07-03-2011, 03:25 AM
07-03-2011, 03:51 AM
|
المشاركة الأصلية كتبت بواسطة ( جوان )
انا متابعه لك من خلف الكواليس
ولا عندي اضافه الاخوات والاخوان كفو ووفو اليوم جاني موضوع ع الايميل وحبيت انك تقريه ،،، لا تجعلي زوجك هو كل حيااااتك اكيد الرجال بيقولون بدينااااااا لكن انا اقول تابع وتابعي ما ينقصنا هنا (( ثقافة زوجية صحيحة )) .. عندما تفهم الزوجة معنى الزواج .. و تتعلم كيف تتعايش معه ... تتغير حياتها و تصبح الأمور أسهل .. عندما نفهم بناتنا أن الزوج هو إضافة راائعة لحياتك السابقة ... و ليست نقله من حياة إلى حياة !! فنحن نجنبهن الكثير من الألم و المشاكل ... احتفظي بحياتك ... احتفظي بهواياتك .. احتفظي بصداقاتك .. احتفظي بأهتماماتك .. وأضيفي لها زوج ... أحبيه و أغدقيه حنان و دلع ... و عيشي معه و لكن لا تعيشي له .. عاطفتك جياشة و رومانسيتك كبيرة و لكن لا تغرقيه بها .. فهو لا يتحمل كل هذا .. بل إنه يشعر بالاختناق ... و هذا ما يدفعه للهروب منك ...... قد يكون صعباً .. و لكن بعد التعود .. ستجدين متعة خاصة بذلك .. إذا خرج لن تشغلي نفسك أين هو ؟؟ .. ماذا يفعل ؟؟ .. لماذا تأخر ؟؟ .... ستكونين مشغولة بنفسك ... و مستمتعة بنفسك .. كم هذا راائع .. !! ألم تكوني هكذا قبل الزواج ؟؟ .... إذاً هذا سهل بأذن الله نحن بحاجه إلى إعادة تقدير لذاتنا .. ألسنا قادرين على إسعادها !! ألم نكن قبل الزواج متعودين على الاستمتاع بالوقت لوحدنا .. لماذا أصبح زوجي هو مصدر سعادتي الوحيد ؟!؟! ألا يوجد في حياتي غيره ؟!؟!؟! أجد أحياناً من تشتكي من سهر زوجها اليومي مع أصحابه ... و تقول (( أنا سويت كل اللي قلتوه .. طنشته و ما سألت عنه .. و يوم جاء ما افتكرت فيه .. بس ما في فايدة !! )) .. من قال لك طنشيه ؟؟ و لا احقريه ؟؟ عندما تكونين مستقلة عاطفياً ستجدين الحل .. فأذا خرج اشغلي نفسك بأي شي يجلب لك الراحة و المتعة ... هوايات .. طلعات .. قراءات .. أو حتى مشاهدة التلفزيون أو اللعب مع عيالك ... و إذا جاء هلي و رحبي .. لأنك مرتاحة نفسياً ما تنطرين منه شي !! قاعدة مهمة (( عيشي حياتك ... و خليه يعيش حياته .. و إذا التقيتوا استمتعوا باللحظات التي جمعتكم )) ستجدينه يقرب منك بنفسه و يقترح خروجكم معاً .. ستجدينه مستمتع كثيراً بقضاء الوقت معك .. فهو لا يشعر بقيود !! تموتين بدونه !!! هذا الشعور نتيجة التصاقك به عاطفياً ... توقفي و فكري .. (( هل حياتي تتوقف على هذا الرجل )) ... إذا اعتنى بي سعدت و إذا أهملني شقيت !! ... انظري حولك .. لديك من معطيات الحياة مايجلب السعادة والراحة ... و لكن انشعالك بزوجك أعماك عنها ... 1/ لديك أبنااء ضحكاتهم مصدر سعادة .. 2/ و لديك أهل و أخوات يحبونك إليكن مثال عندما رجع ( زيد) من العمل وعلى مائدة الغداء أخبر سعاد أنه قرر الذهااب في رحلة مع أصدقااء يوم غد و أنه سيغيب اليوم كله .. 