كلام سليم 100٪
وحاولت اعمل الكلام الي ذكرتيه لكن هالشي يتطلب نوع من التنسيق بينا علشان اعرف متى الاجتماع أولياء الأمور او ممكن طلب استدعاء الوالدين او واحد فيهم لكن للأسف ما يوصلني شي من هالكلام كله. مره الولد كلمني كان تعبان بالمدرسه مريته وخذيته الدكتور ولما عرفت عصبت وقالت للولد اذا في شي كلمني انا وقبل كم يوم الولد كان تعبان وظل 4 ايام يقولها انه تعبان واهي امطنشه صحيح يمكن تعبانه وما تقدر اتوديه. لو كان في تنسيق كان انا وديته لكن عرفت انه تعبان اثناء زيارتهم لي وعل طول خذيته الطبيب وطلع في التهاب بالركبه . تخيلي يا اختي لما عرفت اني بوديه الطبيب قالت للولد " انت دلوع ما فييك شي ". حاربت بالبدايه علشان الاولاد و حرمتني منهم بعدها رفضت التنسيق علشانهم خلاص اتحمل المسؤوليه ولا اتهرب. و للعلم العيال اب مدرسه خاصه

اخوي اخذ كلامي او اتركه
انا ما يزعلني الا الاطفال
وكنت معلمه واعرف ان اهمال الطفل بتعليمه من الصغر
يؤثر عليه اذا كبر ويكون بذمتكم طول العمر
انت ما همك الا وش قصدها وهل تستفزني
وهي الله يهديها
خذ موقف مو يعني تضربها اعوذ بالله وين قاعدين
بلغ اهلها اخوها ابوها انك ما ترضى مستوى طفلك ينزل
وبلغها اذا استمر الامر بتروح المحاكم
اذا ما تبي تدرسه تزيد عدد ساعات الزياره وتمسك الولد انت
او ارسل مدرس خصوصي مرتين بالاسبوع يساعد الولد وجيبه عندك وقدام عينك
لا تحسب هالامر هين
ما يقهر الطفل الا اذا حس انه ضايع بين ام واب ولا احد يمه
استخدم الحزم مع طليقتك واطرح بدائل لرفع مستوى الولد
وانسى سالفه تغكر فيني تستفزني
فعلا احسها نستك خلاص

ي اخي اترك عنك تستفزني وتصرفاتها وماشابه ،،

بكرى روح اطرق بابهم واجلس مع الرجال من اهلها ووريهم مستوى اطفالك والملاحظات وحط النقاط ع الحروف

وذكرهم انها حاضنه لهم بطلبها لازم تهتم فيهم ولا تسلمهم لك وترتب مواعيد زيارتهم مع الرجال من اهلها

وذكرهم انها مسوؤلة امام الله عن تقصيرها ،، م تقدر عندها الحل البديل ،،

في تعقيباتك ذكرت مشكلتيم مهمتين ،، صحة الاطفال +مستقبلهم العلمي

__________________




ربِ هب لي من لدنك ذرية طيبة أنك سميع الدعاء

اخ عبدالله في كل مره تكرر نفس السؤال

ايش تقصد بسؤالها شنو قال ابوكم عني ؟؟

انت تفتكر فضول واهتمام منها

مش يمكن خايفه انك تشيش الاولاد عنها او تنقل كلام غلط وهي تبي تعرف

مش لازم سؤالها اهتمام فيك ونظرتك فيها

بيضيع عمرك وانت بعدك ما حليت هالسؤال الصعب !!

__________________
وهل من مصير اخر ؟

هذا المشكله اخوي عبدالله
انعدام التنسيق فيما بينكم ... بالاظافه الى عدم مبالاة الأم
عشان كذا من رأي تأخذ المعلومات الي تهم أطفالك من مصادرها دون الاعتماد عليها في توصيل هال معلومات ..
مشكلة الدراسه هينه كل ما عليك .. انك تقوم بزياره للمدرسه وتأخذ منهم المواعيد المهمه
اما المشكلة الصحيه الي عاني منها ابنك
اذا كانت أيضاً لا تهتم بصحتهم وبشكل متكرر
يجب تنبيهها بشكل حازم .
وإذا حسيت بأنهم ممكن يتعرضون للخطر او ممكن إهمالها يزيد
ربما عليك ان تفكر بكسب الحضانه .

