كيف قدرتي تاخذي وتعطي معها ؟؟؟!!!

إحتمال يغمى علي أو أموووت من القهر وبدعي عليهااااا

الله يحرق قلبها مثل ماحرقت قلبي حتى لو زوجي لعاااب ليش

تعطيه وجه وتكلم غيره حسبي الله على كل وحدة تغوي الرجال وتفتنهم

يا جماعة ، تقولولي ليت ما تواصلتي معاه ..
إيش تتوقعوا من وحدة جالسة بالبيت مع صدمتها ، لا أم و لا أب تلجأ لهم ؟
أخوان كل واحد بجهة ، و عم يتشمت ؟

و طفل محتاج لرعاية هو و أخوه ..

يعني حطوا حالكم مكاني معليه ..

أنا كان زوجي هو الوحيد اللي باقي لي ، و عشان لا أزعجه ..
جيت لكم قبل كم أسبوع ، عشان لا أنكد عليه .. لإنه الدنيا كانت مسودة بعيوني ..

برأيكم ، وقتها كيف راح أكون ؟؟؟

بجد ، ما صارت تنزل من عيوني أي دمعة باللحظة هذيك ..
بعد ما كلمتها ، و أنا كنت أبغى أي شي يكرهني فيه من خلالي كلامي معاها

ما همتني هي ، و لا همني هو ..
همني نفسي باللحظة هذيك ، إني أكرهههههه ..

.
.
تكملة لكلامي مع زوجي ..


قلت له :

يكفي السنوات اللي ضاعت و أنا مخدوعة ، دحين تقدر تلاقي مليون وحدة بالبرامج هذه ..
تقدر تقابلهم و تعزمهم و تنام معاهم ..

ما عاد فيه روح الطير / تسألك ليه تأخرت ؟ ليه ما تسأل عننا ؟
ليه ما تنام معانا ؟ كم يوم ما أشوفك غير ساعة ... اتعب و إلخ
روح الطير المغفلة انتهت من حياتك ، و قريب بإذن الله رقمي بيتغير

.
.

قال لي :

مو كل السنوات
دي الأسبوعين و بس ، الله لا يوريني أشكالهم

.
.

و الـ 400 كمان ،
من حقي أزعل فين فلوسك تروح ؟

.
.

قال :

أية 400

.
.

قلت له :

ما حجزت بنفس الفندق اللي هي فيه عشان تشوفها ؟
.
.

قال :

لا

.
.

قلت له :

و الليلة بـ 400 إيجار الفندق ؟
ليه تلعب علي ؟

.
.

قال :

متى نمت بفندق و سيبتك لوحدك ؟؟؟؟

( في هذه هو صادق ، صح كان يتأخر و يغيب .. بس ما عمره نام برة البيت )

.
.

قلت له :
ما نبهتك كم مرة و قمت زعلت و طلع كلامي صح ، و كنت بترسل لها صورك ؟
و في الأخير أنا ما فهمك ؟

دحين حتعيش مرتاح .. ووووووو إلخ

رد علي ، عزمتها بالمطعم ليش ؟
إيش عملت معاها ؟

.
.

قال لي :
و لا شي ما عملت

.
.

قلت له :
كيف قلبك سمح لك وووو إلخ

سألته مين اللي الأجنبية اللي معاك في الصورة ؟ و لا بسة قصير ؟
جاوبني ..

.
.

قال لي :
ماحد ، و لا أحد

.
.

سألته :
مين هي ؟

.
.

قال لي :
أية صورة ؟

.
.

قلت له : اللي ارسلته لهذيك و معاك وحدة أجنبية لابسة قصير و بيدك كاسة خمر
ارسلته له على برنامج التعارف ،،

.
.

قال لي :

لا صورة و لا كاسة

.
.

جلست أسأله ..

ليش تبغاها تجي البيت تقابلك ؟
ليش تحاول تنتحر لو تركتك ؟
ليش تسألها عن الشاليه ؟
ليش و ليش ... إلخ

أنا إيش كنت بالنسبة لك ؟
ليه تاركني على ذمتك إذا ما كنت مرتاح معاي ؟

جاوبني يالله ، مو خربانة خربانة ؟
عالأقل تعمل فيا حسنة ..

