مالك إلا الصبر في رايي لماذا لا تحاول التحدث معها شخصيا وتوضيح الأمور وجها لوجه

والدها رفض نهائيا اني اجلس معها وغيروا شريحتها برقم ثاني علشان ما اتواصل معها وقدرت عن طريق وحدة من الاقارب اني اجيب رقمها وكلمتها وقالت انت اللي بعتني انت اللي هانت عليك العشرة ما جيت تكلم ابوي الا بعد شهروانت اخذت الشغالة (هم اللي ارسلوها لأهلي)وانت دخلت بياناتي في موقع وزارة الخدمة غلط علشان ما اتوظف وحلفت لها انت البيانات صح اصلا دخلناها مع بعض وانت ما تحترم اهلي وابوك ما احترم ابوي وتلفظ عليه وهو ما قال شي قال له لما اتصل يطلب صك الطلاق انت انسان ما تستحي الناس تبني بيوت وانت تهدمها ليش يا خي حريص على الطلاق ولدي ما راح يكون ضحية يخسر كل شئ اذا تبي طلاقها خلها تتنا زل عن الاولاد(والله نيته يخليها تتراجع) والا انا مو ناوي احرمها عيالها المهم كبروا السالفة اتصل والدها مرة ثانية والوالد طنش والمفروض ان ابوها يتفاهم معي ماله علاقة بابوي وبعدها راحت المحكمة تطالب بالأولاد والطلاق يعني هذي انسانة متهورة واهلها مثلها والنتيجة حتتطلق وانا مصيري آخذ الاولاد البنت عمرها 6 يعني بعد سنة حآخذها ولما قلت لها هذا الكلام في التلفون انلخمت وما عرفت تقول شي قالت اذا ما تبغى فضايح جب الورقة وبلاش محاكم وانا ما امامي الا اطلق بشكل ودي او انتظر المحكمة والوالد قال لي اذا ما تبغى يردون المهر طلقها وبلا وجع راس0

لاحول ولاقوة الابالله

سالفتها غريبة تكلم خالها ليه من وراك ومن ايش تشتكي ؟


أول ماقرأت موضوعك قلت مقلوب راسها ولايمكن نفسيتها بعد الولادة تعبت ( اكتئاب مابعد الولادة )


لاكن شريحة ومن وراك وهي معاها جوالها !! و ابوها ياهو مكذوب عليه ولايمكن أنت مزعل زوجتك بشئ ماذكرته في الموضوع

آخر مشكلة لما كنا في السيارة رايحين السوق وتناقشنا بحدة وقالت تراك طفشتني بأروح بيت اهلي وهذي عاشر مرة تقولها خلال اسبوع فقلت لها يا شيخة روحي بيت أهلك وبدالك فرفورة صغيرة تسكن في البيت الجديد وورقتك توصلك (كذااااب بس ابغى اخوفها) فقالت طيب والله لاروح بيت ابوي ولا عاد تشوفني وهذا الكلام هو اللي زعلها وزعل اهلها وحتى اهلي عتبوا علي اني قلت هذا الكلام لكن والله قلته في لحظة غضب وهي طفشتني بموال ودني بيت اهلي ولا اني احبها ولا ابغى غيرها لكن الشيطان اعوذ بالله منه خلاني اعصب ومع ذلك هذا الكلام ما يسبب الطلاق وضياع اطفال صح يا عالم ولا انا غلطان؟؟

ليش يااخي الكلام هذا؟؟؟
كلش الا الكلمة ذي(اخذه موقف منها)
يااخي كذا تفهمك خطاء...حتى لو معاملتك زينة معها...الكلمة هذي تجرح الحرمة...
يعني لو قالت لك زوجتك..طلقني ابي اتزوج واحد يسعدني (مو تشك بنفسك وش فيك انت نقص)
نفس الشئ تفهمها هي كذا....
الله يهديك...



جلست اقرا ردودك..يااخي اذا انت انسان تخاف الله فيها ومراعيها في كل شئ...
هي الخسرانة...(تجرب غيرك وتذكرك)...

لااله الا الله


الله يعينك هي صغيرة سن واهلها المفروض يعقلونها نصيحتي لاتطلقها الطلاق مو غصب اذا تبيها تمسك فيها وأنت ساكت لاتشتكي لا لأهلك ولا لأبوك طنشها وطنش ابوها وماعليك من أحد

فترة لين تهدون وتشوف المشكلة ان الاهل دخلوا بينكم وكبروا السالفة

الله يكون فعونك .....

لا عاد تكلمهااااااا ......

.... بالنسبه لكلامهاانها اذا طلبت منك الطلاق لا تطلق ...

والله منتهى الوقاحه ..
يعني تطلب منك ما تصدقها وانها ما تبي ...
وهي قدام اهلها واللي حواليها تطلب الطلاق وتسوي انها ما تبغاك ...... وانت اللي تجري وراها .... والله عيييييب ... وواضح جدا انها انسانه ماديه ...
وبنتك قول لها اذا سالتك ماما عن الفيلا واش جبنا تقول بابا يقول مالك شغل في الفيلا ....خليها تحس انها مفارقه ..والله غير تراجع نفسها وان ما حصل فدبور وزن على خراب عشه ... وبالنسبه لبنتك راح تراجع نفسها بعد ما قلتلها انك راح تاخذها ....

خليك على موعد المحكمه .. ولا ترضى بالصلح على طول .. واعتب عليها ولا تفهي اذا قالت بارجع ......وحط شروووطك ...
بالنسبه للشغاله كان في وقتها قلت لها خذيها واعطيها راتبها .. اما تشتغل لاهلك وانا اعطيها الراتب لااااااااااااااااااااااااااااااااااااااااااااااااا .. وقف قدام استغلالهم هذي فرصة للتغيير ... لا تسمح باي تجازات او تدخلانت فيما لو كان هناك مشاورات ومحاولة رجوع .. وانت دورك انتهى ... لا تطلب الصلح وان كنت تريده لكن انا اتوقع انه راح تجي منهم .... انت ما قصرت وسويت اللي عليك .

ما زلت متابعاً لموضوعك من بعيد.
ما هو آخر قرار وصلتَ له؟

الأخ البليغ اعتر عن تأخري في الرد فأنا من يوم الاربعاء من مطار الى مطار وتأخير رحلات وحوسة 00 المهم انا سافرت ووصلت الاطفال لأمهم مع مصروف وتركت رسالة مع المصروف حاولت ان يكون فيها توضيحات لها وعتب وان ما يحدث ليس في مصلحة الاطفال وجلست مع الوالد ومع اخواني جلسات مطولة ارتأينا فيها ان ننتظر تجديد دعواهم للطلاق فإن حدث هذا فاني سأتوجه للمحكمة لتطليقها وان لم يحدث سأنتظر حتى يحدث الله امراً0

شكرا لمشاركتك بالرأي وبصراحة بدأت اقتنع ان لا عشرة بعد المحاكم وكيف سيكون الوضع وانا اواجه زوجتي وابوها في المحاكم وهل من عشرة ومحبة بعد ذلك ونحن ننشر غسيلنا على الملأ فمن باب اني احشمهم واحشم نفسي من باب اولى قد اعيد النظر في مواجهتهم بالمحكمة0