سؤااال
انتو ليش كل من تصرف بطريقه مافيها مراعاه لزوجته
واحترام قلتو .. عنده عقد نفسيه من الطفوله😅
يعني مافي ناس ماتربوا على اﻻحترام وانه يقوم بواجبات زوجته
صار بس عقد نفسيه وتبحثون عن طفولته
والله شي غرييب
والله فيه ناس أيتام والدنيا تمرمطوا فيها وذاقوا الشتات
أشكال ألوان ولما تزوج عامل زوجته كأنها ملكه
ومحترمها وﻻ أثر فيه شي من العناء اللي شافه
!!!!!

الله يكون معاكي حبيبتي .. كل هذا صار وانتي حامل .. مره صعبه

اختي لاتطلبين الطلاق الان
انقطعي عنه لو اتصل او ارسل لاتجاوبينه
وتفرغي للدعاء
وباذن الله ينصلح حاله
وقد يعود ويعتذر لاهلك ولك
وتتغير الامور

__________________
سبحان الله والحمدالله

الله يعينك ويجبر خاطرك أختي

وأحسن تصرف إنك خرجتي مع أهلك ، لأن اللي سواه معاهم زوجك تجاوز لكل حدود الاحترام خاصة إنهم في بيته .
لكن نصيحتي لا ترفعين قضية مطالبة ببنتك ، خذي فترة راحة وأنت بنفسك تعبانة ، خليه يحس بتعبك
غير كذا لن يتمكن من تربية الصغيرة بمفرده مهما كان ولا رعايتها.

كل ما عليك أختي أن تحاولي الهدوء
ولا تتواصلي معه أبدا
ربما يعود إلى رشده ويندم ويراجع نفسه

وأي قرار تريدينه انتظري إلى أن تهدأ الأمور جميعها ثم تفكرين فيما يناسبك وأطفالك وإن كان بعد الولادة على خير

أسأل الله أن يطيب خاطرك وأن يجبر أهلك .

للأسف تدخل اهلك مرة ثانية كبر المصيبه.
المفروض يوم انه قال يخرجو قولي له ابشر الحين وقولي لهم واشري لهم انه مره معصب وهم بيطلعو لكن العكس صار تدخل والدتك واخوك ويدرون انه معصب
يعني كب الزيت على النار المفروض على طول اقصر الشر وهو يمكن طلع الكبت الي جاه من اهلك يوم اهانوه ذاك اليوم الحين.

زوجك لسه صغير سن ودمه حامي واكيد زواج امه اثر فيه بس ما يبين لك عشان عزة نفسه والدليل انه استغل وقت امه في البيت عندكم ونزل عليها بالكلام لأنه ما تعني له شيء بعد الزواج
زي الي ماسك خيط حق مركب كبير وهو غرقان عشان الأمان بس وفعلياً قاعد يغرق من جهتك وجهتها. وانتي غريبه ما فكرتي بوضعه النفسي انه مش مستقر ( يعني من حفرة الى دحديرة) وماخذتي في بالك تبعدين أي شيء يسبب له التوتر.

عموماً نفس الغلطه الأولى عديتها مره ثانية بسبب اخر بدون استخدام سلاح الصبر.

رفع دعوى والكلام هذا ما يفيدك بل بلعكس راح يزيد المشاكل ورأي الشرع يكون غير لأنه في بيته
وان صار طلاق لا قدر الله السيناريو ان بيطلب البنت عنده لما تكبر وانتي ما راج تقعدين بدون زواج واذا تزوجتي العيال عند ابوهم.

حاولي ترجعي عنده بأي طريقه (زوجك اني غيرتيه وهو ذهب) واصبري عليه وانشاء الله يحن هو محتاج صدر حنون وماله احد الحين لا امه ولا انتي.

اكثري من الدعاء واتركي سالفة الطلاق الحين وهدي الوضع من طرفك عند اهلك. والله يكتب لك الصالح

شوفي تعليقي القديم واقريه زين واعرفي ايش حالة زوجك

__________________
ياكريم اسالك قرب حبيبك محمد والبعد عن النار

اتركيه لحتى يهدء
هو لحالو راح يتصل

__________________
انا لله وانا اليه راجعون

كنت بكتب الي صار من البارح بس النت تعبان

جاء عندنا البيت ومعاه صحن حلا وقهوة وجاب بنتي معاه واشر عليها تروح تجلس عندي راح عندي ابويا وامي واعتذرلهم وقبل راسهم واياديهم بعدها اخذ اخويا على جنب وتفاهم معه وتصالحو
صار حديث كبير بينه وبين اهلي وجالسين تفاهمو بس بعطيكم الزبدة قال لابويا انه رجال فاهم وواعي ويعرف يمسك زمام الامور وتدخلاته هوا وامي ما تزيد الا مشاكل وقله انك انت وعمتي بمقام والدي وبيتي مفتوح لكم وقت ما تبون بس لا تتدخلو في تفاصيل حياتنا الا اذا طلبنا منكم اهلي تفهمو واعتذرو له ابويا اعترف انه تدخلاته ذي كانت سبب طلاق اختي وقال ما ابغى الشي يتكرر مع بنتي الثانية وجلس يمدح فيه يقله انت رجال معدنك طيب وابن حلال وابغاك زوج لبنتي ما ابيها تخسرك بس اترك عنك هالحقد والزعل الي زاد عن حده قبل فترة كنتو زي عصافير الحب والحين تغير وضعكم زوجي ضحك وقال ان شاء الله انا خلاص بفتح صفحة جديدة مع الكل وبترك الماضي امي اعتذرت منها والحمدلله انها تزوجت وشافت حياتها وبنتك والله اني احبها والي طول زعلي اني ما توقعت منها موقفها وان شاء الله كل شي بيرجع زي ما كان شوية طلب من اهلي انه يجلس معي لوحدي اهلي طلعو وقعد جنبي وقبل راسي ويدي ومسك يدي وحاسة بيده ترجف وقاعدين نتصافى ونتصالح وفتحنا صفحة جديدة واصر اني اقعد عند اهلي لين ما اولد لاني محتاجة ارتاح هالفترة واعطاني مبلغ في يدي وجاب شنطة بنتي وقال خليها تقعد عندك تتونسين معاها بعدها قبلني واستودعني الله وطلع
الحمدلله حبيت اقولكم ان الامور انصلحت

الحمد لله الذي بنعمه تتم الصالحات ..
يغلق ..........

__________________



احيانا يجب ان نفقد ذواتنا كاملة لكي نستعيدها كاملة ...

الله يصلح بينكم..خبر مفرح..

وبإذن الله يكون هذا هو معدن زوجك..

وطبعا ما تحتاجي توصية بإبعاد أهلك عن مشاكلكم..والصبر على زوجك..

...
..
.

__________________
سأكتبُ شعريَ الباكي ..... بدمع القلب لا الحبرِ
أُسَطِّرُهُ على كبدي ..... وأتركُ دَفْتَرَ الشِّعْرِ
جراحُ أحبتي في الأرضِ ..... تبعثُ عاصِفَ الفِكْرِ

الحمد لله انه اموركم زانت و اصطلحتوا

الله يديم عليكم الهدوء و السكينة

__________________




( اخوتي و اخواتي ان لم تجدوني بينكم في الجنة فسألوا عني )