حط احتمال كبير ان ماحصل بينك وبينه عند المعارض هو راح يعتبرها اهانه
ويوم دخلت التوقيف انت ,,كان بامكانه ينتقم منك بأنه يخليك كم يوم بالتوقيف ويتنازل لكن دامه يدق ع صدره ويبي يطلعك والله مايسوي هالحركه الا واحد ناوي انه يرد الصاع صاعين
احذر وانتبه ماتدري يمكن تكون نهايتك ع يده او نهايته ع يدك
ياما ارواح راحت بسبب هالاحتكاكات
انتبه
وكإجراء إحترازي ,,احاول انك تستأجر بفندق ولحد يعرف مكان سكنك
وانتبه اذا في احد يراقبك

ويااارب اكون غلطان

صراحة زيارتك له باالمعارض كانت غلط وامس كنت ابي ادخل انبهك لاتروح بس شفتك صامل..
المفروض انك مارحت وخاصه أن والدها وعدك خير،، وموضوعك عنده انت مندفع حيل ياياسر..
ماعلينا
وعلى العموم مايبلها فراسه الولد أجل الموضوع لحاجه في نفس يعقوب يعني براسه علم..

عشان كذا مثل ماذكر مارد الجنوب الزق بوالدها وخلي تفاهمك معه والولد هذا لاتعترضه ولاعاد تكلمه

خل امورك من راسك لراس الشايب والدها وزي ماقالك والدها أمرها عنده مو عند الولد ..

__________________
{اللَّـهٌـمَ أنـي أَسْـأَلٌـكَ الـهٌـدَى والـتٌقَـى والـعَـفَافَ والـغِـنَـى}

حصلت سالفة لخآلي شبيهه بهالسآلفة كان يرويهآ لي زمان
يقول انه مدرس في مدرسة في الطايف مدرسه حلوه ورآقيه

ثم جو نآس من الوزآرة يزورون المدرسه والمكتبة عندهم مآلهآ آمين
رآح الوكيل قال لخالي خلك اليوم بس كمظهر انك امين مكتبة عشآن نفتك منهم
قال اوكي
دخلوآ عليه المكتبة ينآظرون سألوه عن اسمه قال لهم اسمه ب الكآمل
جا اليوم الثآني الا خالي حطوه امين مكتبة رسمي
سجلوه ب الوزآرة

خآلي مآ يبي هالشي
بس كل المدرسين الثآنين نفسهم يسيرون مكآنه
هو يبي يطلع بس خلاص تأقلم معها
والمدير انصدم
مآيبيه يصير الامين
حاط برآسه ولد عمه يبي يخليه هو الامين

وصآر يعآدي خالي
مره صآرت مشآده مع بعض وتجالدوآ
وجاه نقل تأديبي في مدرسة بعيده فيهآ حول 1000 طالب
وسط قرية كلهآ بدو
المهم ان فيه واحد زي نظام يوسف يبي ينرزفه يحآول على قولتنآ " يقآيره "
ويهآيط عليه

مره خالي كان متضآيق ويجي ذآ يكمل النآقص ويتجآلد معه

وتوصل السآلفة للشرطة ونفس النظام الي سوآه يوسف
تنآزل عنه
وصآر يحط خالي برآسه ويحترمه ويسلم عليه وصآر اخلاق


انا مآدري عن نية يوسف
لكن الله يسستر
والله اني خفت

انت تتكلم عن طالب ثانويه عمره 17 او 18 سنه مراهق
لكن ذا عمره 24 سنه
((ومن خاف سلم))
انتبه ماودك تضيع عمرك عشان بنت

والله انه يخوف
الله واعلم وش برآسه
خوفي يشوه سمعتي ب شي ولا يمسك علي شي او يكره ابوه فيني والله مآدري لكن
حسبي الله على ابليس

إن شاء الله خير
بس ياخوي اصبر شوي ليش متسرع
والأفكار الخنفشارية الإبداعية اللي تطلع بدماغك
خلهآ تهدآ لحد مـآتشوف وش يرد الشـآيب
والله يوفقك

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )

المشكله اذا الولد مايطق لابوه خبر
وابو البنت فرح يوم وافق ولده
يعني الاب تقريباً يخاف من ولده
******
ولو العلاقه بين الاب والولد صحيحه
اول شي خاف الولد من ابوه وخضع لقرار ابوه
وثاني شي كان الاب مافرح , يعني كان كرش ولده وقال له غصب عليك بتتزوج البنت
******
المشكله هنا ان الولد الظاهر قيمة قراره مثل قيمة قرار الاب هذا اذا ماكان اقوى من ابوه
وبحكم انك في بداية الموضوع تقول ان الاب ينام واجد ومنقطع عن العالم وعن الدنيا
معناة ان الولد قايم بالبيت وصار هو هرم السلطة بالبيت
الوضع في بيتهم شوي ملخبط
الله يعينك يوفقك
ولاتنسى تاخذ حذرك

ماله داعي التاجيل

اذاكانوا كلهم موافقين وسألين عنك ومقتنعين فيك

خلاص روحلهم انت واهلك واخطب وحدد وقت عقد القران في اقرب وقت ممكن

وليش المماطله بسرعه لحق على عمرك قبل لايصير شي وتتعقد الامور

مراه احسم الامر خلاص هي مجرد ملكه واخته لاتزال عنده ماهي مفارقته خليها عنده لوسنه حتى ان بغا بس اهم شي تضمنها لك
انا ما ابغى اخوفك بس يمكن بهالفتره يدبرلها عريييس من اللي يرتاحلهم ترى كل شي ممكن

خليك واعي قول انا بملك والزواج موذحين عشان يكون هناك فرصه لك يايوسف تشوفلك اختك البنت اللي حاط عينك عليها

على قولته

انا ابيك تكون واعي ياخوي الملكه ماراح تشغلها عن اخوها صراااحه عذر مادخل راسي

انا مظلم اخوها بس كل شي وااارد

قصتك غريبه شوي
يعني كيف تطلع لك البنت من اول زياره الي اعرفه وموجود عندنا ان يجون الأهل ويسئلون وبعدين النظره الشرعيه
ماعلينا المهم
من رد اخوها وسالفه التأجيل اشك انه ناوي لك نيه شينه
او يمكن البنت جاي لها عريس مابي احطمك بس انتبه زين اخوها مؤ صغير عشان يخاف منك ويغير رأيه بالذات بعد ما صكيته كف و حط ببالك لو هم موافقين عليك كان قالوا لك من البدايه وما جلسوا يماطلون عشان تمل منهم وما تدري يمكن خيره لك