1- سعاد (( المتعلقة عاطفياً )) .. تشعر بالضيق .. أين أنا من جدولك .. ؟؟ لماذا طلعاتك مع أصدقاءك تستغرق اليوم كله بينما طلعاتك معي لا تتعدى الساعتين و على عجل ؟؟ .. هل أنا مملة ؟؟ .. كنت أنتظر نهاية الأسبوع لتعوضني انشغالك عني .. و لكن للأسف أنا آخر اهتماماتك و أنت لا تفكر إلا في نفسك ... إن كان هذا الكلام هو ما دار بينها و بين سيف .. أم احتفظت به لنفسها .. فهي في الحالتين تشعر بالضيق و الظلم و تحمل في نفسها مشاعر سلبية أما 2- مها (( المستقلة عاطفياً )) .. فترد عليه والله زين قلت لي عشان أخصص يوم غد يوم الدلع الخاص بي يرد عليها فايز : يعني شنو يوم الدلع ؟؟ ترد عليه : هههههااااااي .... هذي سوالف حريم .. و تقوم من مكانها و هي تفكر سأحجز بالصالون .. أو قد تكون بالحقيقة ليس عندها خطط نسيت أن أذكر أن (زيد)في كلتا الحالتين لن يغير رأيه # في الحالة الأولى .... سيذهب و هو مكشر .. و عندما يسأله أصحابه يرد و يقول (( المَرَه لازم تنكد علي قبل لا أطلع )) # في الحالة الثانية ... سيذهب و هو مرتااح .. و باله مشغول بسعاد و يفكر ماذا يا ترى تقصد بيوم الدلع ... بل أنه قد يرجع مبكراً حتى يشوف نتيجة الدلع بنفسه أما كيف تشبعين نفسك عاطفياً 1/ اعتني بنفسك و دلليها 2/ استعيني بأشخاص قد يمدونك بالعاطفة بدون حساب ,, مثل أمك أو أختك .. 3/ كرري أنا أستطيع اسعاد نفسي و الاهتمام بها 4 / كافيئي نفسك على كل عمل جميل تقومي به ، فإذا شعرت أنك تتعبين مع أبنائك ... لا تنتظري سواءًا بمدح بل قومي أنت بمكافئتها 5/ اذهبي في نزهة مع صديقاتك .... خذي يوم راحة و استرخي في البانيو 6/ اشتري كيكتك المفضلة و استمتعي بأكلها هكذا تشبعين نفسك عاطفياً و بذلك لن تشعري بالإحباط و لن تشعري بمشاعر فكري في حياتك بمنطق آخر ,, حاولي أن تريها من زوايا أخرى أرجو أن لا تفهمني الأخوات خطأ أعطي نفسك جزء و أعطي زوجك الجزء الآخر أسعدي نفسك بنفسك .. إن سعادتك لا تتوقف على شخص بذاته |
07-03-2011, 04:09 AM
07-03-2011, 04:15 AM
|
..انا جزء بسيط في حياته ولست كل حياته..ولهذا قررت ان يكون هو بعد جزء بسيط بحياتي ابي ادعس على كل شعووور يقودني اتجاهه.. [ |
07-03-2011, 04:32 AM
|
المشاركة الأصلية كتبت بواسطة بنت الحكمي
حياالله صابره وحمدالله على السلامة وش فيك يا أختي شابه نار على الرجل كل ذا علشان جالس يتفصفص وأنتي جالسه تاكلين نفسك بنفسك الحين أنتي طالعه تغيرين جو وتتمشي وإلا رايحه لنكد والتعاسه الحين أنتي وش كان بيأثر فيك وقت زوجك جاك قبل السفر معصب ويصايح إذ ا هديتيه شوي وإبتسمتي بوجهه إبتسامه حلوه وكان سكتي ليش تسألينه وش فيك معصب وهو معصب أكيد بيرد عليك رد مو زين لأنه إحتمال صار معاه موقف قبل مايجيك البيت ضايقه ونرفزه وخلاه يعصب وأنتي بسؤالك له ذكرتيه بالسبب إللي خلاه يطلع عن طوره وقام صب جام غضبه عليك وأنتي فسرتيها بعقلك إن زوجك ناوي على الشر وناوي على المشاكل