.
.

قال لي :

بس كله كلام ، و لا من ناحية الفعل
و لاشي

.
.

قلت له :

قد إيش بتصرف عشان تكلمها ؟

.
.

قال لي :
و لا اصرف شي ..

.
.

قلت له :

عشان كذا وصلتهم السوق و قابلتها في المطعم ..
كان كلام برضو ، و صورها اللي في جوالك ؟

.
.

قال لي :

لا مافي شي في جوالي

.
.

قلت له :

انت ساويت بيني و بين وحدة رخيصة مثلك ..

معليه عالكلمة ، بس هذا أنسب وصف ،،
لإني غالية

.
.

قال لي :
لا و الله ، ما ساويت

.
.


كملت كلامي و هو ساكت و ما يرد ،،

قلت له ..
اللي يستغنى عن الحلال بالحرام ، ربي يحرمه الحلال ..
ربي يحرمك الحلال طول حياتك ..
و تنكح زانية بإذن واحد أحد ..

انت دورت عن الحرام ، ربي يرزقك زوجة تذوقك اللي ذوقتني ..
و الله العظيم إني ما قصرت
بس الرجال لما يبغى يخون ، يدور عن أي سبب ..

و سااااااااااااااااااااااااكت ما يرد

************************************


بعد ساعتين ، البنت قدرت تلاقي الصورة اللي متصورها مع الأجنبية و بيده الكاسة ..


.
.

أرسلت له عالظهر تالت يوم العيد ..

ليش تزوجتني ؟
ليش كذا عملت فيا ؟
انت من زمان كذا
ليه تمثل قدامي إنك انسان شريف و نزيه ؟
ليييييييييييييييييه
جاوبني ؟
انت نفسك كنا نستمر بدون أطفال و لا مسئولية
عشان كذا تبحث عن علاقات و لاااا تقولي أول مرة ..
شفت صورتك اللي أرسلته لي

انت ما عمرك حبيتني ..

.
.

قال لي :

أية صورة ؟
لا وحدة لابسة قصير و لاشي

.
.

قلت له :

اللي في بريطانيا مع الشقرة ، مو كنت تنكر هناك و تقسم إنه ما عمرك خنتني هناك ؟
و فلان اللي كذاب و يتبلى عليك ؟

.
.

قال لي :
ديك الصورة متصورين من المعهد ..
إيوة و الله فلان كذاب ، ما عمري خنتنك

إلا قبل أسبوعين مع الحيوانة دي
قبل أسبوعين و بس


****************************************

صدقيني حزنت على زوجك يا روح .. أحس الندم بكلامه .. يعرف انه غلطان وما في كلام يقدر يقوله أو شي يقدر يعمله حتى يرجع الزمن ويمحي الغلط ..

عموما .. أنتظر تخلصي وبعدها أعلق .. والحمد لله انه حالتك النفسية أحسن من أول مرة نزلتي فيها الموضوع .. سبحان الله .. ربك ينزل الصبر مع الابتلاء

__________________

افتكرت وقت مريت بالصدمة هذه ، كلام الشيخ مشاري الخراز عن المصايب
في برنامجه ، أجمل نظرة في حياتك و اللي شفته برمضان و تابعت حلقاته لحد الحلقة السادسة ..

و الله كنت برمضان مرات اجلس مع زوجي و احكي له إيش بيتكلم الشيخ
و أشوفه يتهرب مني و ما يحط عينه بعيني

و احكي له كيف البنات يعصوا ربنا برمضان ؟
أشوفه ساكت و يتهرب ؟

عشان كذا ، كان قلبي يضييييييق .. أحس فيه شي ..
أحس بحاجز بيني و بينه ،،

.
.

و بعدين الغلط الأكبر عليه ، ليه أحاسب بنت الناس ؟؟؟

.
.

في بريطانيا مليانييين بنات و عرايا ..

ما كان يطالع ، و البنات في المعهد كانوا يقولولي ( جدا محترم )
و الله مو لإني زوجته .. و لا عشان تمثيل قدامي ..

هو نقل لمعهد تاني و نحن في بريطانيا ، و ما أعرف أي أحد بالمعهد ..

