أقسم بالله مرت علي ( سنوات ) وانا أعيش في فقر وحاجة وديوان ، بسبب بيت بنيته . وكان راتبي المتبقي منه أقل بكثير من 3000 ريال فلا أعرف احطه بالأكل أو بمصاريف الأهل والأولاد أو بفاتورة الكهرباء أو أو . والآن تبدل الحال 180 درجة والفضل لله وحده . بسبب الاستغفار .
الأرزاق كافلها الرزاق سبحانه . فلا تهتمي لمسألة الراتب ، صحيح يصير فيه نقص بس تمشي الأمور ، الهنود عندنا مع عوايلهم عايشين على 1000 ريال وأقل وماشية الأمور فيهم ثم أيضا نقص الراتب له حلول خاصة إن كان له بيت ملك ، إما بعمل إضافي منك أنت أو منه ، ولو ( كداد ) سيارة أجرة يعني فيه حلول . فلا تهتمي لمسألة الراتب .
( من وجهة نظري ) حكاية الراتب تخلي مصداقيته في الرجوع أكبر ، فالرجل ممكن حب يعدد ولا يقدر فجاءت في باله إرجاعك ، لأنه ممكن حسب حساب التكاليف وشاف ما يقدر يتزوج ثانية ففكر بإرجاعك . ومهما كان المبرر لو جاء انسي موضوع الفلوس وعدم قدرته على الزواج بغيرك بس توكلي على الله وهو يرزقكم وهو يتولى أمركم .

لكن أرى أختي الآن أن تطلبي أنت من أمك تكلم أبوك بخصوص موضوع رجوعه لك وأنه سبق وكلمك وأرسل لك بالواتس . وقولي لأمك تطلب من أبوك يلين بالكلام لأنك تبينه يرجع وخلي أبوك يطلب منه يجي ولا يصير إلا كل خير .
بكذا تعرفين صدقه من كذبه .