وقمتي زعلتي وعصبتي عليه وفي الطريق وش يدريك إن زوجك باله معاك يا أختي إحتمال زوجك صاير معاه ظرف أو مشكله شاغلته وجالس يفكر لها بحل وأنتي حسبتيه قاصدك بسكوته وتطنيشه الحين أنتي قرأتي أفكاره إنه قاصدك وقاصد يفتح معاك مشكله أنا عارفه إنك أنتي أول مامسكتوا الخط كان نفسك يعتذر أو يقول لك كلمه طيبه يرضي بها خاطرك ويسليك أو أقل شئ يسولف معاك لاكن زوجك ماسوى شئ من هاذا كله طيب أنتي بنفسك ليش ماحولتي تعرفي وش إللي مضايقه بأسلوب سلس ليش ماحاولتي تطلعينه من صمته كان جبتي له سالفه من عندك عن أي شئ في المجتمع أو أي حدث من الأحداث إللي صايره هاليومين في العالم وكان بدأتي بالسالفه وتناقشيه فيها حتى تتاكدي إن زوجك صار باله رايق وصار ياخذ ويعطي معاك بالسوالف حينها تقدري تفتحي معاه مواضيع خاصه في حياتكم بكل هدوء وإذا شفتيه تأفف أو تضايق غيري السالفه بصراحه من جد أنتي حساسه ياصابره الرجل مسافر معاك يبغى يغير جو و ينبسط وأنتي تقولي له نزلني بصيح وأصرخ وش صار فيك يا صبوره وش جرى لك الرجل يحب يشوف زوجته بعقلها وثقالتها وحكمتها ويشوف الجانب الإيجابي منها وأنتي دائما حريصه على إظهار الجانب السلبي من شخصيتك عند زوجك ياصابره ياعمري أتعلمي ضبط أعصابك وتعلمي كيف تلجمي غضبك وقت المشكله أ كظمي غيضك تحملي إصبري جاهدي نفسك إذا جاء زوجك وهو معصب ومتنرفز إصحك تناقشينه وش فيك وش صاير معاك لا أسكتي أهدي حتى لوقال كلام ماعجبك إبلعيه وأسكتي لاتردين يمكن زوجك عنده ضغوط خارجيه يمكن من عمله أو بيته الثاني أو من أهله يمكن أحد قايل له شئ ومخليه يعصب كذا لاتقولي وأنا وش دخلني يحط حرته فيني لا حبيبتي أحيانا الرجل يكون مليان فل كامل واصلن حده لما يدخل بيته ويحصل زوجته قدامه وتحاصره بالأسئله وين كنت وش فيك إيش صاير هو على طول بوووووووووم عليها ينفجر ليش لأنها هيه صارت بوجه المدفع ماقدامها إلا تصبر وتسكت ولاترادده ولا تقاطعه أبد لأنها هي جنت على نفسها براقش وإلاإنها تسحب نفسها بسكوت وهدوء أول مايدخل البيت عندها ولاتناقشه ولا تسأله وشغلة الإستخبارات المركزيه والإستجواب الطارئ تبتعد عنها نهائيا لأنه إحتمال يردعليها رد يجرحها ويزعلها وحينها تضطر لدفاع عن نفسها وكلمه منه وكلمه منها حتى تكبر المشكله وتستشري فيما بينهم ويصعب حلها أو إنها تنحل لاكن تبقى هناك بعض الشوائب في الأنفس فأنا يا صابرة نصيحتي لك أنتي أعرف بطبع زوجك وأسلوبه إن كنتي تعرفي بأن وقت مايكون متضايق يتحمل منك الكلام والملاطفه وتهدئته بلكلمه الطيبه والحلوه فأنتي إعملي معاه بهذا الأسلوب أو إنك تعرفي إنه وقت مايكون متضايق مايتحمل أحد يتكلم معاه ولايبغى أي أحد يناقشه لابكلام طيب ولاغيره ويفضل الصمت والجلوس لحاله بدون نقاش فأنتي