الغالـية على القلوب " صابرة "


أعتقد بوجود العزيزة " الماضي الدفين " لا داعي لوجودي معك , لأني أتطمن عليك قي حضورها
و واثقة من أنها ستكون معك وستعينك بقوة على الخروج من هذه الأزمة , أكتفي بمتابعتك بصمت
وإن احتجتيني ثقي أني سأكون موجودة على طول .

أسأل الله أن يخفف همك ويجبر بخاطرك ويسهل لك جميع أمورك , ويجعل لك في كل خطوة سلام
الأهم أن حاولي قدر الإمكان لا تتضايقي و تتكدري , هوني على نفسك و هدي قدر ما تستطيعين
وبإذن الله كل شي راح ينحل .

أتمنى أن حينما أعود مرة أخرى أسمع أخبارا طيبة و سارة .



مع حبي

__________________
"إخوان سنـة وشيعـة هذا الوطن ما نبيعـه ,, خذ هالشعار و ذيعه و تذووب الطائفيـة"
( منصووووووووووووورين والناصـر الله )

لا تقولي ما احتاجك يا شيخة انتي قلبي وروحي وحياتي
وحبك بقلبي ربي يعلم فيه الان بس امر بظروف الان صعبة شوي اكثر من اول
احتاج اتعلم بس اشلون انسى هذا الرجل واريح عمري
ارجوك لا تزعلي علي ولا تشيلي في بالك عني ولا تنسين اني احبك اكثر من روحي
ولا انسى وقفاتك ودعائك لي يابعدهم
انا مجروحة ياشيخة مجروحة كثير

__________________

امس سافرت سفرة يعلم بها ربي الفجر قلت له ليش ماشاروتني اقولك غير التوقيت اول على الاقل ازيد يوم او يومين واسافر براحتي ..كنت انتظر منه يقولي سامحيني ويحاول يطيب خاطري بكلمتين قبل لا اسافر ..ابد ماقالي شى وكانه فرحان اني بروح ..وصلني المطار ودخل جوا وانا عند الجوازات جلس راعي الجوازات يكلمني بصوت عالي وين وش رايحة تسوين بباريس واسئلة خارجة عن نطاق عمله والمشكلة بصوت عالي واسلوب ماهو كويس ..قلت له هيه وش فيه تكلم عدل والا بنادي لك زوجي يتافهم معك بعدين حول جوازي على قسم مدري وشو ..واقسم لكم انه سالني اسئلة غريبة ويرفع صوته حتى فشلني ورواي طابور من الناس ..المهم ناديت زوجي وقلت له ترى وش قالي ويرفع صوته علي وانا بعد رفعت صوتي على حق الجوازات قلت له انت حقك تطابق ختم الجواز وتادي شغلك وخلاص ليه تسالني وش رايحة اسوي بباريس توقعت ان زوجي بيجي يلومه او شى جلس زوجي يتكلم معه بصوت خافت وكذب علي قدامه وقاله انا ماقلت لها شى بس سالتها ..قلت له غير صحيح انت تدخل باسئلة ماتهم وظيفتك ..المهم راعي الجوازات من شاف زوجي تلكم بهدوء قام رفع صوته اكثر وقسم بالله يقرب من وجهي كانه يبي يضربني شوفو المهزلة ...قلت لزوجي روح اشتكي عليه وولو شاف ردة فعلك قوية ماكان رفع صوته وعلى حرمتك..قال انتي الي رفعتي صوتك وبهذلتيني قدامه
قلت ياعالم حتى لو رفعت صوتي تراه ظلمني المفروض تادبه وتفاهم معي بعدين..سافرت بحرقة بقلبي والرحلة كلها وانا ابكي...من وصلت كلمني على بيبي قلت له شف ياتروح تشتكي عليه عشان تبرد حرقة قلبي ولا انا بتصرف
المهم تنكلم شوي قالي تروحين بغضبي وسخط من الله عليك بدون سبب لا سبيته ولا سويت له شى
اقسم بالله اول ماوصلت نزل علي دم الله يكرمكم من المطار للمستشفى وحتى مو وقت الدورة الدكتور قال انهيار عصبي وطلعلي حبوب وربي من امس المغرب وانا نايمة لحد اليوم الظهر ...
انا ارجو من الماضي الدفين تساعدني وتساعدوني كلكم كيف انساه كيف يطيح حبه من قلبي خلاص تعبت ابي اعيش معه عادية سواء اهتم بي ولا ماهتم ابي احب نفسي احلفكم بالله بدون جروح واي احد بيقولي كلمة تجرحني برد عليه باكثر منها لان نفسيتي ماتتحمل ابي اخذ النصايح وبسكر الموضوع انا حاسة ان القبر ينتظرني
قلبي صار بئرة دم الحزن بعيوني ايش سويت لهذا الرجل الي قاعد يقسى علي ويحسبني كاني بضاعة عنده يبيعها ويشتريها باي وقت وانا حلفت له انه لو قالي هالمرة مايبغاني ياني جاية من صلب ابوي بالحرام اذا جلست بذمته دقيقة وحدة
خلاص كرامتي انهانت معه كل شوي يحرمني ويطلقني وربي مايرضى لي مااسويه بنفسي من ذل ربي اعزني وانا قاعدة اذل نفسي بنفسي لاجل الحب الله يلعن الحب ويلعن اي شى يجيب لي الذل
امس قلت له ترى نزل علي دم
اليوم يقول كيفك اليوم
قلت الحمد الله طيبة
وسكت وكاني مو زوجته وكاني مدري وش مسوية له عشان يقسى علي كل هالقسوة

