[SIZE="6"]

اقتباس:

..انا جزء بسيط في حياته ولست كل حياته..ولهذا قررت ان يكون هو بعد جزء بسيط بحياتي ابي ادعس على كل شعووور يقودني اتجاهه.. [

/SIZE]

هذي أحلى جمله قريتها وأن شاء الله تقدرين تطبقينها وأتوقع زيارتك لزوجته راح تكون لك دافع وتساعدك

أكتشفت أن زوجك هو السبب بكل أللي أنتم فيه ممكن مايكون متعمد بس ماعنده حكمه وحسن تصرف

وأحيان أحسه يستمتع بالوضع كمان

واللي زاد الطين بله أني حسيته عارف قوة محبتك له وقاعد يشتغل عليها على كل مشكله بينكم

شدي حيلك وطبقي الجمله اللي أقتبستها فوق وبأذن الله تعيشين سعيده لاتخلينه كل شي بحياتك خليه جزء من

حياتك والله يوفقك ويكون معك ويريح بالك

__________________
أشتقت لكم جداً 💔

احب زوجي ياحبي لك ياحبيبتي
فعلا استنتاجك صحيح زيارتي لزوجته خففت من حبي له لاني عشت الامر الواقع ان الرجل مقسووم نصين الي يقوله لي يقوله لها والي يسويه معي يسويه معها فليش انا احبه هالحب العظيم كله لانه باختصار مو لي لوحدي
صح هو يستغل حبي له بكل مشكلة وبدليل قالي لا تذلي نفسك معي وتقولي ذليتك انا مابيك
هذا جرح اخر وبسافر فيه وللاسف انه يكون معه حق ويتحجج باني التلفظ وارفع صوتي ولمن يقول هالكلام للناس يجون معه واولهم اهلي
احب ززوجي انا قتلت صابرة حقت اول وانا الان صابرة ثانية حتى ودي اغير معرفي واحط معرف يليق بالي انا ابغى اعيشه
كثيررر الي شفته وكثرت جروحه

__________________

معاك حق كلامه جارح بصراحه بس صدقيني هو ماقاله ألا لأنه عارف ردة فعلك
وليتك ماضعفتي يوم قاله وكلمتي امك كان سكتي ولاقلتي شي يعني تزعلين بس بهدوء ((بدون صياح وبكاء وصوت عالي ))ترى هذا اكثر شي يطلع الرجال من طوره حتى لو كان هوه الغلطان غيري اسلوبك هذا وشوفي كيف يتغير من واقع تجربه
وبالنسبه لسكوته وقت ماتكونين متنرفزه ترى هذا طبع اغلب الرجال وأولهم زوجي
ولما نكون متزاعلين وفي عز المشكله ألاقيه يغني ويسولف وياكل وينام ولاكأنه صاير شي !
وأنا أحترق لانوم ولاأكل ولا لي نفس أتكلم أو أسولف لكن الحمد لله غيرت نفسي وصرت اسوي زيه والحمد لله تأقلمت
وترى مايكون قصدهم ينرفزونا بس هذا طبعهم
لازم تتأقلمين مع طبع زوجك وتبردين اعصابك

وسالفة الفصفص هذي داااااااايم واحنا مسافرين سواءً متراضين أو متزاعلين !<<<<<<ياكرهي له ولصوته مره أزعاج أحياناً أتزاعل مع زوجي بسبب صوته


ولاتنسين تكثرين الدعاء وبأذن الله ماراح أنساك من دعائي لأنك أنسانه طيبه وتستاهلين كل خير الله يوفقك ويريح بالك