أتركيه لحاله ولاتتكلمي معاه إلا إذا هو أبتدى يسولف معاك سولفي معاه على حسب سوالفه وحاولي تطلعينه من حالته إللي هو فيها بطريقتك الخاصه وأسلوبك في الكلام يعني إشغلي تفكيره بشئ يحبه و يونسه و يشرح صدره وبعدها صدقيني إنه هو لحاله راح يشكي لك همه والشئ إللي مضايقه الحين يوم جاك البيت وهو يصارخ ليش ما أحتويتيه وقلتي له حبيبي ماله داعي تصارخ الزعل مو زين لصحتك ولو أنت تحس نفسك تعبان خلاص ياعمري بلاش منها هالسفره أهم شئ أنت معي و طيب ومرتاح هاذا كل إللي يهمني كل شئ يهون عندي إلا زعلك يانظر عيني لاتضايق نفسك ولاشئ أنا مبسوطه لوشفتك أنت مبسوط ومرتاح صدقيني إنه رايح يهدأ و ينبسط ويرتاح من كلامك وتسافرون وأنتم مبسوطين وبالكم رايق بعدين أنا بقول لك شئ بعد ترى سالفة الفصفص أنا كمان وزوجي لما نسافر مسافه طويله زوجي يحبه هو والفستق يحبه جنان أجلس أنا أسولف عليه مثل الراديو وزوجي ماعنده غير طراق طراق أيوه أيوه كملي السالفه هاه أيوه ويهز راسه ايوه أسمعك قولي أ كره نفسي وأعصب أتعب وأنا أقرقر عيالي ينامون بالسياره وأنا أطلع من سالفه وأدخل بالثانيه وزوجي من شافه يهز راسه بالسيارة يقول هندي لوتعبت من السوالف شغلت المسجل وحطيت حامد الضبعان وسرى وبعدين حنا نسافر 2000 كيلو تقطع القلب مسافه بس ما أزعل أحيانا أعصب وأزعل وأرجع أسولف معاه لأني أطفش ومثل ماقالو القط يحب خناقه وش أسوي إذا زوجي مايحس بطعم الفصفص ونكهته إلا إذا أ كله وهو ساكت يعني يمكن زوجك يستمتع بأكل الفصفص وهو ساكت مايسولف وأنتي قلبتيها سالفه وبالنسبه لضياع جوالك ترى الرجل هاذا طبعه يحب يحاسب المرأة ومايحب المرأة تحاسبه أنا إذا ولدي أو بنتي طاحت من عندي وتعورت زوجي يجلس يناظرني بنص عين ويقول ليه ما مسكتيها قبل ماتوقع ودائما كذا بس أنا ما أهتم بللي يقوله وأبلعهاو لأني عارفه إنها ردة فعل بس أجلس أراقبه حتى يقع بنفس الخطأ أو شبيه بخطئي بعدين أعرف آخذ حقي منه وأزيد زياده شوي وحده بوحده والبادي أظلم حتى حينها مايقدر يدافع عن نفسه لأنه عارف إنه مذنب فيضطر لسكوت بس أختك في الله ماتمسخها عاد بالمرة لأن الشئ لو زاد عن حده إنقلب ضده وبالنسبه لسالفة المصري بصراحه ضحكتيني مره ياصابره تصدقين تصلحين تتوظفين بالهيئه لو فيه قسم نسوي وأحمدي ربك الحرمه مانشبت بحلقك ذاك الساع وسوت لك مشكله بالسوق وإنتبهي موكل مرة تسلم الجره بعض البنات من هاذي الأشكال قليلات أدب وحشمه أذكر مرة قالت لي وحده من صديقاتي كنا بأحد الأسواق فيه مجموعه بنات من هاذي الأشكال جالسين يهايطون بالسوق وراحت حرمة تنصحهم والله لايوريك إللي سحبت غطوتها وإللي سحبت عبايتها قدام المتسوقين وتدخلوا الناس وفكوا بينهم بعض البنات الصايعات ملاقيف ماتنفع معاهم إلا الهيئه تهزئهم تهزيئ إنتبهي لنفسك زين اليوم ماعاد أحد صار يسمع النصح إلا مارحم الله لونصحت