__________________

حسب مافهمت انك حاليا في فرنسا

ياماما انتي هناك ولسه تفكري في هذا انسان

انا اروح هناك انسى العالم كله

اطلعي اتمشي سوي لك جدولل كل يوم بمكان
اقل شي كوب قهوة كل يوم

ادخلي دوره اللي تعلم فن الكيك وتنسيقه حقت الحلويات

ترى مررة راح تنبسطي تطلعي وانتي مسويه شي ومبسوطه فيه

انبسطي في كل شي في تفاصيل الاشياء
كلامي من واقع خبرتي البسيط وعقلي الصغير

انا متابعه لكي من زمان بس اشوف ردود الاخوات اقول خلاص مافي كلام بعد كلامهم
الله يوفقك ويسهل امورك

ترى ماراح يجيكي من الزعل الا المرض والتعب وفي الاخير هوا هناك مبسوط
وانتي جالسه في الزعل والهم

الحياه ما توقف على واحد او على شي
تقدري تتسلي في اشياء كثير عنه

__________________
يارب ...والباقي وحدك تعلمه

مرحبا فيك أختي

كيفك ان شاء الله بخير

والله ياأختي ولا أدري كيف أبدأ

أيضا لا أدري هل ردي سيفيدك أم لا ، لأني يبدو أني أرد في وقت متأخر

لكن هناك أشياء كثيره اتساءل عنها وانتظر فهم لها

1- حبك لزوجك هل تحسي ( باعماقك ) أنه حقيقي ؟ ، لأنه لا تنسين أنه بأول زواجك لم تحبيه ولم ترتاحي له ، فربما كان حبك ( الصارخ ) الذي تتكلمين عنه هو ربما اختيار للموجود ، لكنه ليس اختيار حر

لأنه لن تقبلي أن تنظر عيناك للخارج أو تبحثي عن حب خارج بيتك لأنه هذا لا يصح

2- يبدو انك تحبين نفسك معه أكثر مما تحبيه هو ، جربي في لحظات هادئه ومريحه تحسبي رصيده الشعوري وماقدم لأحساسك المحترق ، هل تجدي شيئا يرضيك

