سجل معك واحد عزوبي من بعد العيد ..
بيني وبينك .. من أهم الأشياء ابتعاد الزوجين عن بعض مؤقتاً لكن بشروط وضمانات حتى ما تنعكس بالسلب .
بعض الزوجات تنسى زوجها إذا كانت عند أهلها .. وما تدري إن الزوج يفهم هذا كرسائل صامتة أنك لا تمثل لي شيء ..
وأني ممكن أنساك أو أنشغل عنك .
عشان كذا لابد من الرسالة أو الاتصال ويكون الاتصال للمشاعر وليس للمحاسبة ( رتبت السرير - غسلت المواعين - مسحت الغبار - انتبه أجي وفي حوسة -...) وهلم جرّا .
وطبيعي أن الرجال ليسوا على طبيعة واحدة ، فمنهم يعتبر الاتصال ملاحقة ومنهم مثلي ومثل صاحب الموضوع يعتبره رائع لكن بالشروط والضوابط السابقة .

لكن ألاحظ إني إذا كنت وحدي في البيت ما يصير لي نفس للأكل ، ممكن وجبة وحدة باليوم ولا فيه نفس للطبخ . ويكون مشروع تنقيب عما يصلح للأكل في الثلاجة والمستودع هههه . وفرصة للتصفية .

الله يوفق كل زوجين ويزيدهم محبة وألفة ويوفقنا لحسن القوامة .

ام مريمي والثانية نسيت اسمها
انا مستحيل انام بغرفة النوم اذا كانت مو موجودة احسها كئيبة جدا
احسن حاجة ارمي نفسي بأي مكان ويصير الشاحن عندك وريموت الاسبليت وبسس
اليوم طبخت سمان فطور على كيفك طبعا في بيت اهلي وخلاص هذا يعتبر فطور وغدا بنفس الوقت الى العشاء كانك ما انعزمت
الا ياحليل الازواج بس بعضهم مثلي وامجد

يوميات اليوم السادس ولي عودة الردود السابقة بس عشان توني راجع البيت الحين ونبي نروق شوي ..

نمنا امس من غير عشاء .. الوافي يقول مامعنا الا كبسة او بيض بالخضار .. والاخ great legend راح يتعشى وسحب علينا وجلست انا لحالي فقلت النوم بدون عشاء صحة ..!

رحنا للدوام واخر ايام الدوام الاسبوعي بحيوية وتشاط خاصة ان الواحد صار ينام بغرفة النوم وبدون ازعاج الاطفال او امهم ههههههه ..
المهم صحينا وداومنا وخلص الدوام وتغدينا ورجعنا البيت ..
كالعادة انا الي اتصل وانا الي اسأل وانا الي اسوي وانا الي افعل .. المهم تطمنت عليهم وعلى البنت والحمدلله طيبين والبنت تحسنت عن امس والحمدلله .. قلت لها امس اعطيني ردك اذا تبين ترجعين اليوم المهم سالتها اليوم قالت ابي اجلس اسبوع كمان ههههههههه قلت لها مافي خلاص ترجعين البيت اسبوع كافي وانا مشتاق لك وتعبت لحالي قالت لي خلني افكر وارد عليك .. وشكلها ناوية تسحب علي اسبوع ثاني .. انا والله لاني في العمل ماحسيت بالاسبوع الاول وراح لاني اغلب الوقت في العمل من السابعة صباحا حتى الرابعة عصرا ..
وجالس افكر اطلع اجيبهم هالويك اند ولانستمر في يومياتنا واسبوع اخر ..؟
وش رايكم ؟

لا اتركها عند اهلها
وبيمر الاسبوع بسرعه مثل هذا
خلها تنبسط دامها بخاطرها

__________________
سبحان الله وبحمده

صدق دلع
اول شي ليه انت اللي تتصل بس !!
ثاني شي ليه تقول تعالي وتقول لا اسبوع كمان
يعني ليه ما تشتاق لك مثل ما تشتاق لها !!
الحين هذا ليا قالوا النساء عاطفيات ويحتاجن صدر حنون وووو
ليه تشاورها لذا الدرجة اذا بغيت ترجع قل تعالي وبس
الا اذا عندها شي مقنع انت عاد لازم تتفهم
لا ويزعلون اذا عددنا وهذي التصرفات منهم وتجي تولول والله ما قصرت معه بشي ووووو
الحين تعال شف الهجوم الدامي علي

يعني مع زوجها ونصفها الآخر ما تنبسط
شريك حياتها

بتطاوعها لو تجلس شهر مايكفيها
بس يااخوي الحين اجازة واكيد اخواتها دوم مجتمعين وتبي تتونس
او انت خذ اجازة لو تقدر وروح اجلس معها اسبوع وتعالوا

مادري ليش ما تقتنعوا وتعتبروها فترة نقاهه للمرأة! ،، لازم 24 ساعه تدلع وتخدم وتجامل حتى على حساب عمرها و وناستها!؟ تخيل نفسك بغيت تغير جوو واصدقائك عزموك على سفرة اسبوع ببلد واسبوع اخر ببلد الثاني والمسكينة بهالحزة يصير مالها حق تتملم لزوحها لا لازم تشجعه وتدعي له! وفوقها لا اتصال ولا شي الرجال لاهي بمتعته فعليها تقدر وتسكت وما تنكد! وان قالا يفلان اشتقنا لك قال بدينا النكد ...

بالنهاية مو كل شي يحلى بوجود هالنصف الثاني! بعد اهلها امها اللي حملت بها 9 شهور وربتها سنين مت عمرها واخواتها اللي يعرفون كل صغيرة وكبيرة عنها و حتى بطبيعتها اكثر من زوجها وغير انهم من جنس واحد يعني كلشي مشترك ماعتقد يكفيها اسبوع او اثنين انها تملي عينها منهم وخصوصا اذا كانوا هم ببلدة وهي ببلدة وبين فترة وفترة فقط تلاقيهم ...

الله يعيينه احنا النساء ،،، لازم ناخذ سلاسل ونربطها برقابنا عسى ولعل يرضى هالرجال!

تخيلي زوجك يقول اجلسي واجلسي وكل ما بغيتي تشوفينه قال لا اجلسي بعد ،،مو بيظيق صدرك ،تتذمرون من تعلق ازواجكم فيكم ومن اهماله لكم
لو ما حبيناكم وحبينا قربكم ما بغينا جيتكم ،و لو ما تعلقنا فيكم ماتهنيتم بحياتكم

ياختي هذي معرفات مجهول ..كل واحد مجهول مافيها انتهاك خصوصيه
وعن نفسي استفدت من الموضوع وفهمت اشياء كانت غايبة عن ذهني وفيه اشياء يفكر فيها الطرف الثاني مقصده شي والمراه تفهمها شئ ثاني

بالعكس انا اشوف الموضوع فيه فايده كل طرف يفهم طريقة تفكير الثاني
بعيده عن الاساليب الممله والنصائح المباشره