هي مشكلتها في نظرتها للزواج وماتحمله من افكار ومعتقدات
اقتحم فكرها و غير قناعاتها عنه
اشتري لها سيديهات وكتب عن الزواج
واعطها الامان و اشعرها بانك سندها في هذه الحياة وانك معها لا عليها وليس هناك سبب لتحترز منك وتسن قوانينها عليك

التزمت الصمت اخي الرسمي .. مثل ماتوقعت ..

ردت على رسالتي بهذا النص ‍" ونعم بالله وماسيكتبه الله الا الصح والانفع والآنسب .. من كل النواحي ..

انا استخرت الله .. والحمدالله في راحه نفسيه فضيعه وطمانينه وسكينه .. انام مرتاحه اصحى مرتاحه جدا ولله الحمد ... معززه مكرمه واهلي مو مقصرين عليا بآي شى ..

انت استخير ربك عشان ربي يشرح صدرك وينور لك دربك ..

مانبي نزيد ونعيد ونتكلم في الموضوع ،، ويطول الحكي وماعاد في شى أصلا ينجكي بعد وقفتي بالشمس ورى العماره وقبلها طرده ومع زوج ماحشم زوجته ولا قدرها ..

الله يسامح الجميع ..

انا أي شي في الماضي ماابي اذكره .. أي شي سلبي في حياتي بمحيه وببعده عن حياتي ..

القادم آحلى واجمل وافضل بآذن الله وبوجود بنتي حبيبتي تغنيني عن الدنيا ومافيها ..

وانت ي رب ي كريم ان ايآمك الجايه الجمل بكثيرررر ويهنيك ربي ويسعدك وين ماتكون ومع مين ماتكون ..

مانبي بيننا الا الاحترام عشان بنتنا .. وآبي ننهي الموضوع في اقرب وقت ممكن ..

ماهو تعليقك اخي الكريم الرسمي !!!

اختي الفاضله .. مثل ماتفضلتي لديها نظره عن الزوج بآنه ملبي لكل طلبات الزوجه مهما كانت .. في اعتقادها ومخيلتها بآن الرجل يجب عليه توفير الماده لزوجته بآي شكل من الاشكال وان الزوجه لابد ان تعيش العيشه اللي كانت تزعم انها عايشتها ..

لا ادري أي عيشه او حياه تتقمص .. عرفت حياتها كما اعرف نفسي بل اكثر .. وكانت دايم تردد هاذي العبارات .. كان يصرف لها من راتب ابيها التقاعدي 4000 ريال زياده على راتبها مايقارب 4500 مجموع 8000 شهريا لمده سنه من وفاه ابيها .. بعدها تزوجتها وبحكم بعد عملها عن المنزل اضطرت على الاستقاله ولم يعد يصرف لها هالمبلغ من الراتب .. فلم يكن لها الا انا زوجها .. ولكن مااستنتجته انها كانت راغبه مني بتوفير هالمبلغ لها او مايقارب له ..

مستغرب من تفكيرها بالماده بهاذا الهوس .. هل الحياه الزوجيه ماده فقط... رغم انني لست مقصرا من ناحيه مصروفها ومآكلها ومشربها وبيتها .. خلال هالمده من زواجنا سافرنا مايقارب 5 مرات مابين .. دبي - شرم الشيخ - القاهره - البحرين - جزيره بالي

في بعض الأوقات احسها تريدني ان تكون لدي حاسه سادسه .. يجب على ان اعرف اذا هي محتاجه او غير محتاجه .. ترتيب الآلويات لديها معدوم

هل هناك مجال في اصلاح زوجتي !!!

استمر في تطنيشها وخلي ردودك لها جافة ولا يخوفك طلبها للطلاق لانها عارفة انها هي الخسرانة الاكبر بالطلاق

الله يهدي النفوس بينكم

يبيلك شوية صبر وطولة بال ....لو صحيح تقصد هل كلام كان ما كتبته لك .. بس هي تعرف انك ضعيف امامها وامام طلباتها ...اذا استطعت ان تصبر الان راح ترتاح بقية العمر اما اذا خفت وتراجعت راح يبقه هذا حالكم طول العمر ...الامر بيدك وانت تختار اي طريق تسلك لحياتك ..... انا لو منك ارسل لها كلمات قليله ...مثلا ان شاء الله .... او ربي ييسر لنا ولكم ان شاء الله .... المصيبه في زوجتك انها لم تعيش حياة زوجيه طبيعيه بين والديها وهذا له تأثير كبير على شخصيتها

للأسف في كل تتطرق لنفس السيناريو والدراما .. وهاذا الشي ينتقص منها كزوجه .. هل هو
جهل ام فرض شخصيه وراي ..

طبعا راح اواصل بأخذ الاستشارات منكم وبالتحديد من اخي الكريم الرسمي

اخوي

نحن نساء و نعرف تفكير بعض .. خليك مع الاخ الرسمي ..

.
.

زوجتك جالسة تمثل عليك و تعمل دراما معاك ..
عشان تستعطفك و تشيل الغلط عن نفسها ..

و بدل ما تكون هي الغلطانة .. تصير انت و اهلك الغلطانين ..

.
.

خليك على اُسلوب التطنيش ..
و لا ترد عالرسايل ..

هي ما راح تقدر تستغنى عنك ..

طنشها ولاترد علىى رسائلها ابداً
وبعدين اخوي اذا رجعت لازم تعدل من وضعك
وش اللي 2000ريال كل شهر !!
انا مااقولك ابخل عليها لكن كل شي بحدود واذا الشي تجاوز حده باخ وماصار له طعم
ثانياً لازم تفهم ان والدينك خط احمر مهما حصل
ثالثاً لاتسمح لها تشتري لو عود كبريت للبيت دام انها من النوع اللي انا جبت وجبت اقطع هالامر وارتاح

رابعاً قنن زياراتها لبيت خالها مو كل شوي وهي رايحه

اذا تبغى 8000 ريال كل شهر ..
خليها في بيت اَهلها و خلي الوظيفة و ابوها ينفعوها ..

الوحدة تتزوج عشان تبني أسرة و تحسن التبعل لزوجها
و تحصن نفسها و تهتم ببيتها ..

3000 ريال مرة كثير ..
و انت القرار لك .. اذا تحب تعطيها براحتك
لكن انت طلبت راينا في المصروف .. و هذا رايي ..