من رأيي انك ترجعي فهو بالنهاية أبو عيالك ويستحقون منك محاولة الاصلاح
ويمكن زواجه الثاني يكون فاتحة خير عليك وربي يصلح بينكم
من رأيي ارجعي و لكن بدون ضعف وتنازلات وانما بنفس صافية و عزيمة قوية على الاصلاح مع المرشدين الاسريين
وخليك واثقة من نفسك و عيشي حياتك الزوجية بدون التركيز الكلي على زوجك وتصرفاته وخاصة انه لن يكون متفرغ وانما سينشغل بجزء من وقته لبيته الثاني ...ومن جانبك أنت انشغلي بأطفالك وبيتك و بالاهتمام بنفسك وبعلاقتك بربك وبعلاقاتك الاجتماعية
وتأكدي زواجه الثاني سيغيره بإذن الله للأفضل ولكن كوني حكيمة وصبورة

الولد يخير والبنت بسن 7 سنين اعتقد ياخذها بس بعض المحاكم يخلونها مع الام للمصلحه عشان القصص اللي تصير والجرايم بحق الاطفال ...
وتقدرين تكسبين حضانة اطفالك علطول لو عندك ادله على عدم مسؤوليته وفساده..

وبالنسبة لشروط اهلك حلوه بس اهم شي ماتتنازلون عن اي شرط فيهم ..
وزوجك لازم يعدل حتى في التمشيات والمستشفى وغيره وغيره ,,, واي شرط تحسين انك تبغينه اكتبيه.,.
عالاقل بهالحاله اهلك مايلومونك ااذا زوجك رفض الشروط او مانفذها..

سلمى

وهل حياتي مع زوجي هي الامان!!!
انا عارفه ان حياني عازبه ومع اطفالي فيها صعوبات ومتاعب..لكن بترك هالخيار هو الخيار الاخير ...

وبالنسبه للأطفال هم اللي كاسريني الان ومتعبين تفكيري وهم السبب الوحيد اللي يخليني افكر اني افكر ارجع لزوجي رغم عدم محاولته لارجاعي وكأني متزوجه ابوه مو هو...!

لو رجعت فاالحلول اللي عندي نفدت وخلاص مافي حل الا اتباع خطوات المركز الاسري وربي يوفقني

اما اخطائي فما انكر ان لي اخطاء كبشر لكن مو ذيك اللي تخلي زوجي يعمل هالعمله ويتزوج

يعني اخطائي بذكرها وهي
- اسأله تبيني والا لا سالته ثلاث مرات ومسكها علي يقول دايمن تزعجني بهالسؤال!!!

-طلب الطلاق وبكثره ليش! لاني عارفه اني بوصل لهالمرحله وهو مقصر ماديا ومعنويا ودايم التهديد بتزوج عليك والا احب وحده...

-الخطا الثالث واعتبره حساس هو انه كل ماتزوج رجل ع زوجته جاني مبسووووط ويتبسم ولاحظت هالشي كثييير واسكت اخر مره كانت بشهر 2الماضي وصارت مشاده بيننا وكان يخبرني انه بيتزوج وكان جاد وصراحه طفح الكيل وقلت له انا احب خطيبي السابق




الثانيه

طبعا ماراح اتنازل كافي اني تنازلت زمان ومانفعني شي وصبرت على فقره وسوء معاشرته وكافئني اول ماجاله الراتب وخذ قرض اتزوج وبسرعه

مدري يمكن ارجع وانا ناسيته يعني مايهمني زيه زي اي رجل غريب لكن اهم شي حقوقي ويعدل بيني وبينها ويعطيني ليلتي ويومي ديكور قدام الناس وله مني المعامله الحسنه
واحتمال كبير ارجع سنه تجريب اذا اعجبني الوضع وهو تغير بستمر اذا لا فمظطره انهي هالزواج ولله ما اخذ ولله ما اعطى

اما زواجه ما اظن يتعدل ارى انه بيجاول يقهرني خاصة لو كانت رجعتي قبل لا يتزوج الان هو ماجل زواجه الى متى ما ادري


الملاك يونا
ماعندي ادله هو سيء من ناحيتي مو من ناحية الاطفال اجيب ادله انه سيء معي اما الاطفال فما فيه


ويعطيكم العافيه جميعا

ليش كذا

انت تستوعب والا لا ؟ خخخخخ يا اخي ادري انه ما يبيني الله لا يوفقه ولانه مايبيني ماقلب علي جد الا لمى استغنى وصار عنده فلوس واتزوج

فهمنا انه مايبيني خلاص وعارف ان من ناحية نفسي ماينعغ استمر معاه لو يوم...

لكني متوووووووووووهقه عندي طفلين فهمت؟ ولو اني اطلق ويبقون معي واتزوج لكان اتطلقت لكن انا يا ارجع ياعيش عازبه يا اعطيهم ابوهم واشوف حياتي

علشان كذا انا افكر شسوي اطلق والا ارجع فهمت؟
ولو الاقي لي مخرج كان اعتقت نفسي وريحت بالي.

الله يفرجها بس وحسبي ربي ع زوجي

اختي

كيف تطلبي منه يتغير و تتشرطوا عليه و هو يقول للكل
يا نااااااااس ما أبغاها ؟؟؟؟؟؟؟؟؟

أنتِ الحين ليييييييش تفكري بأشياء ماصارت ؟؟!!
ويمكن ما تصير ..!

ركزي بوضعك الحالي والمستقبل على الله ..
وانتِ أدري بنفسك ، وكلام المستشارين الأسريين لا يودي ولا يجيب ..
كله كلام نظري .. ما ينفع للواقع ..!
ما يحل مشكلتك قدك ..
اصبري انتِ الآن وشوفي .. وعلى الأطفال زوجته ماراح تتحملهم حتى لو اخذهم راح يرجعهم ..

__________________
إذَا هَاجَتْ أَمْوَاجُ الْفِتَنِ ، و تَمَزَّقَ شِرَاعُ الثَّبَاتِ ؛ فَتَأَرْجَحَ قَارِبُ الإيمَانِ مُؤْذِناً بِانْغِمَاسِ القَلْبِ فِي لُجَجِ الظُّلُمَاتِ
نَــاج ِ { لاَ إِلَهَ إِلاَّ أَنْتَ سُبْحَانَكَ إنّي كُنْتُ مْنَ الظَّلِمِينَ }

روح الطير

في هذي معك حق وهذي نظرية اهلي والمستشارين
انا ما ادري كيف بيتغير وانا سنتين وثمانية اشهر ولا فايده


الابنة الصغرى
ﻻﻻﻻﻻﻻﻻ لازم احط لكل شي حساب
بالنسبه لي مستقبلي بدونه افضل وراحتي النفسية وسعادتي مو معاه
اما الاطفال ؟؟؟
اما المستشارين فانا ارى ان لهم راي صائب وهو عندهم علم ورؤية اكثر مني


لو انا مثلا رجعت فما ارجع رجوع كلي يعني سنة تجريب ومع المستشار وفي حالتين بس
1-اذا شفت من زوجي رغبة منه هو بأرجاعي ووافق هو بدون ضغط عليه من ابوه ع الشروط

2اذا المستشار بالمركز راح يعطيني شي جديد انا ما قد سويته برجع واجرب ماني خسرانه شي خاصة الطفل رضيع اما اذا بيعيد لي نفس الطرق اللي سويتها حينها عفوا مقدر ارجع

طيب أختي هو ليه مأجل زواجه الثاني حتى هذا الوقت؟؟؟؟

ليه ما تزوج دام انه مبسوط بزواجه وباختياره؟؟؟

أنا أقولك انه بيتغير بعد زواجه الثاني لأنه احتمال كبير يكون هالزواج فرصة يعرف قيمتك أكثر لما يجرب غيرك

أختي لحظات فرح وسعادة بإذن الله

والله يكفيك معاملته لك في الليلة الأولى لتختاري الفراق

حبيبتي الرجل اللئيم يقضي شهوته في تلك الليلة بفرح، فكيف هذا الرجل لا يفرح بمتعته أليس غريب؟؟

لا أقول لك سوى أنكم الآن ثلاث ضحايا فلا تغامري بالعودة فيزيد عدد الضحايا

بسبب تجربة سنة قد تدفعين ثمنها عمرك بأكمله


وتذكري أنت لست وحدك لتغامري بل معك أطفال لا يستحقون منك أن تذهبين بهم في تلك البيئة الفاسدة

__________________
عندما أكتب فأنا أناقش الفكرة لا الشخص..

فلا ضير أن تختلف آراؤنا ولا تختلف قلوبنا..

الثانية
مشكوووره ع الدعم النفسي

مأجل زواجه كما قال ابوه ان ماعنده فلوس كافيه لاقامة حفل الزواج..
اما انا خايفه يرجعوني قبل زواجه وهو يستغل هالفرصة بتعذيبي عن قرب...



ديمي

والله جد تعذيب ولما هربت لاهلي ورجعت المرة الاولى ورجعتله انواع التعذيب النفسي وصرحلي واعترف لي باشياء ماقد اتخيلت انه بهالوقاحة

قالي انه كان يجاملني لما يقولي احبك عند اهلي وقالها مرتين ما انكر اني كنت اجامل

وقال محد قالك تصبرين وهو بنفسه كان يحاول فيني زمان استمر معاه

وانه يوديني السوق لان الفلوس فلوسي ولو هي فلوسه ما وداني وفعلا هالشي اثبته بفعله بالواقع


المهم هو دخل علي وقال ما ابيك فعايل سودا كثيره عديتها وانا عند اهلي
وفي بيته قلب علي على طول وقالي ما ابيك وعلى الطالعه والنازلة ليتني ماتزوجتك ليتني طلقتك وانا بتزوج وبحط الجدار بالجدار وفعلا تزوج واهله الان يكررون الجدار بالجدار

ولطالما ان في تضحية سواء كان باستمراري معاه او اكون عازبه لاجل اطفالي فأنا اختار

اكون عازبه واتفرغ لمستقبلي وسعادتي اما اكمل دراستي او احاول اتوظف وهو له الخيار يطلقني ويعتقني لوجه الله خخخخ او اقنع اللي عندي واصر على رايي لين يودوني المحكمه


صراحه الوضع الان مو مطمن انا شايفه رجل يضغط عليه ابوه علشان يرجعني وحتى اطفاله مهمشهم كله كره لي وبكذا ماني فارضه نفسي عليه ولا فارضته على نفسي والله المستعان

ومشكوره ديمي