__________________
أشتقت لكم جداً 💔

الله يجزاك الجنة ياعمري
والله مافي شى رفع ضغطي غير صوته وقسم بالله احسه يكسرها براسي
لدرجة اني كتمت اعصابي وحطيت يدي على راسي لين دخت ودخلت بغيبوبة النوم
والرجال ولا هو هنا بس صدقيني تعلمت معنى الصبر الجميل
مسالة اني ماقدرت اقاوم يوم حرمني زي ماقلت لك الوقت والظروف تحكمني
لكن دوام الحال من المحال حبيبتي لايمكن حياتي تستمر كذا ضعف وخضوع وذل
انا ربي اكرمني واعزني ماخلي نفسي لعبد زي زيه يهينها
بس تبين الصدق انا الي اهنت نفسي بهالشى الي يسمونه الحب
يوم مايبوسني فيه وهو طالع الدوام اتعب ويتكدر يومي كاني طفلة
الله ياحب زوجي ادعيلي ياختي ربي يرزقني بولد ولا بنت احط فيه كل حناني على الاقل اولادي يستاهلون
قررت اطنش كل شى ياحب زوجي واريح نفسي وارتاح
صدقيني المرة ذي خلاص وصلت حدي بعامله بما يرضي الله بس بدون حب وترين هو قالي لا تحبيني
فبتالي بحقق له طلبه وفورا
مرة يقولي طاح حبك من قلبي ومرة يقولي احبك ومدري هالحب كيف عنده اجل ليش انا ماصير زيه دام الحب صار بيد البشر
الله يسعدك يارب

