اتوقع مرض ابوهم ووفاته منعهم من فتح الموضوع معها الى الحين
اما اخوها اللي ركب معي مايدري عن السالفه خير شر على كلامه
حتى لما حاول انه يقلب الموضوع علي وريته رسم بياني عن المكالمات وكان الرقم المشبوه هو اعلى رقم ورقم عيالها مايجي ربع اتصالاتها بالرقم المشبوه ف قلت انا فيني النون ومايعلمون طيب عيالها وش اللي سووه بعد عشان ماتهتم فيهم مثل اهتمامها بهالرقم انسانه عيالها بعيدين عنها المفروض هم اكثر ناس تتصل عليهم وتطمن عليهم هذي الام
تصدق ابوحكيم ان اليوم وصلنا المدينه مااتصلت تشوف وصلوا عيالها بالسلامه والا لا الاذالولد هو اللي اتصل عليها وقالها وصلنا معقول فيه ام كذا

انت فكرتني باخوي و زوجته
سبحان الله نفس الأحداث تقريبا حصلت باخوي و زوجته

هو كريم و طيب و مو مقصر معاها ولا مع الاولاد
و هي كويسة و مصلية و تصوم و عباداتها أفضل مني و من اخوي

لكن مشكلتها ..
انه صابها و دخل بها الغرور بنفسها بفترة من الفترات
لانها صارت تقارن بين زوجها و بين ازواج صحباتها و أزواج اخواتها و قريباتها
و مو عشانه اخوي و أدافع عنه

لكن هي بنفسها اكتشفت بعدين انها غلطانة و ندمت و تابت و تعلمت
كانت على عيونها غشاوة ..

و كانت تشوف انها تستأهل و تستحق الافضل
( السبب انه زوجها دلعها و امي الله يرحمها كمان دللتها ،، فاغترت و صدقت حالها )

المهم ..
جات احداث و فترة كذا بينها و بين زوجها و رمت الاولاد بدون اي أسباب و لا تسال عنهم
و جالسة مع اَهلها و طلبت الطلاق و اصرت عليه و تسافر و تروح و تجي مع اَهلها بدون علم اخوي

اخوي صحيح طييييب .. لكن إنسان ( إتق شر الحليم اذا غضب )
سمع انها بمدينة تانية و مسافرة تتتمشى و هو اخر من يعلم و هي في ذمته مازالت
راح خلاص بيطلقها .. لانه صبر شهرين اقل شي على الوضع هذا
و مشي بالإجراءات و قال لأخواتي يدوروا له خلاص على عروسة و مواصفات كذا كذا

بعد فترة هي صحيت على نفسها
و يجي ابوها و عمها و اخوها و يكلموا اخوي .. لكن اخوي خلاص تبدل حبه سبحان الله لها
و رضي يرجعها عشان الأطفال .. و هي صارت تهتم في بيتها افضل من قبل
لكن أتفاجأ انه اخوي خلاص .. ما صار مثل قبل معاها

هي الي حاليا تحرص على بيتها و أولادها و زوجها
و عرفت قيمتهم

لكن هو ما صار مثل قبل معاها
و كلمني مرة انه مو مرتاح و يبغى ادور له
لكن حاولت انصحه

الزبدة /
انه زوجتك على عينها غشاوة
لكن راح تصحى ( بعد فوات الاوان )

هي ندمت و لما رجعت لاخوي
قالت لي .. اكتشفت انه الوحدة مالها غير زوجها و بيتها و اولادها
و عرفت قيمة بيتي و حياتي و راح احافظ عليهم

لكن اخوي خلاص انكسر بداخله شي

زوجته تهتم و تحب المظاهر
من ضمن انتقاداتها سابقا على اخوي

انه تقول أبغاه ( مثل شباب كووووول .. و فلة )
و كانت تقول ليش ما يخرج و يسهر و ما عنده شلة شباب !؟

اخوي ماشاءالله راتبه كبير و عنده بيت تمليك
و هو يذاكر لأولاده و هو الي كان يذاكر لزوجته و لحد ما تخرجت من الجامعة
و هو الي سجلها جامعة و أكلهم من السوق دايما

