انا زوجي ينام بغرفة ثانية لحاله ..
يقول عشان المكيف هو يحبه باارد وانا ما اتحمل
ما احس الموضوع قضية كبيرة
يمكن لاني من النوع اللي احب الانفراد وقت النوم
بس طبعا مو عاجبني الوضع كذا

حاسه فيج .. الأمر متعب
بس انتي قدها وقدود
جربت الصدود .. وانه من النوع اللي ما اتحمله ولا اتقبله ولا اصبر عليه ..

بائعة .. جم فرق العمر بينج وبين زوجج ؟

فرق العمر أحياناً يوضح لج بعض الامور
اذا بينكم فرق بالعمر يحسها كبيرة عليه بعض الكلمات
وبالهم يكون ضيق وما يتحملون شيء..

شلون نفسيتج ؟

بالنسبه لي اشوفها أكبر قضيه
واحسه يكرهني لو سواها مشاعري وثقتي كلها تهتز
سبحان الله الناس اطباع

الفرق بيننا أكثر من 20 سنه
نفسيتي اليوم أفضل من أمس الحمدلله
كلمني ولكن كمان بأسلوب رسمي
انا خمنت انه زعله هالمره أكثر بكثييير من كل مرا يبيه درس ماأنساه
وحاسه يبيني ماعاد اناقشه بشي يعني اللي يقوله اقول تم
بدون جدال! !!
وأشكرك على سؤالك حبيبتي الله يوفقك دنيا وآخره

[COLOR="rgb(72, 61, 139)"]السلام عليكم ورحمة الله وبركاته ,,,
نعم استمري على هذا الأسلوب الذي يتحدث به معكِ ،وأوقفي الإعتذار لأنك لو ظللتِ تعتذري سيزيد عليك ..
لا تفتحي شيء مما حصل إلا إذا فتح هو الموضوع ،وسخره الله لكِ .[/COLOR]

زوجي يقول لي لما تصير مشكلة كبيرة
وتقعدين تفتحين الموضوع كل مرة وتطلبين مني انسى وتعتذرين ووو
اللي يصير انج تثبتين الشيء في مخي
وتذكريني به مما يصعب علي النسيان
اظل كل مرة اتذكر الموقف وتقفل نفسيتي أكثر

هالمرة ما فتحت وياه الموضوع وقاعد يرجع لطبيعته بشكل اسرع الحمدلله
انتي اللي مصعب عليج الموضوع انه بعيد ومسافر
فتحسين بتوتر أكبر ..

اللي ساعدني هو الرسائل الايجابية اللي اقولها حق نفسي قدام المنظرة..

اقول لج هالكلام حبيت انج تستفيدين من تجربتي.. إذا فيه إمكانية للإستفادة منها


😊 زين تسوين لا تواصلين اعتذار .. وتعاملي طبيعي
❤️ لا تتضايقين حبيبتي .. ترى فرق العمر بيننا وبينهم له دور

الله يوفقج حبيبتي ويفرح قلبج

بائعة كيفك اليوم؟اذا تكلمتو مع بعض قوليلو بدي صارحك بشي نومتك بعيد عني
وايش ماكان السبب كتيير وترتني وتعبت نفسيتي وخلاتني القح في الكلام واتمنى تتفهمني حقك
عليا حبيبي واختمي معه الكلام

بتكونين سويتي كل اللي عليك وريحتي مخك

خلليه اخر كلام واعتذار وبتصور رح يرجع مثل اول

زين أبيها
اشكرك ياعمري
الله يصلح أحوالنا جميع

قلوب حائرة. .
اليوم أرسل رساله طوييله
رفقا برفيق العمر قبل أن يرحل وتندمين ومااعرف ايش
هي طويله مضمونها لازم المرأه تصبر وتقدر ضروف زوجها وووو
ماعاد عرفت ايش ارد
شيء مضحك
وين راح حديث الرسول عليه الصلاة والسلام
وهو الأصل رفقا بالقوارير! !!!!

رديتي عليه ؟

إذا رديتي شقلتي ؟

السلام عليكم ورحمة الله وبركاته,,,
لاتردي برد سلبي انتبهي لأنه ليس من صالحك فهو مشحون منك، عندما تريدي التغيير فلتكون نيتك خالصة لله ثم أجلك أنت ثم زوجك..
من الصعب الإنسان يغير من حوله وأصل الخلل به..
"إن الله لايغير مابقوم حتى يغيروا ما بأنفسهم "
تأملي هذه الآية وقفي وقفة جادة مع نفسك.
موفقة أختي الكريمة.