3- يبدو لي أنه من المشاكل الكبيره التي تعانين منها هو فهمك لنفسك وترجمتك لأحاسيسك ، فكم مره تتحدثي عن مشكلها وبعد أن انتهيتي منها تجدين أن مشكلتك أساسا لم تنحل

4- أنتي الآن بين نارين - نار انك تتطلقين ثم تتورطي بحاجة الحب الذي لديك فتظني أن المشكله بسبب الطلاق ، وبين جلوسك معه وعدم راحتك -

انتي بالأساس تحتاجين من يربط حبك للأخلاق والدين والحب بالله سبحانه ، كنتي تنتظري من زوجك أن يقوم بهذا الدور لكنه لا يستطيع القيام بذلك ، فالان جذوة هذا الحب الذي تتكلمي تطفأ تدريجيا ، ويوما من الأيام سيظهر لك كما هو ( بحقيقته ) وحينها ستفتظعين بشكل كبير

( ربما لا تصدقي هذا الكلام الآن ، لكنك سترينه بأم عينيك مستقبلا )


5- تحتاجين أن تفهمي نفسك وتفهمي دوافعك وتصرفاتك تجاه الأشياء ، وأيضا تفهمي لماذا تحبي هذا الشيء وتكرهي هذا الشيء

من المواقع الذي استفدت منها في هذا الخصوص

مكتبة المثاليه - ابحثي عنها في قوقل -

وهذا رابطها بعد اذن الاداره الكريمه

.....

اقف معك بمعاناتك واتمنى أن تصلي لفهم وحل لمشكلتك وكل مشاكلك يارب

ومتابع لما ستقولينه

أيضا هنا في العيادة يمكنك أن تكتبي مشكلتك وبإذن الله ستجدي حلا يرضيك

فعرض المشكله في أكثر من جهه سيفيدك ، لأني جربت هذا الموقع سابقا واستفدت منه الكثير

وهذا الرابط بعد اذن الاداره ( يمكن تركه فتره للأخت ولمن يحتاج ثم ازالته )
.......

تسلمين ياقلبي دخلت المنتدى وسجلت بس للحين ماتفعل حسابي
الله يجزاك الجنة
اتمنى تساعديني اكثر

__________________

احداث امس
قلت له ترى عيب عليك تقولي تروحين بغضبي وسخط من الله عليك
قالي اقولك شى ترى ثقتي فيك تزعزت من رفعتي صوتك
قلت له من اي ناحية يعني؟
قال من جميع النواحي
قلت كيف يعني تتوقع اني ممكن اخونك؟
قال ماعرف!!!!!!
رحت قلت لامي والظاهر انها دقت عليه قالت له عيب عليك وانا بنتي يضرب فيها المثل بالشرف واثق فيها ثقة عميا
قالت له لو ماتبي البنت لا داعي تعذبها ...قال ابغاها بس ابي اربيها
ياجماعة هل يعقل كلامه ذا اسالكم بالله تقلون لي الصح معقولة يقول ثقتي فيك تزعزت لاجل رفع الصوت على واحد حاول يهيني ...وحدة من صديقاتي تعرضت لمغازل بالسوق وقلبت الدنيا عليه لين جات الهيئة وجا زوجها وافتخر فيها
يعني لو جلست اتميلح مع راعي الجوازات وابتسمت له كان تكلم معي بذوق انا بطبعي جافة مع الرجال الاجانب عني
وهذاني اسافر اروبا وعندي حرية يعني لو براسي شى اجلس مع هالرجل الي كل شوي يهين كرامتي والحين وصلنا لعدم الثقة ..لله اشكو بثي وحزني بهذا الرجل ماصار يتوقف عن جرحي ابدا
انا انتظر الرد من الاخت الماضي الدفين وبعدها راح اعيش حياتي بطولها وعرضها واذا هو مايثق فيني ان شاء الله بكون عند حسن اي ضن يضنه فيني

__________________

نسيت اقول شى
قال حتى لو كان راعي الجوازات طلب منك الرقم لا ترفعي صوتك تعالي وقوليلي

__________________

الله يهديك يااخت صابره...

