طيب و الحل ؟

__________________
أشهد أن لا إله إلا الله و أشهد أن محمدا رسول الله صلى الله عليه و سلم

لا هو اللي يطاوعني يوديني لأهلي .. ولا إللي بياخذ ويعطي معي .. ولا بيرد مثل قبل ..

أفكر انتظر كم يوم وأشوف وش نهايتها واذا استمر كذا بقوله إني ماني مجبورة استمر معه بهالشكل .. يانعيش مثل باقي الناس ياكلن يروح بطريقة .. أنا جدا تعبت من هالمشاكل ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

و مين قالك ان باقي الناس عايشين زين ؟

يا لولو ، بهج انا بعد كلامك عن الطلاق ، يا ستاااار يا عليم ، على مشكلة قد النتفة تفتحين ملف الطلاق ...اجل وش تسوين لو كانت اكبر من كذا !
اذا بقيتي بذي العقلية بتخسرين كثير يا لولو ...
الله يهديش يا اختي بس الله يهديش ..

__________________
أشهد أن لا إله إلا الله و أشهد أن محمدا رسول الله صلى الله عليه و سلم

ما تعانيه الان هو اكتئاب ما بعد الخصومة بحيث الذاكرة تطلع الارشيف كله ... و محرك الدماغ ما يبطل تحليل و تفسير و مراقبات...
فاللي انصحك فيه انك ما تنسين فضله و ارفعي الجانب الايماني و خليك قوية يا لولو ، اساعيذي بالله من الشيطان و افتحي معاه حوار ...و اذا ما طاع يتكلم خليه مستمع . المهم اكسري الحاجز ...

__________________
أشهد أن لا إله إلا الله و أشهد أن محمدا رسول الله صلى الله عليه و سلم

لست كغيري
جملة ((ماني مجبورة ....الخ ...ودني بيت أهلي)) عادي تحذفيها من قاموسك على مثل هالمواقف اللي ما تسوى
....
اللي قصدته ,,انه مو طبيعي انه يقفل على نفسه الباب ’ انه ما يجيب مقاضي للبيت الا بالطلب او يقولك ما يحتاج
لكن حالة الصمت ,,تحصل ,,اغلب البيوت لو حصل خصام ,,يصمتوا ,,ناس يوم ,,ناس يومين ,,
كم صار لكم بحالة الصمت؟

__________________

من يوم السبت..

والله العظيم ماأبي أنطق كلمة ودني لأهلي .. لو علي ماابي أنطقها .. بس ماأبي أحس إني ثقيلة عليه .. أبي أسهل له الطريق في التخلص مني دامه مايبيني .. فاهمه علي يامسز؟!!!

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

معقول من يوم السبت؟
فاهمة عليك و عارفة انه شعور بغيض ثقيل على النفس مزعج
لكن ما اعتقد حلها بكلمة ودني بيت أهلي,,

شرايك تبيعيها و تقولي له
ما كأنك مصختها *_*
انا شسويت عشان ذا كله
و اقعدي هالمرة داخل غرفتك عشان ما يقفل على نفسه

__________________

انتي اعطيه وقته اغلب الرجال يزعل له اربع ايام اواسبوع وبعدين يرجع الوضع طبيعي وحتئ لوقررتي انك تتركينه لاتتخذي القرار بسرعه اصبري اقلها شهر وبعدين بكيفك
التزمئ الصمت يبنتي واشغلي نفسك

لا تنامين بروحك نامي بجنبه ، أكبر غلط وقت الزعل إنك تنامين بعيد عنه ، خليك بجنبه وبيطيح الحطب بإذن الله

__________________
الحمدلله حمدا جزيلا ...

ما ادري ليش كلمة الطلاق هينة عندكم!
يصير الانسان في المشاكل التافهة السخيفة البايخة
ينسى ان فيه طريق اسمه طلاق ؟
لو عندج عيال وتهاوشتي معاهم
وكفختيهم
ومردغتيهم بالارض
تقدرين تقولين لهم خلاص بطلع من حياتكم ؟؟
طبعا لا لان ما لج فكيه منهم وين يعني بتقطينهم!
يا اختي اعتبروا الحياة الزوجية نفس الشيء
اقولها من تجربة لان زوجي سابقا كان يهددني بهالكلمة
كل مشكلة تنحل
لا طقج
لا خانج
لا .. لا .. لا
طبعه عسر ؟ اي طبعه عسر
سايريه!
من يوم السبت الحين وهذي وضعكم!!! عشان شيء سخيف
يا اختي اذا هو قلل عقله انتي كبري عقلج
اما اثنينكم تنسون عقولكم وكل واحد يفكر بكرامته ؟؟!! عيل اشماله متزوجين!
الاول هو غلطان و شد انتي ارخي يا اختي حتى لو ما غلطتي
باجر انتي تغلطين وشديتي هو المفىوض يرخي!
اما كل واحد ينام بصوب ؟
مهما كانت المشكلة لا تنامون بعيد عن فراشكم!
اما خل يطلقني
خل يوديني بيت اهلي
لعب يهال هو ؟
وبخصوص ان تقولين مرت اخوج مرتاحة
اي اخوج مريحها في اشياء
وغاثها في اشياء
وهي مريحته في اشياء
وغاثته في اشياء
لان الحياة الزوجية جذي!
يعني تتوقعين تصفى حق احد ؟؟؟!!!
طلقني وودني بيت اهلي ووو خو يا حبيبتي منتو داشين عذاري بارك
القهر ان مشكلتكم بسيطة
وهو حضرته حابس نفسه
وانتي تاكلين بعمرج
تلحلحي شوي روحيله
تكلمي وياه طبيعي
تدلعي عليه
اكخفيه على جتفه سوي نفسج تمزحين
نايم ؟ روحي نامي بجبده
واااي يا برود اعصابكم ويا طول بالكم
من يوم السبت للحين كل واحد بصوب
الله يرزقني هالبرود الاعصاب!
انتي طيبة بس متسرعة
يختي يا حبيبتي
لو مثلا تهاوشتوا غسلتوا شراع بعض الساعة 3 على اكثر تقدير اذا المشكلة مو كبيرة و سحيفة مثل هالمشكلة الساعة 6 حلاتكم رادين حبايب

__________________

حاجة الناس إليكم من نعم الله عليكم ، فـ لا تملوا النِعم ☁✨