السلام عليكم

اختي كل مرة احاةل اشارك في موضوعك و اخاف ازيد همك

اعتقد و الله اعلم، انو زوجك خلاص اتخذ قرار الانفصال

و حتى لو كشفتيه قدام اهله و لنفرض انه كلامك طلع صح، فهو خلاص ما عاد يهمه

و اذا فضحتيه فهة راح يكرهك اكثر

انا برايي، اذا لسا بتحبيه او باقيه عليه، حسسيه بدلك و ما تيتنيش استجابة عن قريب

هو مجروح منك و ما راح يأمن لك بسهولة

و احتمال كبير انك ما تنجحي بس لازم تحاولي

الله يقدم لك اللي فيه الخير

دام أبوك وقف ضدك علميه بكل شي
علميه بخيانته لك و و و و كل شي

اما انك تشكين لامه فما اعتقد توقف معاك
هذا ولدها ولا يمكن توقف ضده

حبيبتي لا تخافين من شي ان بغاك بيهدي الأمور ويتصالح معاك
وان قرر الانفصال بيطلق بسهوله و وقتها تأكدي انه خيره لك

اسأل الله لك الفرج والله يحنن قلبه لك ويسخره
ويكتب لك اللي فيه خير لك امين 🌹

__________________
ربي لا تذرني فرداً وانت خير الوارثين

اكييد راح تستفيد لما تكلم امه ترى هذي امه وماراح ترضى انه ولدها بعد ماخسر
ودفع تفشل حياته طبيعي راح تسعى للصلاح
انا لما زوجي كان سبب مشاكل لحياتنا كلمت امه وامه بغت تنهبل وصارخت ع ولدها
زوجي تعدل سبعين بالمية من بعد ماتكلمت مع امه
حبيبتي انتي واقعه في دائرة ضيقة بعد حديثه مع والدتك لذلك لازم تحكي سريعا
معاه هو ومع امه وباسرع وقت قبل يتعشم ويتمسك بالبنت زيادة

انصحك تعلمينه انك على علم بخياناته
وانك تحملتيه فتره


هذا الشيء الوحيد الي بيخليه يخف هجومه عليك وتجنيه
لانه الحين يعاملك كذا وهو شايف نفسه مو مقصر وانتي الي ماتسعدينه
لكن لو عرف انك انتي الي تعانين من خيانته ساعتها بيعيد حساباته وبيشوف ان الخطأ منه هو
علميه بكل هداوه وطنشيه واقترح عليك تروحين بيت اهلك وتتركين الين يجي ويعتذر وابدا لاتسألين عنه
وبيتركك فتره طويله شهووور
بس انتي تحملي و انشغلي عنه
اما تصرفاتك هذي ما بتفيدك وسكوتك مابينفعك

مشكلتك تعقدت زيادة
حبيبتي شفتي كيف النظره السيئة تأثر ع الانسان
انت كل همك البنت اللي يكلمها
وع فرض طلقك تتوقعين انه راح يتزوجها؟!!!
كلام ابوك صح لا تطلعين من بيتك الا اذا نطق الكلمه وبعد ما تخلصين العده هذا شرع الله ياقلبي مو قسوه في ابوك
كلمي زوجك وفهميه انك قررتي تعطين علاقتكم فرصه ثانيه لانك باقي تحبينه وقول له خلينا نجرب شهر بس نشوف حياتنا كيف راح تمشي
قولي له ان اللي قسى قلبك عليه انك سمعتي كلام مو زين عنه وان في بنت اسمها (انت قولي اسم البنت ) قالت لخواتك او زميلاتك اني اعرف فلان ومسجله عليه محادثات اقدر اهدده فيها وان الشيطان شاطر وخلاني اصدق كلام فاضي فيك وقدر يخرب بينا جربي في البدايه كذا
ما انصحك بالمواجهه لانه راح يكرهك

حبيبتي امك وابوك وامه وابوه طلعوهم من مشكلتكم
انتم كبار تحلون مشاكلكم بنفسكم

انا من رأي تجلسي مع زوجك وتحكي له عن امر البنات والمحادثات وقولي له انا مافضحتك عند اهلك او اهلي وانت على أشغال بيت بسيطه رحت تشتكي لامي وأمك والموضوع المفروض يكون بينا
انت يرضيك اطلع عيوبك لأحد وافضحك عند الناس
والله يا اختي انا أشوفك تحسنتي كثير عن السابق
وعندك استعداد لتنازل وتغير
وقولي له تبغى نجلس مع أبوي وأبوك وكل واحد يقول الي عنده ويشوفوا من الغلطان فينا او نفتح مع بعض صفحة جديده وننسى الماضي ونحل مشاكلنا لوحدنا بدون تدخلات من احد

