المشاركة الأصلية كتبت بواسطة OnlyHuman9

اخي الاخلاق

حبيت اقولك كم شغله من الممكن انها تفيدك

الان انت قريب من اخوها هذا انصحك بالابتعاد عنه قدر الامكان لانه لو اخوها يلعب على الحبلين اكيد يعطي اخته كل يوم تقرير زوجك قال زوجك فعل انا اعتقد من الافضل لو انها سألته وهو قال ما ادري مايرد ما يتصل

بالفعل يا أخوي ..كلامك مقنع ...وهذا ما بدأت في فعله من أمس يعني أنا ألحين ما أفاتحه في المشكلة وإصلاحها وغيره لأني سويت اللي علي معه ....والآن جاء دوره والمبادرات لن تأتي من جانبي إطلاقاً ....
وفي مشكلة في هذي الحالة ...لو افترضنا أنه يلعب على الحبلين ( طبعاً هو رجل عاقل وكبير وما اقصد لعب على الحبلين بالمعنى السلبي ولكن القصد بالمعنى أن يريد يصلح يعني يليين راس هالطرف وليين راس ذاك الطرف بقصد الإصلاح ولو باستخدام الكذب لأنه من موارد جواز الكذب إصلاح ذات البين ) حتى لو لم أتواصل معه يمكن يقول لها أنه كلمني وهو يبي إصلاح الوضع وكذا وكذا ...


وذا تكلمو عن الاجتماع وضح انك مشغول واذا لزموا على الاجتماع قول اهم شي مايصير بالبيت الي طردت منه !!

بارك الله فيك لن يحصل الاجتماع في البيت الذي طردت منه إطلاقاً إلا في حالة أن تعتذر زوجتي على طردها لي ..

طبعا هالاجتماع مو الان يصير بعد فتره شووي يعني لايضر ان تشغل نفسك بعد رمضان او بعد العيد لان المسأله تحتاج وقت اكثر زوجتك الى الان مابدت تراجع نفسها وواضح هذا الشي من رسايلها

شكراً لك على النصيحة ...

مسألة بنتك تشوفها كل يومين انا من رأيي ان تضغط على قلبك وتقول لأخو زوجك ان البنت تقعد عندك يوم كامل بالاسبووع وبعدها خلها عند امها لان مسألة ان الزوج يجي كل يومين عند الباب عشان ياخذ بنته يحسس الطرف الاخر انك مربوط فيهم وماراح تروح بعيد
واليوم هذا لو تقدر تكلم اخوك الي اصغر منك هو يتصل على اخو زوجتك ويروح لبيتهم ويجيب البنت يعني لاتخليهم يسمعون لك صووت انت كأنك بعالم ثاني بدوله ثانيه

التفاته أخرى مقنعه بارك الله فيك ..

في سؤالين هنا :
من قال لك أنه لدي أخ أصغر مني ؟؟
تتوقع ينفع أخوي اللي أكبر مني ؟؟

وذا سألوك وينك قل دنيا مشغووول بعدين نتفاهم زي كذا

لان زوجتك ماراح ترتبك كثير فأنت قريب منها انت تجي كل يومين عند البيت وتكلم اخوها بأستمرار فهي معها حق لو حست انك للحين متعلق فيها فطبيعي انها تتمرد زياده وتسافر وترسل رسايل استفزاز

احتمال وارد ....بارك الله فيك على النصيحة ..

هذي كم نصيحه


ولكن عندي كم سؤال عشان ما اظلم البنت

1- انت تقوول ان زوجتك ماحافظت على اسرار بيتك وسببت مشكلة بين اخوها وزوجته الي هي اختك
وشو الي قالته يعني شافت شي ببيت اهلك مثلا وراح وقالته لأهلها وتسبب بالمشكله ؟؟ هذا الي ابي افهمه

أنا ما قلت ما حافظت على أسرار بيتي ...أنا قلت تطلع مشاكلنا إلى بره ..مره بدافع الشكوى ومره بدافع الفضفضة ...

نقطة ثانية : إذا صارت مشكلة بينها وبين خواتي وامي تروح تقول لأهلها ...هذا ما أقصده ..

مره هي تجرأت على أمي برسالة ...أختي شافت الرسالة ..وردت عليها برسالة عنيفة وطويلة وفيها بعض الكلمات القوية لأنها تجرأت على أمي ( وبالأمانة غلطت أختي علي تدخلها وعلى بعض ما ورد في رسالتها ) ...رسالة أختي لها أرسلتها لكل خواتها !! في الرابط تفاصيل مشكلة تجرأها على أمي :

http://www.66n.com/forums/showthread.php?t=202866

2 - اثناء النقاش بينك انت وزوجتك تقول حصل غلط من الطرفيين وفش قلت !!
يعني ابي اعرف وشو الاشياء الي ماسكتها ضدك انت

مافي شيء ما سكته ضدي يا عزيزي ....ولو أخطأت ( وأنا بالفعل كذلك ) في أشياء فالحمد لله أمتلك من الشجاعة ما يجعلني أعترف بأخطائي ..