و جايب شغالة و ما يرضى ياخد من زوجته و لا أخواته ريال واحد
و باله طويل

لكن إنسان مكافح
يشتغل 12 ساعة و يرجع البيت يهتم في الاولاد

هي تبغى تسافر و تبغى تخرج مع صحباتها كل يوم
اخوي دحين يقول ابغى وحدة تانية و هو دحين الي نفسه بردت تجاهها
يقول انها طول الوقت صحباتها و خرجات

اخوي كتوم جدا
لكن مرة جلس معايا و قالي عن أمور مضايقته

يعني انعكس الحال و هي جابته على نفسها
كان زمان اخوي مررررررة ما يحب يزعلها و يدللها

لكن دحين عادي صار
و حتى يقول عن نفسه انه كان غبي و ما كان فاهمها

عموما نحن ما تدخلنا في حياته
حتى لو بيدور غيرها .. ما تدخلنا و احاول اني ابين له سلبيات لو اخد وحدة و اطفاله و اثره عليهم
لانه اخوي جدا مهتم في أولاده و هما عنده رقم 1

مثل ماتوقعت بيقلبون عليك وهذا اللي حصل
لاتستغرب اذا بكره اتصلو فيك المحكمه لاثبات ذلك
لكن وضعك سليم ولكل حادث حديث

ما اظن انه اخوانها ضدك
لكن مالهم وجه يقابلوك و ما راح يبينوا لك اي شي

و تكفي ردة فعل أخوهم معاك و احترامه لك

ايش كنت متوقع منهم يقولونه ؟

فترة حزن وعزاء وفقدهم عظيم هذا ابوهم وسندهم في الحياة حتى لو كانوا كبار ..

انشغل بنفسك واولادك واسعد نفسك واولادك
ولا تفكر فيهم ابدا
اذا تراءت هي على بالك استغفر وغير مكانك وقم وصل لك ركعتين ..
لعل الله يقذف في قلبك الاطمئنان ..وراحة البال والحكمة والرشاد
انت لست مسئول عن مشاعرها ورغباتها
اانت مسئول عن مشاعرك انت واولادك الصغار

هما زينة الحياة الدنيا لك
هما المكسب من زواج
اعتبر هذا الزواج تجارة وخسرت فيها وكسبت ابنائك

مشاركتهم لحياتك نعيم ونعمة من الله

والوحيد ........ لست وحدك
غيرك كثير يربي اولاده لوحده
وانت ماشاء الله محاط باولادك واخوانك واعضاء المنتدى
وفوقنا الله
يحرسك وينعم عليك ويدبر امرك ويرزقك من غير حول ولا قوة ..

اتمنى لك التوفيق من الله

اخوي الوحيد ....

شيل طليقتك من راسك والله انها في حاله يرثى لها
(أب متوفي ، أخوان يعتبروها اخر همهم ، زوج باعها ، شيطان أغواها ، أولاد ضاعو منها ، وظيفه بعيده عن اهلها)...

صدقني انك افضل منها بكثير لاتقول ليش مااتصلت تتطمن ع اولادها ...
يمكن وصتهم يدقو عليها اذا وصلو ...

اخوي افكارك لسى موشوشه وتفكيرك ماخلص منها ومن حقك صعب تنسى في يوم وليله لكن ارجووووووًوك أخوي أحسن الظن خاصه في العلاقه بين الام وابنائها ....

انت دورك تسعد اولادك وبس وتوصيهم عليها ...

اتمنى كلامي ماضايقك....

نسيت اقول لك حياك الله عندنا في مدينة رسول الله ...✋

اكيد حسيت براحه نفسيه وانت فيها...

كل الي يجو عندنا يحسو بالشعور هذا ...

اخوي بجد شيلها من بالك ومو اي احد يجيك يسألك اش فيكم تزت الفواتير بوجهه وتقوله ومره مو حلوه حركتك بعزا وسألك اخوها كان قلتله اسأل اخوانك الكبار او مو وقته الحين النقاش حتى لو اصر عليك..

__________________
الحمدلله

موقفك مع اخوها ماله اي داعي
ابوه متوفي وانت تعلمه باخته
زوجتك انسانه الخيانه ماهو طبعها
واغلطت مثل العالم
ولاندري للحين وش علاقتها بالرجل تحديدا