.
.

و الله العظيم إني تقابلت مرة أنا و زميلتي بالطريق بالصدفة في الخارج ،،
و كان معاها أخوها عمره 20 سنة ، سلم على زوجي و طلعوا يدرسوا مع بعض في نفس المعهد ..

صحبتي قالت لي :
أخوي مرررررة يمدح في زوجك و يقول ما شفت واحد من السعوديين مثله ..
مرة محترم و ما يطالع بالحريم ، و لا يلصق جنبهم ..

قالت لي ، حتى لما يروح يلعب البلياردو ..
أخوها يحكي لها ، إنها زوجي يلعب لوحده هناك و يكون كل تركيزه مع اللعبة ..
و جدا هادي و صامت و ما يكلم أحد ..

يعني ، أعرف زوجي ما يدور عن علاقة بنات ..
و أخوات زوجي ( الصراحة جدا جميلات ماشاء الله ) ..
و أنا يشوفني أحلى منهم ( في عيونه ) ،،
يضحك كان لما أقوله أخواته ماشاء الله بجد جميلات ..

أقصد إنه مو ناقصه ، متربي كمان في عيلة عندهم الكشف ( عادي ) ..
مو مثلا محروم ..


عشان كذا صدمني ، مو عشان نفسي ..
هذه اللي كلمتني ، صوتها و أسلوبها بالكلام ( قروي ) ..

يعني ما أبغى أوصف بزيادة ( سامحوني ) ..
بس صوتي يشبهوه بالمذيعات اللي في الراديو مع المشاهدين ..
أعرف حالي ،. و واثقة من نعومة صوتي و بدون ما أرققه ..

هي كلمتني ، و بجد لا صوت و لا أسلوب ..

.
.

أكمل بعدين التعليقات ..

خليني أخلص منهم ..

روح بتخرب بيتها بيدها !

تأكدي ان اي رجل مهما بلغت درجة احترامه والثقه به قابل للزلل والخطأ وهناك فرق بين زير نساء محترف وبين الوقوع في الزلل وربما كانت هذه المرأة اللئيمة صائدة رجال محترفة !!

وزوجك من النوع الهادىء الطيب الذي لا يتكلم كثيرا حتى انه قال لك مره ان الهدف من وجود الفم هو اكل الطعام وليس الكلام !

راجعي نفسك وفكري كثير .. فحتى لو وجدت شخص آخر يستاهلك لن تجدي أحدا يستاهل ان يكون اب لاولادك غير ابوهم .

يا عمري ياروح الله يفرج همك ويفرح ك قريب بس والله من اول ما كتبتي مشكلتك وانا اتابعك بس عندي إحساس كبير ان زوجك صح يكلم ويضحك بس ينام بالحرام ولايقربلوا أبدا وبالنسبة للصورة اللي تتكلمي عنها يا عمري اغلب الرجال كدا اذا سافروا للخارج لازم يتصور لك صورة مع اي بنت شقرا يقابلوها فرعنه قدام أصحابهم اما القلب والروح فهي ملك زوجاتهم وأولادهم عندك أنا زوجي اول ماسافر للخارج اول شئ سواه تصور مع واحده شقرا هههههههههههه

رجعت كلمت البنت ..

و نسخت لها كلام زوجي :
(بس كله كلام ولا من ناحية الفعل مافي شي)
و قلت لها ، هذا رده لي ..

.
.

قامت قالت :
حقير

و ارسلت لي ، بداية محادثته لها ببرنامج الشات ..
و هي تقول له معليه النت انفصل ، فقال لها ( عندك رقم جوال ؟ )
قالت له ( إيوة ) و بسرعة أعطت له الرقم ..

.
.

قلت لها كمان ، إنه زوجي يقول :
( انه الله لا يوريه اشكالكم الي في برنامج الشات ) <-- ما أكتب اسم البرنامج عشان ماحد يحمله

.
.

قامت ردت علي :
ماعليك فيه ربي بيفضحه

و قالت لي ..
انتي لا تفتحين معه الموضوع ، عشان ما يخطط من وراك قبل
و قالت ،، لا تواجهينه الحين لانه بيسوي طريقه ويهرب قدام القاضي والناس
يكفي انه ما يصرف وما يصلي ويشرب وفوق هذا ينفصل من شغله

.
.

