اقتباس:
المشاركة الأصلية كتبت بواسطة روح الطير
ما قلت لنا ياخوي ، إيش صار معاك ..؟؟؟؟
مازال التطنيش من الجهتين ؟؟؟؟؟
|
أختي روح الطير ...
شكلك مستعجلة وانا كنت رايح أنام لأني جداً مرهق ...
لكن لجميل موقفك وشعورك الأخوي النبيل ساخبرك بالمستجدات ....
الحمد لله أني لم أكلم الأهل وقررت أتصل بالبنت مباشرة كآخر مرة وبعدها أتوجه للكبار
اللي حصل إن البنت باحت لعمها بعدم رغبتها في الزواج والإستمرار ، ونتج عن ذلك تعب
لأهلها ( جدتها ) أدخلها المستشفى أسبوعين وما طلعوها غير قبل أمس
وعرفت هالشي اليوم من عمها لما كلمته.
لما اتصلت عليها ولا ردت قررت ألجأ لعمها ( الملتزم ) ولأني ما عندي رقمه وبحثت في الإستعلامات
وقالوا معلوماته سرية وغير معلنه ، مما اضطرني لإستخدام العلاقات الشخصية ، وفي عشر دقائق
كل أرقامه وصلتني ، وقبل ما اكلمه مريت الوالد أمس واعطيته خبر ، تضايق شوي لكن طلب مني أنهي
الموضوع بأسرع وقت عن طريق الأب ثم العم ، ولكن فضلت العم ( لكونه ملتزم وممكن يتفهم الوضع أكثر )
وكلمته اليوم وقالي إن البنت صارحته إنه ما تبغى الزواج وما تدري كيف وافقت ، وإنهم لاموها ووبخوها لأنها
انحسبت علي وعليها زيجة ، وإنه الأمور عندهم كمان كانت متوترة ...
المهم قالي حقك محفوظ وأنا وبعيداً عن كونها بنت أخوي أقولك وحده زيها ما تصلح لك ، لكن الله يعوضك
ويسخر لك اللي أحسن منها ... و قلت له إن شاء الله ما يكون بدر مننا أي غلط أو شي قال لا بالعكس انته
ولدنا وراح نظل أهل وبإذن الله زواجك على يدي انا
أنا عشر سنوات في الهيئة وفي مشروع
(
مدري ايش ) للزواج واعرف عوائل وناس عندنا حتى في الحارة
ينحطوا على الجرح يبرى وما عمري سعيت في زواج أحد إلا وجاني يشكرني ويدعيلي وإنت
إن شاء الله بتدعيلي ومن هالكلام ...
أنا هنا بلمت وحسيت إنه أحد صقعني على راسي ، ويالله قدرت أضبط نفسي ...
قلت ربي يقدم اللي فيه الخير شوفوا أموركم متى تبونا نبدأ الإجراءات قال متى ما حبيت ، قلت خلاص
شوف انته الأوضاع إنه ما يكون عليها الدورة عشان أطلقها ، وقال على خير وحقك محفوظ إن شاء الله .
قلت الله يجزاك خير وهي الله يسخر لها اللي أطيب مني وأنهينا المكالمة ...
ويارب يرد علي بسرعه عشان أستغل وجود خالتي اللي سافرت لنفس المنطقة واوصيها تمر تستلم الأشياء
قبل ما ترجع يوم الجمعة للرياض ( الذهب والمهر ) أما العربية ومحتوياتها فصعب لأنها كبيره
يادوب يوصلونها لبيت خالتي وبخليها هناك وهذي كلها أشياء قيمتها فوق الخمسة وسبعين ألف ريال !
وأنا طبعاً ناوي أرسل لهم الهدايا اللي جابوها لي لأني اتوقع هم كمان يرجعوا
الهدايا اللي جبتها مع إني ما ابغاها لكن بشوف وش بيرجعون وربنا يختم لنا بالصالح ....
هذا كل شي باختصار ، وأنا في انتظار رد العم عشان نخلص .
ألف شكر لك أختي على اهتمامك ومتابعتك
والمعذرة على الإطالة .
تصبحون على خير
__________________
رَبِّ هَبْ لِي حُكْمًا وَأَلْحِقْنِي بِالصَّالِحِينَ(*)وَاجْعَلْ لِي لِسَانَ صِدْقٍ فِي الآَخِرِينَ(*)وَاجْعَلْنِي مِنْ وَرَثَةِ جَنَّةِ النَّعِيمِ(*)