__________________

جيتي من زيارتك الحمدالله إنك إنبسطتي وأرتحتي مع عياله ياالله ياصابره جالسه أتخيل أولاد زوجك حواليك ومتعلقين فيك وبصدق ياصابره أنتي إنسانة تنحبين من كبير وصغير قلبك طيب وحنون وملئ بالأحاسيس والمشاعر إن شاء الله ربنا يرزقك الإبن أو البنت إللي تعطينها هاذا الحب والحنان إللي داخلك بعدين أنتي ليش ما أكلتي على زوجك الفصفص ولاتظاهرتي بأنك تاكلينه وتحطينه بالدرج إللي بالباب حق السياره حتى تخلصي عليه الكيس كله بعدين ماراح يلقى شئ ينشغل فيه بعدين ليش ماجبتي لنا معاك حليب نياق خلفات عسى ماتحبينه المرة الجاية إحسبي لنا معاك يالطيبه وعندك كلام الأخت الغالية أحب زووجي ترآه عسل في عسل وإذا أنتي تطبقي الكلام إللي أقتبسته أحب زوجي تراك بتفوزي وتنجحي بالرغم إني ما أصدق ياصابره إنك راح تقدري
تطبقيه لاكني أسأل الله أن يعينك ويوفقك فيه تطبيقه وبعدين صدقيني إن زوجك حاس بمحبتك له وحاس إنك بتموتي عليه علشان كذا يتلفظ بكلام جارح عليك يبغاك تخفي
عليه لأنه حاس بحصارك له وزيادة إهتمامك فيه وخايف لو يجي لك يوم ويتبلد إحساسك تجاهه زوجك حاس إنك جالسه تصرفي كل مشاعرك تجاهه فصار قاسي معاك علشان لوسافرتي أو سافر هو ما تتعب نفسيتك وراه قال لك لاتحبيني يعني قصده وفري هاذي الطاقه فيك أخاف يجيني شئ لاقدر الله وتتحطمي من بعدي وتتعبي بعد فرقاي يعني خفي شوي أنت جالسه تذبحين نفسك علشاني وجالسه تعانين من أثر هالحب وتتعبين نفسك علشاني أنا زوجك أتوقع يسوي كذا علشان يخف تعلقك فيه لأنه خايف عليك وعلى نفسيتك من هاذا الحب وخايف على مشوار حياتكم الزوجية لايتأثر بهاذي المشاعر خصوصا وإن له حياة أخرى في بيت ثاني وخايف بعد لوقدر الله وصار شئ بينكم وتفارقتوا إنه يكون هو السبب في تدهور نفسيتك زوجك يحاول يزرع في نفسيتك مواقف وكلمات جارحه حتى أنت يخف إهتمامك فيه وتنتبهي لحياتك الزوجية بإتزان وعقلية
واعية بأنه مثلا اليوم إللي زوجي عندي أعتبر نفسي متزوجه أقوم بما لي وماعليه على أ كمل وجه تجاه زوجي وبيتي واليوم إللي مو عندي أعتبر إنه زوجي في دوامه وعنده مناوبه أومسافر أشغل وقتي بأشياء تفيدني أتواصل مع صديقاتي أضيع وقت وأترك التفكير فيه في هاذا اليوم نهائيا وأستعد لإستقباله في اليوم الثاني بنفس طيبه ومرحه مايجي ويلاقيني وقت تكالبت عليه الهموم والتفكير والهواجيس وأقابله بنفسية زفت
وعصبية ونكد من الضغط النفسي إللي سببه هاذا الحب الهائل لأن الإنسان إذا أحب شئ إنشغل فيه ونسي كل شئ آخر في حياته وصار حبه كل شئ بالنسبه له كل ساعه كل يوم يفكر بهاذا الشئ إللي يحبه ماعنده شغله غيره شفتي الشخص إللي يحب الحمام يهتم بتربيته ورعايته ويصير كل شئ في حياته حتى كل سوالفه عن الحمام وعن إيش تحب وإيش تكره ومرافقها طول الوقت خلاص إبنه لو مرض مافكر فيه
لاكن حمامه يشوفها كسلانه شالها وطيرآن على الطب البيطري ليش لأنه خلاص حبه لهاذي المهنة وهاذي الطيور عماه عن كل شئ حلو بالحياة
وكمان إللي يحب الإبل يجلس معاها وينام عندها أ كثر من جلسته ونومه عند عياله الإنسان لو أحب شئ بزياده خلاص تلاقي هالشئ محور إهتماماته وتلاقيه كل شئ بحياته أنتي الحين لو تنظري حولك فيه أشياء حلوة تستحق إنك تفكري فيها وتهتمي فيها وتتعلمي تحبي نفسك وتمتعيها
وتسعديها وتريحي أعصابك من التوتر والزعل كيف تبغين تحملين وأنتي أعصابك تعبانة ترى النفسية وراحة البال لها دور في الإنجاب حاولي إنك تريحي أعصابك وتروقي بالك علشان نفسيتك تصير حلوه وربنا يرزقك من فضله والله ياصابرة إني أدعي لك بكل نهاية صلاة أنتي والغالية لمني بشوق وفية بعد وحده ثالثه غايبه عن المنتدى لها مده أفتقدناها عساها بخير وسلامه يارب أدعي إن ربي يرزقك الحمل عاجل غير آجل وربنا مايخيب ظن عبد دعاه ربنا كريم بس الصبر الصبر ياصابره
وإذا كنتي بتقفلي الموضوع فأرجوك سامحيني لو أنا قسيت عليك في كلامي أو ضايقتك بشئ وأتمنى إنك ماتنسينا في سفرتك وتذكري إن لك إخوة في هاذا المنتدى يحبونك ويعزونك فلا تطيلي علينا الغيبه فنحن نشتاق إليك وإلى معرفة أخبارك وأحوالك نريد أن نطمئن عليك وعلى سير حياتك فلا تنسينا وأنا أقول لك الذكرى ذكراكم والقلب لن ينساكم محبتك وأختك في الله أم سلطان أستودعك الله الذي لاتضيع ودائعه .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