أحد قال لك وأنت وش دخلك فيني حتى طفل بالشارع لو نصحته قال وش دخلك لايكون حسبالك أنت أبوي وأنا ما أدري وبالنسبه لزيارة ضرتك وتفاهمك معاها ومراسلتها ترى هاذا شئ طيب وبادره حلوه منك ياصابره وأنتي حاولي تعاملينها مثل أختك إنسي لماتزورينها إنها ضرتك وإظهري لها طيبتك وحسن أخلاقك أنتي داخلك كنز ثمين من الطيبه والأخلاق الحسنة بس مشكلتك الشك والغيره مسوية غشاء على هاذا الكنز وأنتي لازم منك إنك تقطعين هالغشاء وترمينه بعيد عن طريق حياتك وتتخلصي منه علشان ترتاحي ولاتنسي ياصابره إن هاذي إنسانة مثلك مثلها لها أحاسيس ومشاعر أنتي حطي نفسك بدالها عيشي بخيالك حياتها وشوفي هل تستطيعين تحمل جرح زوجها لها بزواجه من أخرى لا طبعا لن تستطيعي أنت تعاملي معاها بالحسنى والطيب وتذكري إن الإنسان يدخل الجنة بعمله الطيب خليك إنسانه عادية حتى وإن تطرقت لشئ أزعجك أو ضايقك لاتزعلين أو تسألين زوجك عنه أو تناقشين زوجك فيه خليك عاقله وأي شئ بين نسوان خليه بين النسوان تعرفي على شخصيتها وطريقة تفكيرها وأسلوبها تقربي منها وأ كسبيها وأ كسبي عياله بأسلوبك وطيبتك لوقالت لك شئ زوجته الأولى سايريها ووافقيها برأيها إذا كان في مواضيع غير خاصه في حياتك مثلا قالت لك شوفي أنا سويت كذا أو عملت كذا إيش رأيك قولي لها ياه ياأم فلان ماشاء الله عليك ذوقك حلو ولوتطرقت لموضوع خاص في زوجكم حاولي ماتتعمقي معاها فيه وحاولي تغيري الموضوع لمسلك آخر علشان تبتعدي عن الحساسية وما تجلسي تفكري بينك و بين نفسك بأي سالفة خاصة بزوجك قالتها قدامك . وشوفي أنا بربرة واجد معاك بس راجعه لك بس لحتى ترجعي من زيارتك الميمونة أستودعك الله . |
07-03-2011, 04:41 AM
|
المشاركة الأصلية كتبت بواسطة أحب زووجي
[SIZE="6"]
/SIZE] هذي أحلى جمله قريتها وأن شاء الله تقدرين تطبقينها وأتوقع زيارتك لزوجته راح تكون لك دافع وتساعدك أكتشفت أن زوجك هو السبب بكل أللي أنتم فيه ممكن مايكون متعمد بس ماعنده حكمه وحسن تصرف وأحيان أحسه يستمتع بالوضع كمان واللي زاد الطين بله أني حسيته عارف قوة محبتك له وقاعد يشتغل عليها على كل مشكله بينكم شدي حيلك وطبقي الجمله اللي أقتبستها فوق وبأذن الله تعيشين سعيده لاتخلينه كل شي بحياتك خليه جزء من حياتك والله يوفقك ويكون معك ويريح بالك |
07-03-2011, 04:52 AM
|
المشاركة الأصلية كتبت بواسطة صابرة بدنيتي
احب زوجي ياحبي لك ياحبيبتي
فعلا استنتاجك صحيح زيارتي لزوجته خففت من حبي له لاني عشت الامر الواقع ان الرجل مقسووم نصين الي يقوله لي يقوله لها والي يسويه معي يسويه معها فليش انا احبه هالحب العظيم كله لانه باختصار مو لي لوحدي صح هو يستغل حبي له بكل مشكلة وبدليل قالي لا تذلي نفسك معي وتقولي ذليتك انا مابيك هذا جرح اخر وبسافر فيه وللاسف انه يكون معه حق ويتحجج باني التلفظ وارفع صوتي ولمن يقول هالكلام للناس يجون معه واولهم اهلي احب ززوجي انا قتلت صابرة حقت اول وانا الان صابرة ثانية حتى ودي اغير معرفي واحط معرف يليق بالي انا ابغى اعيشه كثيررر الي شفته وكثرت جروحه |
