هلا ام خالد الله يفرج همك ويسعد قلبك .. زوجي قدم لي حلول تناسبه هو فقط .. في نظرك هل اجلس معلقه الي ان يحن قلبه علي وربما يعود وربما لا .. انا صراحة من قهري وغبني جننته في الواتس على الطلاق لأن في نظري تأخره عشان مصلحته يخاف اذا طلق اشتكي عليه استرجع فلوسي هذا ظني والله اعلم قد يكون صحيح وقد يكون لا .. احس اني مذبذبه مررره احبه وادعي الله يحنن قلبه عليه ويجمع شملنا ومره اكررهه وادعي واتحسب عليه .. بالنسبه لبنتي الصغيره طلبها بعد ساعتين لو رفضت ان انزلها له راح يحرمني من شوفتها لو طلبتها مره ثانيه اعرفه انسان عنيد جداا

__________________
Hug

الله يسعدك يا شيخه مرة فرحت لما شفت كلامك هذا و ربي نزلت دمعتي عشانك

انا قليل اتفاعل في قسم المتزوجين اصلا و اليوم على حظي تكيت هنا

ادري انه قدم الحلول اللي في صالحه و خايف من فكرة الطلاق بس عشان الفلوس

لكن انا بسألك وش فايدة الفلوس امام راحه بناتك ..؟

و اعرف الاجابة مقدما .. ولا شي ، اساسا انتي الحين منتي بحاجة الدين و هو ما يملك يسدد

ياشيخه قولي الحمدلله في وضعك ان الزوج له في قلبك لو واحد بالمية من الحب

انا اقترح عليك تتمسكين بالحب هذا و تتوكلين على الله و تتسامحين منه

تعالي له بالطيب و لمي الموضوع بيني له انك متمسكة فيه هو زوجك عاطفي

اظهري له عطاء بدون المطالبه بأي شي عشان اذا جا يعطيك بيعطيك بدون ضغط منه

ادري انه شي مغبن و قاهر للغايه لكن خليك اذكى منه و اصبري عليه لان انتي عندك هدف بالنهاية

هدفك انك تحافظين على بيتك و بناتك و هو مصيره يرجع لك بحول الله اذا في خير

يافرح ترا هالكلام انا قايلته قبل كذا كم مرة ... حنا يالحريم مو ضروري عندنا الرجال

حياتنا تمشي بدونه ، انا لما تطلقت جلست اقول لنفسي وش الفايدة الحين غير ضيعت اولادي

العذاب النفسي خف ما اقولك و لا راح يروح ابدا ليه لان ذريتي مو معي

ف ما دام الغبن كذا و لا كذا حاصل ....

امسكي بناتك و خذي اجر فيهم ... و الحمدلله ابوهم مو ظالم بالحيل

كلمة كلمتين تجيبه و الطيب يمشي معاه الحمدلله ، الله يعينك تدارينه مثل الاطفال لين تمشي حياة بناتك

و لا تنسين الدعاء ... و الصدقه تيسر الامور

ترا ربي عطانا مفاتيح كثير لحل المشاكل لكن الشيطان يعمينا عنها تماما و نظن ان مافي حل الا الفراق

شوفيني لمن عاندت في الطلاق و بعد ما طاح كل اللي في راسي صرت اقول ندمانة

هذا دليل ايش .. انوالشيطان راح خلاص و صار يلعب في جهة ثانية

قاعده اكتب لك بحسرة تعرفين وش حسرة

__________________

‏
الوعي هو الملاذ ..

أستغفر الله العظيم ؛
( الفردوس غايتي )

يا ليش بيحرمك من بناتك انت اولا فيهم وحضانتهم لك انتي قانونا. ما ادري ليش للان ما طالبتي بهم. الله يهدي سركم ويفرجها عليك اختي انا غير متزوجة لكن. لو كنت مكانك لتمسكت باولادي اكثر شيء. اما الزوج فيه رب بيحاسبه. حتىلو كنت معلقة الاهم والاولى اولادك

__________________
انا مغربية وافتخر وكلي فخر اني مغربية.
اللهم ارحم ابي رحمة واسعة. واشفي امي وارزقني زوجا صالحا با رحمان يا كريم

هلا اختي rose fanee .. والله امنيتي يترك البنات عندي ويروح يعيش حياته بس هو رافض .. حتى وان شكيت عليه اي جهه حكوميه .. محد بينصفني منه لأني ما زلت على ذمته بعكس لو تطلقت وطالبت بالخضانه .. وهو مازال يماطل في الطلاق مادري وش هدفه

__________________
Hug

القانون والشرع غائب في مشكلتك ،،، قانون زوجك يمشي على الجميع ،، شرعا بناتك صغيرات ويجب أن تكون الحضانة لصالحك حتى لو معلقة،،، المحامي الذي يتوسط بينكما ألم يخبره عن الشرع؟ لماذا أراك ترين أن كل حل مضيعة لوقتك ؟ البحث والمطالبة بالحقوق ليست مضيعة للوقت و ليست عيبا ،،،

__________________
[img]http://im33.***********/edShu.gif[/img]

اي جهه حكوميه تقدر تساعدني لو حبيت اخذ البنات منه .. صدقيني والله محد بيوقف معي طالما ما حصل الطلاق .. بالنسبه للمحامي اما ان زوجي مؤثر عليه بالكلام او انه هو في الاصل بارد وكسول ليتني استخرت الله قبل اختياري له

__________________
Hug

ياخيتي اختلف معك هنا

تقولك زوجها عنيد و اذا طالبت بحق الحضانة ممكن يطلعه من عيونها

بعد ما يكبرون خليها تحاول ودي الحين يمكن الله يكتب لها حل مرضي افضل .

عندي احساس قوي انه ما يبي يطلق

__________________

‏
الوعي هو الملاذ ..

أستغفر الله العظيم ؛
( الفردوس غايتي )

نعم يُقترض أن يكونوا بناتكِ في أحضانكِ ..
واسمعي كلام أم خالد من انسانه تتألم ..
مصير الطيور تعود لأعشاشها يافرح ..

ليه ااحضانه له
ليه تتنازلينةعن البنات

ام خالد تالمت لكلامك كثيرا وشعرت بغصة لحالك اسال الله ان يجمعك بابنائك عاجلأ غير آجل ويبدل حزنك فرحا وهما سرورا .. اختي فرح اسمعي تجربتها والله إنها لأخت صادقة لاتريد لك إلا الخير نحسبها كذلك والله حسيبها .

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين