شفتي وش قال !!!
قال تقلب السواليف نكد وهم
السواليف الي تكون نقاشات اكييد بتكون هم ونكد
لاتتناقشون اضحكو سولفوا انبسطوا نكتوا
اهتمي في زوجك واتركي النقاشات اوالحورات الممله
اانتم ببيت عش زوجي كل واحد يكمل الثاني
لما يعصب لاتعصبي ولا تروحي
روحي جنبه وحطي راسك ع صدرة وقولي حبيبي لاتزعل ولا ازعل انا
نبغى نعيش وننبسط وكملي الباقي
خليك ذكية ذكاء انثوي في تعاملك مع زوجك سواء في زعله او فرحه اكسبيه
ترى هالوضع مو مستمر فقط بداية الزواج والاغلب اول سنه وقد تمتد الى الخمس سنوات الاولى
بس الخيانة ولجوئه للبنات انتبهي يتطور الوضع لو تطور بتتعبين والمشكله قد تتعمق وتعجزين عن حلها
العمره واحد

موضوع الشكاوي وانه كل شوي يشكي برضه صار معي
بس الخيانه ماتوقفت تحسن اسلوبه شوي
و انا كنت اعامله بكل حب و احترام وموده
بس خربت بالاخير
ووصلنا لطريق مسدود
اتمنى ماتوصلين له

وهو بنفسه قال لي ليش كنتي تراقبيني وماقدتي لي!؟
انصحك تقولين له وتواجهينه وانه هذا سبب لزعلك وعدم اهتمامك
لانه واضح متضرر من اهمالك له و زعلك
ف يكون خلاص تعاقب على خيانته وعرف انه لها مضار


ووانتي شوفي و قرري ايش بتسوين
مانقدر نجبرك على شي

زوجي مصر ع الانفصال
رجع كلم امي وقالها كلمتي بنتك قالت اي هي بعد متحملتك بس ياولدي حلو المشاكل بينكم
قالها لا ياخاله حنا مانتفاهم
قالت له ترى الموضوع مو بالغصب اذا ماقدرتو خلاص كل واحد يروح ف حاله

مستغربة اصراره ع الانفصال ف وقت انا صرت معاه لينه
اتوقع بعد ماكلم اهله اعطوه الضوء الاخضر
او ان البنت الي يكلمها معشمته بشي

محتارة ووش اسوي حاسه بقهرر مو طبيعي اصعب شي ان تتخلى عنك الاشياء لان ماكان عندك شجاعة التخلي عنها
ابوي بيجي يقعد معانا اثنينا هل اطلع موضوع الخيانه قدام الكل

ارجوكم شورو علي
ياليت يا ادارة ماجمعتو المواضيع انا ابي حلول ف مشكلتي الاخيرة مو ف البدايه

ربي اجرني ف مصيبتي واخلفني خيرا منها

اممم ،، اخاف تطلعين موضوع الخيانة وتنقلب الطاولة عليك! دام والدك صاير قليل بجانب الرجل ..، لكن ليش ما تدخلون جميع الاطراف؟ يعني اهلك واهله؟ بعدها ان طرح شي يخصك وحط الملام عليك هني انتي تسائلي هل كل هذا يبرر له يكلم بنات؟ ... مع اني افضل يكون كشفك له بينكم انتوا الاثنين فقط لحتى ما يحس انك نزلتي من مقامه وشخصيته ،،، حاولي تحصلين عى تلفونه وتصوري تصوير واضح للمحادثات عشان اذا واجهتيه ما يلف ويدور ! وأرد اقولك افضل يكون هالشي بينكم .. بعد جلسة والدك معاكم والنتيجة اللي بتطلعون فيها بناءا عليه تقررين مصارحته من عدمها وتكوني جمعتي افكارك ..
حاليا اخذي لك ورقة واكتبي كل النقاط اللي هو قالها ومعترض فيها عليك واكتبي جنبها حجتك وتبريرك لحتى تكوني منظمة افكارك وما يستفزك ! ...
موضوع الانفصال بعد طنشيييييه هو حاليا شافك مو متحركة ولا متكلمة بالسالفة ولا متخذة قرار فمن جي راح يدور شخص ثاني يقوم بالمهمه بدلك! .. والدته ووالده اعتقد قالوا له مثل كلام والدتك حلوا مشاكلكم واذا ماتفعون مع بعض كل واحد يروح بحاله وبناءا عليه هو قام بهالخطوات ... فانتي واصلي التطنيش لما تجي الكلمة على لسانه هوو انا ابغي اطلق او انفصل وماعليك من استفزازه مشي حياااتك عل احلى ما يكوون ولا تقهري نفسك خليه يكشف نفسه بنفسه وانتي تعاملي ببرود ...

الله يهديه ان شاء الله ،،،، واما البنت فحسيبها ربها ورب العالمين عالم وعارف بكل اللي يسوونه ...

الله يفرج همك يا رب

ام مريمي الله يسعدك ع تفاعلك معي ماتتدري كلماتك قد ايش تاثر فيني
نور الهدى الله يسمع منك يارب

ابوي جلس معاي بس وكانت جلسة عتاب اني انا المفترض اتحمل ووو
قال هو غلطان اوكي بس انتي المفروض ماتغلطي صلحي من نفسك هو يتصلح
صراحة ابوي كان قاسي جدا معي والي فهمته انه يبيني اقعد واتحمله لين مايتعدل ولا بيحملني الغلط كله
زادني قهر الله يهديه
طبعا زوجي ماكان موجود كنا بس انا وابوي
بابا قال مابكلمه لين هو يكلمني وانتي تظلين هنا لين ينطق كلمة الطلاق لا وتكملين العده بعد
ياقسوتك يابوي
بصراحة حاسه ان الذنب كله تحط علي
زوجي يوم رجع كلم امي قالها خلاص حنا مو متفاهمين ولازم ننفصل
امي عصبت قالت له ترا الزواج مو غصب وبنتنا ماتثقل علينا
قال يصير خير

والله مو عارفه وش اسوي امي تقولي كلمي امه واشكيه عندها لان هو قاعد يشوه سمعتك عند الكل ويحملك الغلط
وانا للحين ماسويت شي اقل شي اقول ان سبب تغيري هي خيانته
والله احس لساني مربط ومو عارفه اتصرف

هل اكلم امه واحكي لها مع ان علاقتي بامه رسميه والام دايم توقف مع ولدها
الله يفرجها علي
احس اني ادخل هنا افضفض وماني عارفه وش اسوي
دعواتكم

اختي الموضوع اصبح مايحتمل خيارات
انصحك تكلمينه هو بالموضوع الااان كلمية وفهميه انك شاريته وتبغينه
وان الجميع اخطاء انتي وهو
عشان قداام ابوك انتي سويتي الي عليك
اذا كلمتيه وماستفدتي لاتنتظرين اكثر
كلمي امه على طول وخبريها بكل شي بخاطرك بس باحترام لها اكسبيها بقووة
ناديه يااامي انا اعتبرك في مقام والدتي وادخلي لها من قلبها
شوفي هالخطوتين لازم تسوينها الليله
1 : تكلمينه حسب ماخبرتك واذا مانفع نجي للخطوة الثانيه
2: تكلمين امه وتخبرينه بكل شي حتى خيانته
غبينة لو تطلقتي وانتي ساكته على امر مر ويقهر

حبيبتي الله يكون بعونك بصراحه ماراح اعطيك الا نصيحه وحده فقطططططط

انسي فيها زوجك وحياتك واهلك وكل شي وتوجههي لحاجه وحده راح تنشلك من هدا الجحيم بادن الله كله

حاولي تقرأي سورة البقره كاااااااااااااامله كل يوم صدقيني كل هالدمار والحاله راح بحول الله وقوته تنتهي قبل لاتتهي حياتك بسبب المشاكل بالطلاق لاسمح الله او بظلم زوجك لك وانتي عروسه


امااانه حاولي تقريها وتسيبي كل تفكيرك ع جنب
انصحك وانصح نفسي وكل شخص يقرا كلامي صدقيني المجتمع صار كله مشاكل انا اكلمك وانا بهم مايعلمه الا رب العباد لكن قررت اقراها لما فيها من الخير والبركه في الدنيا والاخره سبحان الله اقري فضلها وقصص عجيبه زواج طلاق سحر هم مرض ديون مشاكل زوجيه مشاكل الانجاب كلها ان شالله راح تنحل مع هده السوره العجيبه

كل الاعضاء ماقصروا اعطوك نصايح من دهب وحياتك نفس الشي مع زوجك ماتقدمتي خطوه بالعكس كمان صار يخونك حاولتي ماقصرتي بكل الطرق لحد الان ماتغير شي غير الهم اللي صابك والتفكير

ادن مالك بعد الله الا انك تداومي على سورة البقره والله يبشر كل من قراها وداوم عليها بالخير والتوفيق

تحياتتتي لك ياقمر وقلبي معاك الله يفرج همنا وهمك ...امين

الله يصلح حالك ، وحالي يارب

استخيري بكل خطوة و راح تلاقي سبحان الله من عند ربي كل شي مشي مثل ما تريدي