07-03-2011, 05:11 AM
|
المشاركة الأصلية كتبت بواسطة أحب زووجي
معاك حق كلامه جارح بصراحه بس صدقيني هو ماقاله ألا لأنه عارف ردة فعلك
وليتك ماضعفتي يوم قاله وكلمتي امك كان سكتي ولاقلتي شي يعني تزعلين بس بهدوء ((بدون صياح وبكاء وصوت عالي ))ترى هذا اكثر شي يطلع الرجال من طوره حتى لو كان هوه الغلطان غيري اسلوبك هذا وشوفي كيف يتغير من واقع تجربه وبالنسبه لسكوته وقت ماتكونين متنرفزه ترى هذا طبع اغلب الرجال وأولهم زوجي لما نكون متزاعلين وفي عز المشكله ألاقيه يغني ويسولف وياكل وينام ولاكأنه صاير شي ! وأنا أحترق لانوم ولاأكل ولا لي نفس أتكلم أو أسولف لكن الحمد لله غيرت نفسي وصرت اسوي زيه والحمد لله تأقلمت وترى مايكون قصدهم ينرفزونا بس هذا طبعهم لازم تتأقلمين مع طبع زوجك وتبردين اعصابك وسالفة الفصفص هذي داااااااايم واحنا مسافرين سواءً متراضين أو متزاعلين !<<<<<<ياكرهي له ولصوته مره أزعاج أحياناً أتزاعل مع زوجي بسبب صوته ولاتنسين تكثرين الدعاء وبأذن الله ماراح أنساك من دعائي لأنك أنسانه طيبه وتستاهلين كل خير الله يوفقك ويريح بالك |
07-03-2011, 05:36 AM
07-03-2011, 05:55 AM
|
المشاركة الأصلية كتبت بواسطة بنت الحكمي
جيتي من زيارتك الحمدالله إنك إنبسطتي وأرتحتي مع عياله ياالله ياصابره جالسه أتخيل أولاد زوجك حواليك ومتعلقين فيك وبصدق ياصابره أنتي إنسانة تنحبين من كبير وصغير قلبك طيب وحنون وملئ بالأحاسيس والمشاعر إن شاء الله ربنا يرزقك الإبن أو البنت إللي تعطينها هاذا الحب والحنان إللي داخلك بعدين أنتي ليش ما أكلتي على زوجك الفصفص ولاتظاهرتي بأنك تاكلينه وتحطينه بالدرج إللي بالباب حق السياره حتى تخلصي عليه الكيس كله بعدين ماراح يلقى شئ ينشغل فيه بعدين ليش ماجبتي لنا معاك حليب نياق خلفات عسى ماتحبينه المرة الجاية إحسبي لنا معاك يالطيبه وعندك كلام الأخت الغالية أحب زووجي ترآه عسل في عسل وإذا أنتي تطبقي الكلام إللي أقتبسته أحب زوجي تراك بتفوزي وتنجحي بالرغم إني ما أصدق ياصابره إنك راح تقدري
تطبقيه لاكني أسأل الله أن يعينك ويوفقك فيه تطبيقه وبعدين صدقيني إن زوجك حاس بمحبتك له وحاس إنك بتموتي عليه علشان كذا يتلفظ بكلام جارح عليك يبغاك تخفي عليه لأنه حاس بحصارك له وزيادة إهتمامك فيه وخايف لو يجي لك يوم ويتبلد إحساسك تجاهه زوجك حاس إنك جالسه تصرفي كل مشاعرك تجاهه فصار قاسي معاك علشان لوسافرتي أو سافر هو ما تتعب نفسيتك وراه قال لك لاتحبيني يعني قصده وفري هاذي الطاقه فيك أخاف يجيني شئ لاقدر الله وتتحطمي من بعدي وتتعبي بعد فرقاي يعني خفي شوي أنت جالسه تذبحين نفسك علشاني وجالسه تعانين من أثر