للأسف الطلاق تم عن طريق محاكم ومخافر ومصخره وحصلت مشادات كبيره بين معاي ومع اهلي من طرف ومعاها ومع اَهلها من طرف ثاني. قد يكونون ندمانين عل البهدله والمحاكم لكن الاكيد ان ما بينوا هالشي ف الوضع متوتر جدا معاهم وما اقدر اكلم احد. انا قلت لها انا مسامحك عل الي صار منك ومن اهلك بس أهي حتى ما اعتذرت ك نوع من المكابرة ولا حتى قدرت هالشي وللعلم احنا اقرباء.

ما في احد عاقل انتفاهم معاه. انا عن نفسي عارف ومتأكد اللي صار ان موضوع الولد اهو للفت الأنظار مو اكثر وتبيني اتصل علشان اتطمن اني للحين في دائرتها.

يا اختي الي باع ويكذب ويشهر ويرفض فكرة الرجوع ما يهمه شنو الطرف الثاني يقول عدل؟ ( هذا عل افتراض اني فعلا انقل كلام غلط او اشيش الاولاد عليها )
في السابق ومن اول يوم كنت أحث الاولاد يتصلون عليها واهما عندي وحتى انا مسافر مع العيال اطلع لهم خط علشان يتصلون وكنت اسال عنها عند الاولاد والخدم. كنت اتصل فيها اذا بتسافر مع اَهلها اذا كانت محتاجه شي فوق هذا طلب التنسيق معاها علشان الاولاد...هالاطباع الخسيسه مو من اطباعي واهي عارفه هالكلام زينه لانها عاشت معاي فتره طويله. بعد الانقطاع التام سؤالها " شنو بابا قال عني ؟ " صار يومي كل ما اكلم الولد بدل ما كان اسبوعي بعد كل زياره لي. حتى الخدم ينقلون كل شارده ووارده عندي بالبيت. عل أساس انها بايعه من اول يوم شله داعي هالاسئله بعد ما انا صديت.

لا العمر ما راح وانا ما راح ابحث عن اجابة هالسؤال. تحديثي لموضوعي اهو فضفضه عل مشكلة الولد المفاجأه وأنها بدت تستعمل الاولاد للضغط عليي او للفت الأنظار. في السابق كان رد فعلي مباشر واتصل فيها و هذا الي اهي تبيه. السالفه مو عناد بس طليقتي مضطربه ب اجماع الجميع حتى اَهلها واولادي ف الموضوع ما لازم يمشي اب طريقتها لانها راح اتوتر الجميع

كان الله بعونك
اشغلتك بدنياك ووقتك وتفكيرك وهي لاتستحق ذالك
والاهم حسناتك فكل كلمه تكتبها هنا عنها تاخذ حسنه منك او سيئه منها

اخي والله ان قلبي يتقطع عليك ارحم نفسك شوي
دنياك واجرك بيروح لها الم ياتي الوقت التي تحزم امرك فيه وتقفل ملفها من حياتك
فاانت رجل والرجال افعال الكلام والزايد وتحليلات للحريم

__________________
سبحان الله وبحمده

مع ريفان
محتاج تصحى اخ عبدالله
ولا تخدع تفسك بانها لا تهمك
وعيالك اولويه
سلبت مخك هالمراه

السلام عليكم ورحمة الله وبركاته,,,
لايحزنني في هذا الموضوع سوى الأطفال، غريب قلبها هذه الأم، ومع مرور الوقت نفسياتهم ستتأثر..
ولابد أن يكون التواصل بينكما مبني عالإحترام من أجل أطفالكم.
والغريب والداها ليس له كلمه.
أرجوكم أرجوكم رفقا بصغاركم كفى أنهم مشتتين..
أين الأمان؟!