قمت قلت لها :
يقولي استاهل بالجزمة انا خربت بيتي بنفسي

.
.

قالت لي :
يستاهل فعلا

لاني انا قلت له ما برحمك لو عرفت انك تكذب
ليتني صورت المحادثه لك وهو يقسم انه مستحيل يرجع لك

.
.

قلت لها :
أشك انه يصوم ( كنت بأتأكد من حاجة في نفسي ، و هل قابلها في نهار رمضان و لا لأ ؟ )

لانه هذاك اليوم ، رجع من برة قبل اسبوع ، و انا رتبت البيت بعد الفجر
ورحت نمت و حطيت الكنافة بالثلاجة و الاكل
نمت و الشمس طلعت وهو تاخر ، رجع نام و وقت قمت الظهر شفت الكنافة أحد أكلها و أنا متأكدة
إني حطيتها بالثلاجة بنفسي و ولدي ما ياكل الكنافة ..
قلتله : إنت أكلت الكنافة ؟
قالي إيوة أكلتها بس قبل الفجر ..
قلتله : لا ، افتكر بعد ما الشمس طلعت و أنا رحت نمت و كل شي بالثلاجة ..
و بعدين عمل حاله ، إنه كان نايم وقت أكل الكنافة و إنه ما حس بنفسه ؟؟؟؟؟؟؟

( يا جماعة ، واحد كذاب .. كيف أصدقه ؟ و كيف ياكل نص صحن كنافة و ما يحس بحاله ؟ )

.
.

المهم هي قالت :
يوم 21 ما صام ، لما شافني قلت له صوم وكان يشرب مويا
كان معي هذاك اليوم و ما صام ، يكذب

.
.

قلت لها :
طيب ماخفتي على نفسك منه ؟
بالمطعم اكيد عمل اشياء ، لانه كان زمان يقولي إنه الشباب الخربانيين
يجيبوا صحباتهم للمطعم عشان ماحد يشوفهم ..

.
.

قالت لي :
خفت وشكيت فيه عشان كذا كان يحلف ويقسم
و هو اللي يجيب


و قالت لي :
لا انا ما سمحت له يعمل شي و أكدت لي إنه ما لمسها ..
بعدين غيرت كلامها و قالت لي ، بس هو حاول و ما سمحت له ..
( كنت بأتأكد بس )
.
.

قالت كمان :
شوفي ، أول شي قولي للشيخ ما ينفق علي بالحرف الواحد كذا ، وما يصلي بيقول لك جيبي
شهود انه ما يصلي، اذا قدرتي تكلمي امام المسجد يشهد معك انه ما يداوم على الصلاه
بس دققي على كلمة انه ما ينفق عليك

و انتي خوفيه وقولي له بتجي تشهد معي ، لا ياخذك الضعف والخوف
بس قولي ما ينفق على البيت وانا ابغى الطلاق والشيخ كثير يحكم بهذي الحالات لصالح الحرمه

.
.


و قالت كمان :
والله انا مصدومه بس مو مثلك لاني بالنهايه قلت له احنا غلط قبل امس
وقال لي هي جت على هذي يعني

قلت له لازم ما اشوفك ولا تشوفني قال لو ما شفتك اموت

.
.

سألتها :
ايش يعني جات على هذه ؟

.
.

قالت لي :
يقصد انه كان يلعب كثير

فيه صور المحادثات بالبرنامج ، بس ما تفيدك

و طلبت مني ، ما أوريه الصور .. و قالت لي :
خليها لوقت المحكمه عشان ما يمدي ينكر
اصدميه عند القاضي عشان ما يعرف يتصرف
شفتي هو اللي طلب رقمي ، وجلس يحلف ويقول انه صريح وما يحب يخون

و قالت :
انا عموما بغير هذا الرقم بس بخلي الشريحه عندي لو احتجتي تعطيها احد وترسلين لي انا بفتحها
لازم ياخذ درس عمره ما ينساه، انتي وانا وكل البنات مو لعبه بيدهم
انا استاهل بس انتي وش ذنبك

