الافضل انه صارحك علشان تفوقي لنفسك ويطلع من بالك وقلبك
بالنسبه للالم من الحزن والصدمه شي طبيعي مع الايام يخف تدريجي حتى يتلاشى باذن الله
اكثري من الدعاء بالعوض والاستغفار والتسبيح ودعاء الهم والحزن
وقراءة سورة يوسف تخفف الحزن باذن الله فهي نزلت على رسول الله بعام الحزن الذي فقد فيه عمه وزوجته

توجهي لربنا و انسي خلاص ..
الذنب الي عملتوه كبير .. و تقربي من ربنا

خلاص ابو بنتك .. قالها لك بصراحة
و قطع اي أمل للعودة له ..

و كذا افضل عشان لا تعيشي على اوهام و احلام و خيالات

اذكري الله وتصدقي والله راح تحسي براحه عجيبه
وكل ماحزنتي افتحي القران واقري والله راح ترتاحي

الحمدلله اولاً واخيراً
أستعيني بربك بالصلاة والاستغفار .. وأن يزيح مافي قلبك من ألم ..
والحمدلله الاهم انه أقل شي انه ما يقصر على" بنته" ..حتى ما تتعبين أكثر ..

الله يفرج همك..

وكلي أمرك لله, وهو سيدبر أمرك بحوله تعالى..

لآ تعلمي أين الخير
ربما ما حدث لك خيرة وأنت لا تعلمين..
وربما يريد الله سبحانة أن يردك أليه وتتوبي فحدث لك هذا..
أنظري للموضوع من زاوية إيجابية..

لا تعلقي أملك على طليقك, أنشغلي بنفسك وبنتك..
وفقك الله

__________________

(( هناك مواقف أيقظتني وصنعتني من جديد..
وهناك علاقات توقعت منها الكثير ووجدت منها القليل..
وهناك دروس لم تكن بالحسبان، لكنها علمتني الأنتباه ! ))

اللي عليك سويتيه..

خلاص.. ما لك إلا ترضي بالمكتوب لك.. ولعله خير لك..

إن تراجع وغير راية فالحمد لله.. وإن بقى على راية فالله يعوضك خير..
...
..
.

__________________
سأكتبُ شعريَ الباكي ..... بدمع القلب لا الحبرِ
أُسَطِّرُهُ على كبدي ..... وأتركُ دَفْتَرَ الشِّعْرِ
جراحُ أحبتي في الأرضِ ..... تبعثُ عاصِفَ الفِكْرِ

من أول متابعة قصتك
انا نفسك تطلقت وانا حامل بسبب وحامي وتدخل اهله بينا
بس الفرق أن طليقك يسأل عن بنته ويصرف عليها بس انا لا لآ شافها ولا سأل ولاصرف

بعد الطلاق قالها لي بكل صراحة
وسبحان الله نفس كلام طليقك
قال ((أقسم بالله وبعزته وبجلالة لو ابغى أرجعك كان رجعتك من زمان لاكن الي بينا ماضي وانتهى واذا عندك أمل في الرجعه اقطعيه اقسم بلله مارجعك والبنت حلال عليك
اقطعي اتصالاتك ورسائلك ))

مافقدت الأمل واستمريت على الدعاء والأستغفار وسورة البقرة
وطنشته لمدة شهرين بعدها رجع يتكلم معاي ويقول ودي أرجعك ووووو لاكن حسبي الله ونعم الوكيل على اهله يوصلون له كلام ماصار ويقولون له تراها تتكلم عنك عند اهلها يمين الله ماذكرته إلا بكل خير
مو لأن ماعنده أخطأ وعيوب لا بس مابغى أكبر الموضوع وابغى ارجع له

نصيحة مني من اخت جربت وعاشت نفس وضعك وحاسه فيك
(طنشيه )اذا حس انك طنشتيه ب يخاف انك بعتيه واستغنيتي عنه
ورمضان ذلحين جاي أدعي أن الله يهديه ويرده لك
واحمدي ربك كثير انه يسأل عن بنته ويصرف عليها
وش تقولين عني أموت الف مرة في اليوم من كثر مافكر في بنتي ومستقبلها ووش اقولها اذا سألتني عن أبوها
أحمدي ربك أن أهل طليقك يسألون عنك وعن البنت انا ماسلمت من إخوانه حتى مع أن ربي شاهد قد ايش احسنت لهم ويوم تعبت من حملي وتعبت نفسيتي نسيو جميلي وتذكرو سيئاتي
أحمدي ربك انا وصلت لمرحلة أبيع ذهبي عشان أقضي للبنت مع أن ابوي مايقصر بس والله صعبة اطلبه
صرت أحرم نفسي من أشياء كثيرة عشان ماينقص البنت شئ

لاكن ماقول غير الله يجعله يتمنى ريحة الضنا مايلقاه ويشوفون حوبتي وحوبة البنت ماتتعداه لاهو ولا اهله ويحرق قلبهم على بناتهم


شفتي كيف مصيبتك أهون
أحمدي ربك الف مرة

الحمدلله على كل حال بس باقي انا يصدمه كثير كنت متوقعه رده يكون كذا مادري ليش انا مصدومه وضعي جدا سيّء كان عندي شويه امل والله اني بحال مايعلم فيه الا خالقكم قالي انا مسامحك بس ماقدر اعيش معك ولا راح أنساك بسرعه كلامه كان كله يجرح ماصدق ان هذا هو الي عشت معه نفسي اعرف ليش مو قادر سامحني تعبانه احس ان هذا كابوس وبصحى منه حسّيته مرتاح بدوني كلامه كان فيه كره لي مهدود حيلي وبنتي متعبتني والله أني ماعرف وش اسوي معها وأهلي كلهم شايلين أيدهم مني امي مره شايله علي تجي عندي تسمعني كلام يموت وتبكي وتروح انا هنا أتمنى ربي يأخذ روحي وارتاح والله اني تبت وخلاص ابغى اعيش ربي راح يغير حالي بيوم من الأيام متى تجي ايام اضحك فيها على هالأيام خلاص هو راح للأبد مابي تاخذه وحده غيري محتاجته موت مو قادره اتخيل ان خلاص راح أحسه باقي زوجي أحسه مسافر وبيرجع حتى بنتي تعبت معي ابوي كل مايسمعها تبكي يدعي علي وعليها مايسميها الا الشيطانه تعلقت بصلاتي وقراني وانتظر فرج من رب العالمين الله يرزقني فرحه تخليني اضحك على هالأيام .

ياحياتي الله يكون بعونك ويصبرك هذي الحياة ماحد مرتاح ان شالله فترة وبتعدي الزمي صلاة الليل والاستغفار والدعااااء وربي يفرج همك ويرزقك سعاده تدمع لها عينك وربي يحنن قلب زوجك ويصلحه لك ويهديه ...

حبيبتي لازم تقوي نفسك وتحسني نفسيتك عشان بنوتك وصدقيني ماحد يستاهل هالالم اللي انتي فيه ابدئي فكري بحياتك الجايه ورتبي امورك لاتجلسي للحزن والهم وامك مصيرها تحن عليك هي اكيد مقهورة على وضعك الله يحفظلك بنوتك ويعوضك خيررر