انتي من النوع الي يسوي من الحبه قبه...على كل شي...
الحين يوم حق الجوازات سالك وش عندك في باريس..ترى كل الي يختمون جوازات في المطار يتكلمون مع المسافرين..ويسالونهم هذا السؤال؟؟؟انتي ليش زعلانه..وماكله في نفسك عشان شي يصير مع كل الناس...شوفي الحين كم يوم لك ومانسيتي الموضوع...والله انا متابع لكي من بداية موضوعك هذا..وسجلت في المنتدى عشانك..مع اني مااحب اسجل في اكثر من منتديين..
في بداية موضوعك كان عن الرسايل وكم يوم وانتي والاعضاء في مشكلة الرسايل حتى انتهت المشكله من تلقاء نفسها
والان موضوع موظف الجوازات..
واقولها لك بدون زعل يااخت صابره ترى انتي غلطانه يوم رفعتي صوتك ...ليش رفعتي صوتك؟؟اذا ماعجبك اسلوب الموظف خلاص مو لازم تردين عليه خصوصا انه كل واحد بيمر عنده بينسأل نفس السؤال الي وجهه لك
مع اني ابصم بالعشره انه نيته سليمه والدليل انه فيه وراك ناس مولوحدك عشان يكون قاصد شي سيء
والحين.
ردة فعل زوجك طبيعيه واي رجل مكانه حتى انا راح اتصرف مثل زوجك...في فرق بين مغازل السوق..وموظف جوازات المطار..من جميع النواحي..(مره كا مسافرين انا وزوجتي ..وجينا عند موظف الجوازات طبعا في جواز زوجتي صورة بنتي الي مااخذناها معنا تركناها عند جدتها..قام الموظف سالنا مسافرين شغل ولا سياحه قلت انا شغل ولما شلف صورة بنتي في جواز زوجتي قام قال لزوجتي ماشاء الله ورايحه تتمشي وتاركه البنت محبوسه في البيت..ضحكنا انا وزوجتي وانتهى النقاش مع انتهاء ختم الجوازات...
واذكر..في احد ردودك ذكرتي انه في يوم سفركم انتي وزوجك...بالسياره ياكل فصفص وساكت..انتي عارفه ليش ساكت ..لو تتذكرين ايش سويتي قبل ماتسافرون في نفس اليوم والي خلاه يصرخ في الجوال يقلك انزلي... لانك ازعجتيه بااتصالاتك المتكرره ورسايلك عليه عشان تستعجليه..يااختي ترى الرجال مايعجبه هالحركات...ويضل ساكت ومنزعج..صابره انتي مو منتبهه لتصرفاتك الي هي سبب ردات فعل زوجك..وتقلل من قيمتك قدامه..زوجك عامليه كزوج ولاتعامليه كانه عشيقك..
اخت صابره الله يرضا عليك انسي الي صارفي المطار..تكفين..خلي روحك رياضيه..ولاتسوي من الحبه قبه
والله ان زوجك مايقول كلمه تجرحك من فراغ انتي تصرفاتك تثير الغضب...المشكله اغلب الردود هنا من نساء وكلهم مو منتبهين لتصرفاتك الي تثير غضب زوجك.فقط مركزين على اسلوبه وتعامله
انتي احرجتي زوجك في المطار برفع صوتك وطلبك منه اخذ حقك من الموظف...ولازال ماسك اعصابه..زوجك المفروض تقتعين فيه كذا..طبعه كذا ..خصوصا انه معدد يعني لاتنتظرين منه شي..والله لو ولعتي اصابعك شموع له..مايغير فيه مقدار ذره..
واخيرا..انصحك لاتدققين...لاتدققين...في كل كبيره وصغيره..تراك اتعبتي نفسك..لا تمسكين المشكله وتجلسين فيها ايام تفكرين فيها..بصراحه انا انزعجت اجل كيف زوجك..
هداك الله واعانك على نفسك