روح اللي وصلت له مع زوجي قد مايناسبك
ولو تدخلين العالم كله بينكم ماينفع بالعكس يحقد عليك حقد الجمل ولاينساها لك ويعتبرك فضحتيه وخربتي صورته عند اهلك وغيرهم
وتأكدي والله لوتجلسي عمرك كله عند اهلك مابيسأل فيك وعندهم قوة رهيبة للطنااش والصبرر وعندهم استعداد يطنشك سنة سنتين عادي عندهم
اذا تحليتي بالقوة والحزم في الحق تكسبين من وراه
الحرمة القوية والقوية فقط هي اللي تمشي معاهم
مو شرط يحبها ويموت فيها..لكن يحسب لها الف حسااب خاصة اذا حس انها بااااايعة وعندها استعداد تبيع وتعيش ماعليها منه...اما تعطي وتأخذ او مالك عندي شي
استخيري الله

خواتي قبل اسبوع طلبته حليب للبنت وراح وشرا كرتون وعطاني بس علبتين ؟ قلت له عطني الكرتون كله ! قال لأ خليه بالشقه وعطاني نظره لها مغزي مع ابتسامه وقال مو صح انتي بترجعين للبيت ؟؟؟؟!!!!!!
😳😳😳😳😳😳😳😳

احس نفسي مره فووووق ومره تحت !!!!



مره استقرار مره طلاق؟!!!


"بوردينق لاين" والله


لو مو ماسكه عقلي والله وصلني للجنون

قصده بترجعين
تترددين على البيت كعادتك في الست شهور

__________________

وانت ليش ماسكة الخيط من الطرف
وتفكيرك اما طلاق و اما ينزل عليه الملاك ويتغير
تريثي. وضعك ما كان يسر الصديق
ونحن نرجو لك الاستقرار و المبيت و الطمأنينة

__________________

لا مسز داني

اهوا طول هالست اشهر يعطيني الكرتون كامل وانا أتردد على شقتي وينزله بنفسه ل سيارتي

هالمرة غير يقصد ان رجعتج قريبه

لكن متى ؟
والوقت؟

ماادري

مااتوقع مسز داني اني ماسكه الخيط من الطرف

(((انا مو ابيض ولا اسود )))

انا عطيته على هواه وعاملته بالهدوء والمسايس والتحايل طول هالست أشهر وكنت جداا لينه وأبي اكسب قلبه وما أحرمه من عياله

ماقلت له اما تصلح او تطلق

ولكن قبل ثلاثة ايام قلتها له اما تصلح هذا الوضع او لاتدق

إذن رآيتك بيضاء و ما قصرتي
واعطيتيه فرررص و الآن وقت الجد
فإذا كان له نية. الآن وقت التفيذ
لا تنسي الالحاح بالدعاء لله
ليفرج همك

__________________

اتصل مرتين ومارديت

أرسل رساله انه راح يأخذ الاطفال

حضر واخذهم

وساعه ونص واهوا يتصل

اخر شي ارسل رسائل توعد وتهديد وانتي حاقره اتصالاتي!!

بس ماعندي رغبه ارد وانا اشوف كل يوم اشلون مخلي اطفاله يعيشون بذل وهوان بعيد عن الاستقرار والراحه

كافي المشاكل كل يوم بينهم وبين عيال اخوي على الالعاب وقنوات التلفزيون .

الله ييسر الأمور.

هل كانت رسالتك الاخيرة
واضحة المعاني له. اي الرسالة التي قبل ان تطنشي اتصالاته


ذكريني بها نصا..

__________________

لاتكلمنى ولاتطلبني بالتليفون لين تحل هالوضع
ولاتقول انتي زوجتي وعلى ذمتي ،اللي على ذمته زوجته مايطردها ل شارع مع عيالها

طيبت خاطرك ابو (...) وترجيتك العيال ينامون بالبيت عشان التكيف خربان في بيت اهلي
تقول لي لأ مايردون الشقه

انا ماراح ارد على اتصالاتك.
----------------------------------------------------------------

(((((((( هذا نص رسالتي عزيزتي ))))))))