والله يااختي استغرب منج الا تنرفزت من كلامج مافي شي اسمه شيوخ واحنا عيال فلان هذا زوجج مهما كنتي مابتكونين اعلى منه عمر هالشي ماكان مقياس لزوج انتي تعرفين اذا زوجج بات غضبان عليج اش عقوبتج وتعرفين ان رضاه يعني دخول الجنه انتي ماقريتي هالحديث من قبل

{ لا يصلح لبشر أن يسجد لبشر ولو صلح لبشر أن يسجد لبشر لأمرت المرأة أن تسجد لزوجها ; من عظم حقه عليها والذي نفسي بيده لو كان من قدمه إلى مفرق رأسه قرحة تجري بالقيح والصديد ثم استقبلته فلحسته ما أدت حقه ) و ( أيما امرأة ماتت وزوجها راض عنها دخلت الجنة } انتي تبين الدنيا ولا الاخره

والله لاتقولين ابوي ولا اهلي ولا كرامه ولا اي شخص المراه مالها الا زوجها وبيتها وانتي تعرفينه ان كنتي حاسه انج بتغيرينه للاحسن فاارجعي بدون فضايح وتشهير ولاتنسين من ستر على مؤمنا ستر الله عليه يوم القيامه فمابالج بزوجج واذا حاسه انه مابيتغير خلاص كل واحد يشوف نصيبه قبل لاتجيبون عيال وتدخلون بمشاكل وفي شي لازم تعرفينه عمر المراه ماتقدر تاخذ شي بالقوه من زوجها كوني قويه مع الكل الا زوجج بالطيب والكلمه الحلوه بيكون خاتم باصبعج انتي مشكلتج العاده السريه والافلام بقولج عن قصة ثنتين من صديقاتي

الاولى اكتشفت بعد الزواج ان زوجها مايصلي ابد ويدخن وكله فالمقاهي ومايرجع الا الفجر والله خلال سنه حولته لانسان ملتزم والكل يضرب فيها المثل واللحين يموت فيها مايقدر يفارقها ويذكر لها صبرها

الثانيه زوجها مطين عيشتها من اول يوم مافي علاقه بينهم الا بالنادر مايصلي ويضربها حتى جدام اهله ويسبها ويشوف ممثلات فالتلفزيون ويعلق ويشوف افلام جنسيه ودائما يجرحها مع انها ماتقصر عليه بشي حاولوا اخوانها وابوها انها تطلق بس اصبرت تدرين اش تقولي يمكن يتغير بعدين هو مرات يكون حنون وبصبر غير ان لي اجر وتقول انا اعرف انه يحبني بس هو عصبي نست له كل شي مع انه كله عيوب ومافيه شي زين وتذكرت انه حنون وعندها امل يتغير وانتي موقادره تغيرين هالاشياء فيه حبيبتي انتي بيدج تعدلينه مو قلتي يصلي ويخاف ربه ويحبج يعني تقدرين تذكرينه بربه وبالاخره والمراه اذا اشبعت غريزة زوجها والله مايلتفت لها الامور ابد لاتخلين الشيطان يلعب بعقلج وحددي موقفج تبينه ولا لا

اسفه يجوز قسيت بكلامي بس حرام يااختي طالت فترة بعدكم وهالشي يسبب جفا حتى لو تصالحتوا بتكون النفوس متغيره وشايله