلي لازم تقطع الصلاة وترد عليه واذا ماردت يعمللها مشكله ... كانت توخذ جوالها عالحمام (اكرمك الله ) حتى اذا رن ترد وكان لما يتصل يقولها وين انتي تقوله: عالبرندة (بكل عفويه ) يصير يهاوش ويحكي عليها ويتهمها انها تعاكس حد.. ويحكم عليها تفوت جوة عشان ماحد يشوفها .. وغيرها من امور بتشيب الراس.. غباء فيها استمرت .... وتزوجوا وللحين الشك بيقتلوا ... ومشاكل وعدم ثقه ... الغيره مرض والشك اسخم الله يعينها........ |
22-11-2011, 04:45 PM
|
المشاركة الأصلية كتبت بواسطة أصيله 3
زوجتك غلطانه بتصرفها 100% ولاادري وش الثقه بهالصديقه ...
والله يانا بخلي صديقتي تكلم زوجي وبعد تدلع وتغزل ,, لو على موتي ماسويها .. واللي تقول عادي هذي حركات البنات المخطوبات الا وانتن الصادقات حركات الغبيات .. وش اللي تخلي صديقتها تكلم زوجها وتغزل فيه !!!! وين الغيره ؟؟؟ اذا بتسوي اختبار تقوم تغير صوتها وتكلم زوجها من رقم ثاني ... الحركة هذي معصية لربها قبل كل شئ .. من اللي سمح لها تعين صديقتها على محادثة الرجل الاجنبي ؟؟؟ بدل ماتنصحها وتوجهها ,,تعينها عليه بحجة اختبار وخرابيط .. نصيحتي / خلك على ماعزمت عليه من التوجه لوالدها واخباره من طق طق لسلام عليكم .. ونبهه ينتبه لبنته من هالصديقه بس طلاق لا تطلق ... انت عقب ماتأدبها وتبين لها خطورة موقفها تطلق !!!, وتادبها لغيرك وبعد ماتكون معها صارم وحازم وحبذا تطلع كل اللي بقلبك على خطيبتك وتتركها فتره لااتصال ولا رساله .. الطلاق لاتطلق إلا اذا انت من الاساس مو مقتنع فيها , ولا دخلت قلبك ولا حبيتها .. ونصيحة اخت لاخوها /// قال الرسول عليه الصلاة والسلام ( لا يفرك مؤمن مؤمنه , ان كره منها خلق رضي منها بخلق اخر) لابد يجي مواقف واخلاق من الزوجه يكرهها الزوج ... لو بدور على نساء الارض ما حصلت المثاليه .. وياكثر مانغلط على ازواجنا ويعدونها , ويا كثر مايغلطون عليها ونعديها .. هذي هي الحياة .. |
22-11-2011, 04:46 PM
]
22-11-2011, 04:50 PM
|
المشاركة الأصلية كتبت بواسطة Beta2
الأخ ما قصد يسيء لأحد ... كلامه كان رد على أختنا الذوق نجدي حتى ما تلوم نفسها
النفوس ثايرة والأعصاب متوترة .. وصعب يركز على كل كلمة بكل رد .. تلاقيه متضايق ومقهور لأنه أمام اتخاذ قرار بالطلاق .. ربي ييسر لك الخير أخي وين ما كان ... والله أحس حرام انه من أول غلطة تحكم .. كنت أنت المحقق والقاضي والخصم ... لا .. وحكمت غيابي بعد  ربي يهديك للخير ... شرايك تكلمها وتعاتبها وتسمع منها بالأول ... المحكوم اعدام يسألوه عن رغبته الأخيرة ويعطوه فرصة يدافع عن نفسه . أنا واثقة برجاحة عقلك ومتأكدة بأنك لما تسمعها راح تقدر تقرر إذا كانت غلطتها دليل على سوؤ بخلقها أو مجرد غلطة بريئة وسوء تصرف بحكم اندفاع عاطفتها كونها أول مرة تحب . تقول انه غريبة الكل يلومك ... اللوم لأنك مشيت على نفس مبدأها ( الغاية تبرر الوسيلة ) هي مشت بطريق غلط لغاية معينة ببالها وأنت عملت نفس الشيء بالضبط .. ما قلنا انها ما غلطت لكن بردة فعلك صار الغلط مشترك .. أعرف انه الموضوع مو تصرف أن مقلب لكن نظرتك لها اختلفت .. كنت تشوفها بريئة وهذا اللي خلاك تحبها والان تشوفها مو بريئة .. وخايف انها تكون أخلاقها مثل بنت خالتها اللي كلمتك .. ومعاك حق بتفكيرك لكنه مجرد تفكير وممكن يكون غلط ... وإذا ودك تعرف إذا هي فعلا مو بريئة لازم تكلمها وتاخذ وتعطي معها بهذا الموقف .. مو من العدل أن تتخذ القرار غيابي .. ما أظنك ترضى تكون ظالم . |
22-11-2011, 04:51 PM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
