مهره كل مره كلامك عالجرح
صح
انا لازلت اقول اني اتماسك

روح الطير
وتلوموني اذا اقرى ردودها بتمعن
احبك بالله
هذا الي اقدر اقوله

كلام روح الطير كان بقلبي وودي اقوله

بس خفت تتحسسين

يمكن يعورك.. بس اقريه مرة واثنين وثلاثة

كل حرف فيه

والله يوفقك

__________________

اختلافي عنك لا يعني اختلافي معك

+ 1

زوتا كوني قريبه دائما

Vanity ماتحسس ويكفي دعواتك

أحبي نفسك يا أنا غير ..
لا تنتظري أن تأتيك السعادة من شخص ما .. أسعدي نفسك بنفسك ..
أنظري للجانب المشرق في حياتك ..
لديك إبن ربي يخليه ويكون لك خير سند ..
لديك عائلة وأهل يحبوك وتحبينهم ويساندوك في كل أمورك ..
لديك وظيفة وبيت ملك ..
أطوي صفحات الهم والحزن ومشاعر الظلم والخذلان ..
اغتسلي بماء زمزم وامسحيه على صدرك واسألي الله أن يمحي كل ما آلم قلبك ..
عيشي الحياة التي تستحقينها ..

ما فهمت كلامك هنا اختي
خاصه وبرساله مني وانا اللي انخطبت؟

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

والله اني مسحت ع قلبي
وكل لحظه اقول يارب قلبي بيدك لاتخليني
دعواتكم لعل فيكم من هي مستجابه
اللهم امسح على قلبي واجرني بخير

اخواتي

هي موجوعه وبعدها باول الصدمه
لازم تطلع اللي بقلبها
هي تكابر امام اهلها خلوها تفضفض هنا وترتاح

خلوها تقول وتكتب وتبكي وتشكي لين ترتاح

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

تدرين انا غير
الحمدلله حسيت ان فيه تحسن
من ردودك بالبدايه والان
الحمدلله
بديتي تمشي اول خطوات العلاج و بيرجع لك فرحك وقلبك وعقلك
انتي تعاني من الصدمه العاطفيه
وهذا شي مو بسيط
خاصه لشخص عاقل لازم يفهم
الكثير بيستغرب حرصك على معرفه السبب
وحرصه على وجود قفل للنهايه
وانا مريت بنفس الشي وحاسه بكل كلمه
لكن طلعت بنتيجه
بالحياه هناك الجبناء الهاربون
ماعندهم اسباب ولاقوه مواجهه
وعبثا ومضيعه لوقتنا نلحق هالتافهين ونسالهم ليه بس ليه
على قوله المثل
لو فيه شمس بانت من امس
ماعندهم منطق ولا اسباب ولاهم قد الي اقبلوا عليه
فهربوا باختصار هربوا
وفعلا حياتك جميله
ارجعي للدكتوراه لعملك لابنك لعائلتك
ولا تضيعي دقيقه بالبحث عن اسباب هذا الرجل
اعتبريها نتيجه استخارتك
والشقه تصرفي فيها اما بيعيها او اجريها او اسكنيها او خليها للزمن
قوي نفسك بنفسك
اطلعي مع ابنك اقري قران
مشكلتك حبيتي هالشخص وتعلق قلبك فيه
امسحي على قلبك
واسالي الله العوض و السعاده
وهالايام بتكون ذكرى
والحمدلله عندك ولد
لو عندي ولد لاقفلت نهائي على موضوع الزواج
ماشاءالله تبارك الرحمن
قولي سود الله وجهه
وبيض الله وجه الايام الي ورته على خقيقته قبل تتورطي
انا تطلقت بشهر العسل
صديقتي قبل زواجها باسبوع لسبب تافهه وماشاءالله عوضها ربي بلي يناسبها اكثر
وانا عوضني ربي بعد باشياء كثيره
وقصص كثيره لو احكي لك
بس طلي على قسم المطلقين
الي خانته زوجته
هذا الي يحق له يحزن وينفجع قلبه
اوذي في عرضه هذا والله الابتلاء صدق ياانا غير
والي تطلقت منه ببساطه تقول بس مابغاه وهو الي حط الي وراه ودونه لهالزواج
تقولي الطلاق اهون من الي صار لك
انا اشوف العكس
طيب بقول لك قصه اخت صديقتي
من انخطبت وصديقتي تقول مو مرتاحه لخطيبها احسه غامض
يتصل والدي عليه مايرد
لاهله وله تصرفات ما تعجبني
لكن البنت تبغاه
تعلقت فيه لانها كانت مطلقه واهلها سمحوا لهم يتكلمون قبل العقد
قلت لها هالمكالمات لا تودي ولا تجيب بالعكس تتعلق فيه البنت
وهو ماصار شي
بيوم الي بيجوا يعقدوا عليها ماجا
متخيله
اهله قالوا لها اصبري عليه ومدري ايش وفيه عين وبنقرى عليه
بس اعجبتني قالت الي هذا اوله فرقاه عيد
الشي الي مو على بينه من البدايه شي هش
والشخص الي يسسب بزوجته ويركض ورى بنات الناس ماهو كفو
والله فكك انتي وولدك منه
ولو يخطب مليون مره لاتوافقي
طيب بقول لك شي ماقلته لاحد الا لصديقتي
جاني واحد المكتب يخطب
وهو رجل احسبه رجل كويس والله العالم
الوحده ماتعرف الواحد بالعشره
جا وقال لو اخطبك توافقين
ونجتمع بمطعم او كوفي ونعرض ظروفنا ونشوف لو نناسب بعض
رفظت رفضا قاطعا وسحبت عليه
عطاني رقمه اكلمه اقول له قراري
لكن رميته ولا كلمته
مع اني بوقتها كنت احتاج منه مساعده في موضوع
ولكن دع ما يريبك
انا عارفه اخلاقي واهلي
والرجل الي بيخطب يدخل من الباب
مايجي لمكتب الوحده وتعالي نتفاهم وانا ابغاك
لمجرد انها اعجبته او شافها مناسبه له
عندي قاعده اهلي اول من يعلم
وهو فهم الرساله ولا عاد جا مكتبي وانسحب
الرجال انانيين بعضهم عشان مااظلمهم
مايبغى يحرج نفسه مع الناس
يطيح البنت ويربطها فيه ويمهد اموره واخر شي يضبط وضعه
ضبطت كان بها ما ضبطت هو ماخسر شي لاطق باب ولا دخل من باب
كان يطمر من الطاقه بس
يله حبيبتي
ايغى تعرفي انها خيره
تدرين لما قالت لي صديقتي ان خطبه اختها تفكرشت فرحت لها
قلت هي استخارت قالت ايه قلت هذي نتيجه استخارتها
الله يحبها وكتب لها الخيره
الحمدلله الله يوفقها ويسعدها
لان قلبي كان كاش من تصرفات خطيبه
لكن هي الحب معميها
قولي طيب مع الكل ان شاءالله يكون ملاك وش علي من طيبته دامه نذل معاي
وبعدين انتي ماعاشرتيه يابنت عشان تقولي هالكلام
اخوكي الي هو اخوكي ماتحلفي عليه