السلام عليكم ورحمة الله - من جد وجديد.

جزاكم الله خير الجزاء لكل من تقاسم مع في مشكلتي ولكل من أدلى لي بدلوه
ولكل من أضاع وقته معي في ال 18 صفحة .
حقيقتا تفاجأت بسؤال الاعضاء فترة غيابي فهو يدل على فعلا صدق اسرتكم بارك الله لكم جميعا.

لكن افتقد الاخ البليغ واخي في الله اسأل الله ان يكون المانع خير,

الان اللي حصل اني أمس رجعت من رحلتي الوهمية. ويوم الاثنين يبدي دوامي.
أخر يوم كان يومي عند زوجتي (د) فالمفروض أمس يكون يومي عند بيتي (ف).

المهم اتصلت على (ف) قلت لها أنا رجعت قالت أنا في بيت أهلي مو في البيت . قلت طيب متى بترجعين قالت ما أدري , قلت لها أجل أخلص مشاويري ومرك بكرة ببيت أهلك . لأنه عندي كلام بقوله لك,

أنا ما عندي مشاوير بس قلت بأستغل فرصة عدم وجودها وبركب جهاز تسجيل من باب الاحتياط. عشان ما أظلم أحد تحسبا لاي ظرف لأنه زوجتي (د) راح تحس انه في شي خاصة اني بكون عندها طول فترة التأديب ,
ركبت في بيتي الثاني وفي بيتي الاول كدليل لو حصل من اي وحدة غلط في حق الثانية.خاصة وقت الدوام راح أكون متغيب فترة طويله خلال النهار.

اتصلت علي العشا قالت انا رجعت بيتي , قلت لها طيب !! قالت تعال هذا يومي - قلت لها قلت لك اني بكرة بمرك عشان بتكلم معاك بموضوع. قامت تصرخ بالتليفون قالت مو من حقك هذا يومي , أنت وش فيك منقلب علي !!
قلت لها رجاء لا تزعجينن كلمتي وحدة بكرة بمرك ببيتك , قالت هذا وجهي لو لقيتني في البيت , قلت لها براحتك سوي اللي يريحك. واليوم بروح العصر بشوف ان كانت موجودة بحط لها النقط على الحروف مثل مايقولون.
وإذا لقيتها طالعة من بيتها ماني بمار عليها هناك ولا وش رايكم؟