قريت اخر كلامك والله نزلت دمعتي
اشلون انساك يام سلطان انسى روحي ولا انساك
والله انك من اهم امنياتي بالحياة اني اشوفك واجلس معك واحضى بشوفتك
انتي روحي وانتي تاج الراس
حتى لو بسافر لاهلي ماراح انقطع عنكم في ناس حلفتني بالله اني ماترك المنتدى ولهذا بضل على تواصل معكم وين ماورح,,,ام سلطان انتي تدافعي عن زوجي لاني ادري انك تبين الاجر والصلاح
بس صدقيني ماهمه الي تقولي عنه والا ماكان يسعى يفوز بقلبي ويقولي مابي بقلبك الا انا وبس
حتى لمن اقرب اسافر عادي لا يبن لي حزنه ولا انه زعلان بعكس لو جاني ديرتي وسافر اودعه بدموعي
صح ان الرجل صعب يبكي بس مهما كان يام سلطان تعبيره لي يحسسني بااالامان وهالرجل عجزت احس معه بالامان اخر شى قالي انتي علي حرام بدل الطلاق
الله اكبر على شيطانه يام سلطان الي متى بيتم كذا كل الي اقدر اقوله لك يام سلطان اني متعبة وودي اريح نفسي من هذا الحب صدقيني هو طلب مني بعظمة لسانه قال لا تحبيني
فانا ودي احقق لك طلبه لانه تعود مني عدم التنفيد
لاعاد تقولي اسامحك ولا كلام زي كذا يام سلطان وربي لو تعطيني كفوف بحني لك راسي احتراما وتقديرا لك...وحتى لو اسكر ذا الموضوع بفتح موضوع اخر بس بعيد عن زوجي وعن النكد
احبك ياحبيبتي وجزاك الله الجنة على دعائك لي انتي قلبك طاهر وربي مايرد لك دعوة
الله يحفظك يارب

__________________

الله يحفظك ويوفقك ياصابره طمنتي قلبي عليك يالغاليه خليك قوية بربك وإيمانك ياصابره ولاترضين بأي شخص يكسرك
وأنتي غالية عليه ياصابره والله إني أحبك وأعزك ولوالسعادة بيدي ماراح أبخل بها عليك أنتي إنسانة طيبه وحبوبه وتستاهلي كل خير وهاذا نصيبك وربنا كتب لك كذا من وأنتي في بطن أمك
فعيشي حياتك وريحي بالك يا الغاليه ماتستاهلي كل إللي أنتي فيه ريحي نفسك وتوكلي على الله وفوضي أمرك إليه ربنا أرحم عليك من أمك إللي جابتك
شفتي الأم وحنانها وعطفها ومحبتها لطفلها ربنا أحن عليك من أمك ياصابره تذكري هاذي الكلمه كل ماتضايقتي وأنتبهي لنفسك وصحتك ما أوصيك ياعمري وأستأذنك بروح أجهز عيالي بيروحوا المدرسه أستودعك الله يا غاليتي الذي لاتضيع ودائعه .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

الله يسعدك يام سلطان ويسهل امرك ولو بهالدنيا زيك كان عشنا الخير بهالدنيا كاسيها من اولها لتاليها
فعلا حبيبتي ربي ارحم بنا من امهاتنا والله يسعدك مثل ماتحاولي تسعديني

__________________

السلام عليكم
حبيبتي ليش تعطينه اكبر من حجمه ؟؟؟؟؟؟!!!!!!!!!!
انتي تزوجتي تبين ترتاحين ولاتاكلين بنفسج لوتحسين ترا مالج سيره الااهو صار شغلج الشاغل واهو مودراي عنج اختي لاتطفشينه بمتابعته وملاحقته شوفي زوجته ام عياله شلون مريحه بالها تاركته على راحته وبالاخير يرجع لها لانهاعرفت طبعه :سمعي نصيحة مجرب طنشيه يعني حضوره زي غيابه وشنو الاشغال الي قبل زواجج كنت مشغوله فيها مارسيها خلي الهدف من زواجج اهو الستر والذريه صدقيني المشاعر والاحساس ماتوكل عيش ياصبوره
ترا مالنا عن قدر الله مفر يعني اذا الله كاتبه يصير ابو عيالج يصير واذا الله موكاتب مهما سويتي مافي فايده فريحي اعصابج وفكري عدل واحسبها بعقلج موقلبج وديربالج على نفسج

__________________

لااله الى انت سبحانك اني كنت من الظالمين
((اللهم ابعد كل شر عني زوجي وابنائي وارزقني الولد البار يارحم الراحمين امييييييين))

ابشري حبيبتي بس انتظر رد من الماضي الدفين وبقفل الموضوع
تسلميلي يالغالية وبسويلي سارة فديتك

__________________