أنا فقط قمت أكلمها بطريقة كلامها ...كانت تغلط على أهلي فقلت لها ...لو يجتمعوا أهلك ( وأقصد خواتها ) كلهم عشان يفرقوا أختي عن زوجها ما راح يقدروا ....>>>> هذي الكلمة خلتها تشب وبدأت مشكلتنا ..


والله يوفقك
وعلى فكره ترا برمضان ما ابي اشووفك بالمنتدى
امزح اخووي الله يستر عليك وييسر امرك ان شالله

طيب ليش أنت دايم مسنتر في هالموضوع ولا اشوفك في المواضيع الثانية أمزح معك أنا بعد ...أمرك غريب
قصدي روح خذ عمره وغير جوو

المشاركة الأصلية كتبت بواسطة * رزان *

أنا بأجاوبك بعد إذن الأخ الأخلاق و الله يزيد في مقداره

يوم راح يزور اهله مع زوجته ، زوجته سلمت على امه و ابوه و ما سلمت على اخواته الإثنين
( علشان كذا نحن قلنا له مالها حق .. لإنه كان لازم تراعي وجوده أو وجود امه و ابوه عالأقل )
ثم اخواته و اللي وحدة منهم تصير زوجة اخوها ، قاموا بعد شوي من المجلس و راحوا غرفتهم
يعني طنشوها ، و هي زعلت و راحت شقتها

الأب عاتب البنات أظن ..
و هم دافعوا عن نفسهم و الأخ الأخلاق دافع عن زوجته لكن زوجته ما تدري إنه كان يحامي عنها ..

رجع البيت و زوجته اشتغلت محاضرة و شكوى و إنت و إنت و اهلك

انتهى الموضوع بينهم ..

و قامت زوجته و راحت نقلت اللي صار لأهلها و صارت مشاكل بين اخوها و زوجة اخوها وو كبرت الحكايةة
ثم جات تقول لزوجها ، نحن مالنا دخل في أي مشاكل تصير بينهم و خلينا في بيتنا و هو كان مسافر

والد الأخ الأخلاق تدخل في الموضوع علشان يحل مشكلة بنته مع زوجها و قام عاتب الأخ الأخلاق
و قاله زوجتك هي السبب في المشاكل و كذا



و الكلام اللي قاله الأخ الأخلاق موجود في مشاركته بالصفحات اللي في النص ..
سامحوني عاللقافة ، بس الموضوع كل يوم أدخل و أتابعه

المشاركة الأصلية كتبت بواسطة OnlyHuman9

اخووي الاخلاق

والله انا مجرد زائر للموقع وما اعرفك شخصيا واتمنى لو اعرفك لان معرفة الرجال مكسب
اما بالنسبه لاخوك الصغير انا ما ادري اذا عندك اخ صغير بس فكرت ان الي يخدمك ممكن يكون اصغر منك يعني مو لايقه اقول لك قل لأخوك الكبير او ابوك هذا المقصد وعالعموم الاقتراح هذا اقترحه شخص قبلي

انا اذكر سؤالك لي يوم قلت لا يكون انت onlyhuman حسيت انك تتمنى ان زوجتك تقرا الموضووع

عالعموم
لو ترسل لي رساله خاصه اقدر اعطيك اسمي الكامل لو تبي ورقم جوالي ^_^
انا مجرد متابع للموقع لكن الي شدني بقصتك انها متواجده كثير في مجتمعي وبعائلتنا فحبيت بس ادلو بدلوي
عشان كذا مسنتر بموضوعك انا اقرا كثير لكن احس ان عندي خبره بهالموضوع اذا كنت مضايقك قلي اضف خشتي عادي

المشاركة الأصلية كتبت بواسطة الأخلاق

آخر المستجدات :

أرسلت لي رسالة ما نصها :

" بكره أخذ بنتك بأغراضها وإذا بغيت أشوفها قلت لأخوي يجيبها "


ما أدري صرت والله أفكر بجد أني أرد عليها كذا:

" أنتظري أتزوج زوجتي الثانية عشان تجي البيت وتربي بنتي "


وأنا صادق فيما أقول .

المشاركة الأصلية كتبت بواسطة OnlyHuman9

لا ترد كذا اخووووووي اصبر

هذا كله من حر مافيها لا ترد وخذ البنت وخل اهلها واهلك يشوفون سواياها
يعني الكلام بيصير عليها هي الي رمت بنتها
صدقني هي من صدمة التجاهل تسووي كذا تبيك تتكلم معاها تبيك حتى تهاوشها انت لاتفتح النقاش ابدا