هالحب وتتعبين نفسك علشاني أنا زوجك أتوقع يسوي كذا علشان يخف تعلقك فيه لأنه خايف عليك وعلى نفسيتك من هاذا الحب وخايف على مشوار حياتكم الزوجية لايتأثر بهاذي المشاعر خصوصا وإن له حياة أخرى في بيت ثاني وخايف بعد لوقدر الله وصار شئ بينكم وتفارقتوا إنه يكون هو السبب في تدهور نفسيتك زوجك يحاول يزرع في نفسيتك مواقف وكلمات جارحه حتى أنت يخف إهتمامك فيه وتنتبهي لحياتك الزوجية بإتزان وعقلية واعية بأنه مثلا اليوم إللي زوجي عندي أعتبر نفسي متزوجه أقوم بما لي وماعليه على أ كمل وجه تجاه زوجي وبيتي واليوم إللي مو عندي أعتبر إنه زوجي في دوامه وعنده مناوبه أومسافر أشغل وقتي بأشياء تفيدني أتواصل مع صديقاتي أضيع وقت وأترك التفكير فيه في هاذا اليوم نهائيا وأستعد لإستقباله في اليوم الثاني بنفس طيبه ومرحه مايجي ويلاقيني وقت تكالبت عليه الهموم والتفكير والهواجيس وأقابله بنفسية زفت وعصبية ونكد من الضغط النفسي إللي سببه هاذا الحب الهائل لأن الإنسان إذا أحب شئ إنشغل فيه ونسي كل شئ آخر في حياته وصار حبه كل شئ بالنسبه له كل ساعه كل يوم يفكر بهاذا الشئ إللي يحبه ماعنده شغله غيره شفتي الشخص إللي يحب الحمام يهتم بتربيته ورعايته ويصير كل شئ في حياته حتى كل سوالفه عن الحمام وعن إيش تحب وإيش تكره ومرافقها طول الوقت خلاص إبنه لو مرض مافكر فيه لاكن حمامه يشوفها كسلانه شالها وطيرآن على الطب البيطري ليش لأنه خلاص حبه لهاذي المهنة وهاذي الطيور عماه عن كل شئ حلو بالحياة وكمان إللي يحب الإبل يجلس معاها وينام عندها أ كثر من جلسته ونومه عند عياله الإنسان لو أحب شئ بزياده خلاص تلاقي هالشئ محور إهتماماته وتلاقيه كل شئ بحياته أنتي الحين لو تنظري حولك فيه أشياء حلوة تستحق إنك تفكري فيها وتهتمي فيها وتتعلمي تحبي نفسك وتمتعيها وتسعديها وتريحي أعصابك من التوتر والزعل كيف تبغين تحملين وأنتي أعصابك تعبانة ترى النفسية وراحة البال لها دور في الإنجاب حاولي إنك تريحي أعصابك وتروقي بالك علشان نفسيتك تصير حلوه وربنا يرزقك من فضله والله ياصابرة إني أدعي لك بكل نهاية صلاة أنتي والغالية لمني بشوق وفية بعد وحده ثالثه غايبه عن المنتدى لها مده أفتقدناها عساها بخير وسلامه يارب أدعي إن ربي يرزقك الحمل عاجل غير آجل وربنا مايخيب ظن عبد دعاه ربنا كريم بس الصبر الصبر ياصابره وإذا كنتي بتقفلي الموضوع فأرجوك سامحيني لو أنا قسيت عليك في كلامي أو ضايقتك بشئ وأتمنى إنك ماتنسينا في سفرتك وتذكري إن لك إخوة في هاذا المنتدى يحبونك ويعزونك فلا تطيلي علينا الغيبه فنحن نشتاق إليك وإلى معرفة أخبارك وأحوالك نريد أن نطمئن عليك وعلى سير حياتك فلا تنسينا وأنا أقول لك الذكرى ذكراكم والقلب لن ينساكم محبتك وأختك في الله أم سلطان أستودعك الله الذي لاتضيع ودائعه . |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