ان شاء الله اتمنى يتربى ، لاني حلفته وحلف انه مو متزوج
شفتي الكاسه اللي بيده ، خمر وقال لي هذي زميله له بالعمل


و قالت لي :
كان يقول لي صوري نفسك وانتي ترقصين ، قلت له مستحيل
انتبهي منه لا تتعاملين معه مباشره خليه يخاف من الرجال
خلي عمك يتصرف اول

و قالت :
اهم شي اني قدرت اخدمك بشي يكفر عن ذنبي
الحين انا بتركك وان شاء الله تنحل امورك بهدوء وربي يفتحها عليك يارب
اليوم عندنا فرح بكون مشغوله
والصور عندي لو بيغيتها ثاني ارسلي لي
لو سترت عليه كنت بغلط عليك طول العمر
قولي له اني معك وبشهد معك وعندي الصور وبفضحه عند اهله
هو ما يعرفني يمكن يخاف اسويها
الرقم هذا بقفله انا بس برجع افتحه كل فتره لو انتي احتجتي مساعده اىسلي عليه

اسأل الله العظيم ان يلم شملك بزوجك عاجلا غير آجل ولايشمت فيك عدوا ولاحاسد ......اللهم آمين

أخوي التائه قلبه ..

المحادثات هذه كلها ثالث يوم العيد ..

يعني ما عدت 24 ساعة على اكتشافي للموضوع ..

ماهي دحين ..

.
.

بس بأحطها كلها ، لإني خلاص تعبت من التفكير و ما أبغى أفكر ..
و على أساس المحادثات هذه ،،

حكمت على كلام زوجي و اعترافه لي ..
إن كان صادق أو لا ..

.
.

و من غير ما أقول له أو أوريه هي إيش قالت بالتفصيل أو أي شي قالته ..

.
.

أتمنى تكون فهمتني ..

كملت كلامها و قالت :
والله ما تتصوري قد ايش اتمنى اسمع انك ارتحتي منه وكل حرمه ترتاح من كل رجال كذاب
الله معك والله

وخذيها نصيحه مني اذا قال لك باخذ اولادك قولي له اشبع فيهم انا بتزوج وبتهنى وانت اجلس ربيهم صدقيني ما بيقحر يتحمل وما بيرضى انك تتهني وهو يشيل مسؤليتهم وبيتركم لك

بس لو حس انك متمسكه فيهم بيذلك ويلعب باعصابك

شوفي اختي سوت مع زوجها كذا وصار يبوس رجلها عشان تاخذ اولادها
لا ما بيرضى انك تتهني وتتزوجي وبيخليهم عندك عشان ما تتزوجي غيره
والشيخ اصلا ما بيعطيهم اهله وانتي موجوده وما تزوجتي
طالما الام عايشه وقادره اهل الاب مالهم حق بالطفل يتربى عند امه
الا اذا تزوجتي الطفل يتخير بين امه وابوه لانه ولد
واكيد اولادك بيختارونك
بعد سبع سنين طبعا
خلي عمك يحكي لشيخ وضعك وشوفي رده

انتي اهم شي اضمني الاطفال عندك باذن الله

************************************************

رجعت بعد ساعتين و كلمتها ..

أنا :
معليه سؤال..
كم صرف تقريبا عليك


هي :
ولا ريال
لاني انا كنت ارفض
قال بيحول لي فلوس لاني بعت خاتمي
بس ما حول وانا قلت له لا
لاني كنت حاسه انه بياخذها من احد
بس المطعم ما ادري والله كم

كان جالس يهز رجوله طول الوقت
( يا جماعة ،، جملتها هذه إنه كان يهز رجوله طول الوقت .. خلتني أعرف أشياء كثيرة ..
لإني أفهم زوجي و أعرف متى يهز رجوله طول الوقت .. عرفتوا ليش أخذ و أعطي معاها ؟؟؟؟
بأجمع المعلومات و الحقائق و بعدين أواجهه .. و أفكر مع نفسي ) ..

خلاص انتهى بالنسبه لي وش باقي اكثر من كذا حقاره
اللي ما يحافظ على زوجته ما يستاهل وحده تفكر فيه

.
.