انا صح وزني لين دحين اعتبر نحيفه ... بس ياقلبي انا الزيادة تقهرني ...
وانا ابغى اخد راحتي بلبس الضيق وغيرو ... فيسير ملفت شويا ... وهدا مراا مااحبوووو ... ينرفز ..
الحمدلله اني مااتخن بمنطقة البطن ولا كان تجننت ..

فطوري ياقلبي مايتغير كتير ...
يا سلطة .. شكشوكة .. زيتون ..فول
او
سلطة ... بيض مقلي .. ايدام بالخضار ... زيتون

وشاي لازم مع الفطور .. وبس

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك

ايدام بالخضار تفطري !؟
سلطة ايش !؟

.
.

ابغى اعرف ايش تفطروا و تتغدوا و تتعشوا !

ابغى أزيد خمسة كيلوات ..

دحين ارجع للصفحات الي وراء
كنت اول ماني فاضية

دحين فضيت لنفسي و لكم

هالبنت تتعبني نفسياً
ناس تموت تنحف
وهي مو عارفه تاكل وتحط قلبها بثلاجة

ياروح روحي ههههههههههههه
اللي يسمنوا هم اللي ما يحاسبوا ايش ياكلوا
يعني يعبو الكرش كل شوي وبكذا يزيد الوزن
عبي الثلاجة اكل
واطبخي يوميا غدا وعشا دسم
وبتسمني

__________________
الحمدلله الذي بنعمته تتم الصالحات

روح تحبين اكلات الجنوب العريكة والمعصوب
تعشي منها يومياً وبتشوفين الفرق

باكل يا شوك ..
و ماشية على مبدأ نحن قوم لا نأكل حتى نجوع ..
طيب ابغى أزيد ..

ايش اكل كمان !؟

يمكن عشان لما اطبخ .. تنسد نفسي !؟
و لما اشوف ولدي ياكل .. لقمة من هنا و هنا و خلاص احس حالي شبعت
و أنسى اني اكل

فاكهة

ما ابغى اسمن .. بس ابغى أزيد هههه
ما احب السمنة .. بس برضو النحف مو حلو ..

تدري جات فترة افكر اني انفخ فوق و تحت !

تدري يا شك شك .. ادلعك

تدري .. اني اكل اي شي !؟
و احب طبخ البيت ..

كانت امي الله يرحمها لما تطبخ اي شي .. كنت الوحيدة الي اترك اكل السوق
و اكل مع امي .. و تنبسط مني ..
عشان كذا اول سنة زواج كانت تطبخ و تشيل لي من طبخها
عكس اخواني و اخواتي .. يتركوا طبخ امي و يجيبوا من السوق آكلات ..

يعني شهيتي الحمدلله كويسة ..
بس ما ادور عن الاكل .. او بالاصح ( ما اعرف ايش اكل ) !؟

انا من المنتدى هنا تعلمت لما اروح السوق ايش اشتري آكلات
و تعلمت ايش اكل بجد ..

.
.

كانت امي الله يرحمها تشتكي مني .. تقول البنت هذه لو ماحد يفكرها انه فيه اكل ..
تموت من الجوع
لازم اجيب لها الاكل لحد عندها و اقول لها ( كلي )
و اخوي يتريق و يرد عليها .. ( لا تسالوها اكلتي و لا لا ؟ اسالوها ايش اكلتي - كتب - ) !؟
هذه تاكل كتب ..

.
.

الأكلات هذه الي قلتيها احبها .. بس ماعرف أسويها

.
.

باعاني فعلا .. اني بأعلم نفسي يوميا الطبخ عشان اولادي و بأحاول اني ابدع ..
و لما اكون مضغوطة اجيب لهم من السوق ..

كانت في بريطانيا شغالتي تطبخ لي و تغصبني أفطر
منها تعلمت و تعودت اني أفطر كل يوم ..

هههههه مو ايدام دسم يعني بااللحم او الدجاج ... مااعرف كيف اشرح لك
خضار مطبوخة عالسريع ..بصل وطماطم وجزر وفلفل رومي ... تكون شرائح ..كانت تسويها لي خدامتنا الاندونسيه ربي يسعدها ...

والسلطة عاديه ... بعض الاحيان فتوش ... وبعض الاحيان الخضار الي تعجبك قطيعها شرائح .. واحط عليه زيت زيتون ... او من الصوص الجاهز ..

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك