الان الاهم بكل هذا هي بنتك ! .. فعلا كما قالوا الاخوات بنتك ممكن حاليا ماتخسين انها متاثرة ولكن مع تقدمها بالعمر راح تلاحظي بعض الاطباع الغريبة ولما تدققي راح يكون اسلوبك واسلوب زوجك مع بعضكم ،،

تواصلي معاه باسلوب حازم واتفقوا على الاساليب الصحية والصحية لتربية طفلتكم حتى وان كان بزيارة سريعه اسبوعيا لمستشار اسري او تربوي ،، غلك وحقدك عليه وعلى زوجته لازم ينتهي ! وكأن الساعه تتوقف عند هذا الحد ! تحرمي نفسك من متعه الراحة النفسية والعقلية وهم في راحة بعكسك للاسف وانتي اللي قاعدة تعانين هالعذاب ... تدرين اهم علاج بهالامور واللي علمونه اياه هو المسامحة ! قولي له بحزة ان انتي مسلمة امرج لله وحده انا مسامحتك احرجيه .. وبعدها لو تبتعدي عن التواصل مباشرة معاه وتخلينه ياخذ بنتج من عند والدتج او اهلج وهم يخبرونه بتواجدها عندهم .. حتى احتياجاتها اذا تحسين ان تواصلج معاه بينكأ الجرح مرة ثانية فابتعدي عشان تنسي

من صجج مستشار اسري!!

ما سواها واحنا في قمة مشاكلنا بيسويها الحين !!! عموما انا ما احتاج هالمستشار لان انا ادرى واعلم بحالي

وبصراحة ما اقدر أسامحه على اللي سواه لا هو ولا مرته ولا امه،، ولا احد يقدر يجبرني اني أسامحه

انا عايشة براحة وسلام بعيد عنه وعنهم

وبالنسبة حق اهلي ،، انا عايشة بسكن خاص فيني بعيد عن اهلي

بالاضافة الى ان هو قليل أدب ومو متربي ،، ما ابيه يغلط على اهلي او حتى يؤذيهم بكلامه ولسانه الطويل

__________________
لا اله الا انت سبحانك اني كنت من الظالمين

كيفك اليوم موهبه

الحمدلله وايد احسن

بفضل الله ثم بفضل نصايحكم

اليوم اتصل على بنته بالايباد وقالها انتي مشتاقة حق بابا؟؟ بس أهي راحت عنه لان كنّا بنطلع فبالها مع الطلعة

بس أحسه تأدب وعرف شنو حدوده

__________________
لا اله الا انت سبحانك اني كنت من الظالمين

توه دق عليها من ايبادها

يسال عنها وانا قعدت أكلمه مباشرة قلت له البنت كيت وكيت وكيت


كان الرد: ..................

ولا كأني أكلمه ، انا أكلمه وهو يرد عليها أهي ، بصراحة حسّيت بسخافة الموقف


قلت لكم لازم تعامله بطريقته عشان تمشي الامور معاه


ما يفيد معاه الأسلوب المباشر

ولا العقل ولا الحكمة

__________________
لا اله الا انت سبحانك اني كنت من الظالمين

اللي فهمته من مهره انج تكلمينه واتس اب اذا بغيتي شي ولا توسطين بنتج .. مب تكلمينه صوتي من الايباد .. لا وحزة اللي قاعد يكلم بنته ..

والله ياموهبه طالما زوجك بهذه الشخصية فهو ماينفع تكلمينه مباشر
...

اللي تكلمينه مباشر الرجال المحترمين اللي يعرفون مالهم وما عليهم ومن غير تفسيرات خاطئه

ما أدري يا موهبة .. لكن تصرفج مب صحيح.

هو دق على آي باد البنت .. يعني يبا يكلم البنت.

إذا .. إذا حب يوصّل لج كلام عن طريقها وقتها خذي الموقف وتفاهمي معاه ـ بينج وبينه ـ بخصوص هالجزئية .. بعيد عن البنت وبعيد عن آي بادها.


إنتي أدرى منا بطليقج طبعاً .. لكن هل تكلمتي معاه قبل عن أهمية تعاملكم وصورتكم جدام البنت؟ .. هل وضحتي له الأثر السلبي اللي بينعكس عليها من حكاية قولي لماما وقولي لبابا؟

__________________


اللهم طِيبَ الأثر .. وحُسْنَ الرحيل.

أكلمه من الواتس اب اذا كان الموضوع كبير او ضروري ،، وعادة ما يرد بس يشوف المسجات

واكلمه بعد من الايباد صوتي حزة اللي يكلم بنتنا بس بأسلوب قولي حق ماما وقولي حق بابا

__________________
لا اله الا انت سبحانك اني كنت من الظالمين

أهي كانت قاعدة تشكيله ان طاحت واستفرغت - عزج الله - وهو مو فاهم عليها،، فدخلت انا أوضح له

وبصراحة ما تناقشت معاه بسالفة أسلوبه ولا ناوية أتناقش معاه

اساسا اول ما انفصلنا كان يكلم اهلي اذا يبي مني شي وبعدين اهلي قالوله وانا قلت له ان كلمني مباشرة ماله داعي فاللفة الطويلة، خصوصيات اني مو ساكنة مع اهلي

بس انا مؤمنة ان دوام الحال من المحال،،واكيد راح ايي يوم وتتغير هالطريقة الماصخة

__________________
لا اله الا انت سبحانك اني كنت من الظالمين