صباح الفل يا سكرات
زهورة "جوين ذا كلوب" اى انضمى الى نادى الامهات المحطمات نفسيا عاااااااااااااااتى كلنا هذا الرجل بس الحمد لله طبعا على كل حاجة
اولا الف سلامة على الاستاذ الصغير بوسيهولى قوى
اما للبشوات الكبار دول عاوزين تظبيط بس مش بذمة عشان الغيرة اكيد انتى وقت السخونية كنتى مهتمة بالبيبى فمعلش ربنا يقويكى و يقوينى و يقوى كل ام على تربية عيالها
هالة هو تقريبا بيقعد 5 دقايق او اذا كنت مشغلة كرتون ساعات بيسرح قدامه المهم انا اللى بكون محتاجة لتايم اوت مش هو ربنا ييسرلنا كل عسير
و ربنا يكون فى عونك فى الاخر بصراحة الحمل مع بيبى تانى بيعتمد عليكى حاجة صعبة جدا جدا جدا
بس انتى حتولدى لوحدك ولا مامتك حتكون معاكى؟
بصى نصيحة اعملى جاهدة انها تكون معاكى و صدقينى بجملت اى مصاريف بدل متكرهى نفسك و تنسيش اكتئاب ما بعد الحمل
نزول الهرمونات فى الجسم فاجاة بيخلى الواحد مش طايق نفسه ولا الهدوم اللى عليه
و ربنا معاكى يا رب
سلمى انتى كدة بفضولك دا عاوزانى ابتدى من اول انى اسمى كوكار و متجوزة من 7 سنين و نص و كدة
عموما ولا يهمك بدل ما فضولك يقتلك
بصى يا سيتى
حملى بكريم كان حقن مجهرى لان جوزى عنده مشكلة من العدد و الحركة و التشوهات يعنى المشكلة اللى بتواجه الرجالة عموما فى موضوع الخلفة
و لما عملت الحقن كان عندى 4 بويضات بس بالرغم من انى لما باخد كلوميد بيطلع عندى 4 حجمهم كويس غير العبيط الصغير و كمان لما سحبوهم طلع 3 ماية يعنى واحدة بس اللى كانو حيلقحوها و الحمد لله اتلقحت و رجعوها و طبعا فرص ثبات جنين واحد مش ذى 2 او 3 بس الحمد لله ربنا هدانى باحلى هدية "كريم"
و بعدين طبعا دكاترترى (بجمع لانى بتابع دايما مع 2 واحد فى الكويت و واحد فى مصر) قالو ماخدش اى مانع للحمل لانى عندى مانع طبيعى و هو جوزى و انا كنت مع انى بحالة جوزى و حصل حمل يبقى حتى لو اخدت مانع برضو حيحصل حمل عشان دى حتكون ارادة ربنا
بس يا سيتىى و بعد 6 شهور من ولادة كريم و بالظبط فى الشهر السابع لقيت الدورة اتاخرت و حللت من باب ان دا روتين عشان اروح للدكتور يدينى حاجة تنزلها اصل احمل ازاى يعنى هو هبل ولا ايه و اكتشف يا ست البنات انى فعلا حامل ازاااااااااااااااى معرفش بس هو دا اللى حصل
و الدكاترة الاتنين اول كلمة على لسانهم سبحان الله و هو فعلا سبحان الله
فاللى عاوزة اقوله ان طول ما عندنا رب كريم فباب الامل على طول مفتوح و على مسرعيه
و سبحان الله ان ربنا اذا اعطى بيعطى هدية تتناسب مع قدره يعنى بسخاء شديد قوى و الحمد لله على هدية ربنا ليا الف حمد و شكر ليك يا رب هم صحيح مطلعين عينى بس انا بجد بجد مكنتش احلم بضفر واحد فيهم يعنى كنت بعمل اللى عليا من غير ما انتظر ان "لازم" يكون فى نتيجة بس ربنا طلب منى انى اسعى فخلاص انا بسعى اهو و كنت ناوية افضل اسعى لحد ما مينفعش اسعى و هو ان الدورة متجيش و ابقى فى سن الياس
و نسيت اقولك ان قبل ما اعمل الحقن روحت عملت عمرة فى رمضان و دعيت ربنا انه يكرمنى بتؤام ولد و بنت عشان اعوض اللى فاتنى من العمر فسبحان الله ربنا رزقنى بتؤام الفرق بينهم سنة و 3 شهور
ها لسة فى فضول ولا خلاص كدة؟
باقى البنات
افتكرو كلمتى دى ارجووووووووووووووووووكم
"طول ما لينا رب طول ما باب الامل مفتوح"
فى دكتور نفسى بيقول ان الياس دا رفاهية
فانا عاوزة الامل يكون جواكم لحد ما يحيطكم و باذن الله ربنا حيكرمكم كلكم بس كله فى اوانه
بحبكم فى الله
__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة
29-03-2011, 08:35 AM
وأقر عيني برؤيته يكبر أمام عيني بصحة وسلامة يارب العالمين
انتى حملتى بعد اد ايه من جوازك 
ضوابط المشاركة
العرض العادي