__________________
ريم نواف سابقا

طمنينا اختي الفاضلة وش صار

الله يسعدكم خواتي
والله بتقبل دعواتكم الطيبة
والله مالي احد استشيره الا هنا
انا كلمت زوجي لكن زوجي غير مبالي جدا
طبعا من القهر الي فيني ماصرت اقدر اتكلم زين كل كلامي بكا
قلتله وش حقه قلت لامي كذا وكذا يعني الاسباب التافهه
قالي عشان تفهمك وتعرف انتي وش تبين
قلتله انت قلت لامي حنا مو متفاهمين وننفصل
غير كلامه وانكر قال ماقلت مدري هي كيف فهمتك او انتي زدتي من نفسك
قال خلاص تجي ونتواجهه
قلت له اسمع ترا كل امورنا توافهه ومايحتاج ندخل احد وخصوصا امي ونغثهم قلت انا البنت عمري ماشكيت لامي عشان ما اغثها خصوصا ان امي حساسة جدا وتتاثر كثير
قال خلاص انا غلطان انا الي دايم غلط ومن هالكلام
قلت له وموضوع الغسيل والطبخ ليش قلت كذا
قالي الحين احنا طايحين ف مشكلة وانتي تقعدي تسالين ليش قلت وليش ماقلت
قلتله طيب وش مشكلتنا مو هي تراكمات ماعرفنا نحلها
يقول اي مشاكلنا كثرت وماعدت اتحمل
طبعا الوقت كان بعد 12 كل شوي يتاافف ومايبي يتكلم
ويقول ابي انام
خلاص بعدين نشوف
اعطيني فرصه افكر يوم يومين واذا ماتبين ندخل احد ماندخل
انا طفشان انا تعبان ومن هالكلام وكله تمثيل
ولا تاثر بدموعي وقهري
لما شفت عدم مبالته ف كلامي ولا ف حل المشكلة قلت ماحيفيدني اني اقوله عن خيانته
قلتله وش الحل الحين طيب
طبعا هو كل شوي يمسك الجوال في احد يكلمه يبني اقوم عشان يرد
قال الحين بنام وانتي ادخلي غرفتك ونامي نشوف وش يصير
قلت ترا حنا الي نحدد وش يصير لازم نحسم الموضوع
قلتله خل نعطي نفسه فرصة ثانيه ونفتح صفحة جديدة
ونتجنب اسباب المشاكل وبالتالي مايصير مشاكل
قلتله انت ماتبيني اكلمك ولا اقول نطلع ولا اناقشك
خلاص ماحسوي هالاشياء كلها
صار يقول خلاص نشوف بكرا مو وقته الحين
المهم انا طلعت هو ع طول ع جواله وجلس سهران ساعه بعدي شفته من الواتس
انا من التعب نمت ف. نفس الوقت

الي يقهر شفت محادثاته مع البنات كل يوم قاعده اكتشف احد جديد وفي بعض منهم اقاربه
لا ويتريقون علي يقولون زوجتك الي كدا وكذا وهو يضحك معاهم اه ه ه. يالقهر الله اجبر كسر قلبي

انا قررت ان شاءلله اليوم اكلم امه واعلمها بكل شي حتى خياناته
بشوف ردة فعلها

زوجي الي حسيته انه ضايع مو عارف وش يبي وكيف يقرر الي يعرفه انه بس يبي يعيش من غير عوار راس ولا التزامات
احسه مو فارق معاه شي

الله يفرجها علي يارب

كلمي والدته وشوفي رده فعلها ،،، الاهم هو الدليل ! خلي معاك كلشي حتى كلامه مع قريباته! ... بعد خليه يقول ان حلال! ...،
ارد اقولك طنشييييه طنشيييه وقعدي بمكان جلووسه لا تعطيه مجااال ،،، حتى لو انتي مو بادرة بس ماعليه التهي بتلفونك وحتى المكالمة سوويها بالمكان اللي يكون هو موجود فيه لختى تشوشي على سلسلة افكاره ،، راح تشوفينه يعصب وتافف ماعليك .. طلع من الغرفة راح الثانية بعد دقايق رووحي هناك وبعد اقعدي له ع الوحدة عشان مايحصل مجال ...

سالفة الانفصال والطلاق ،، مثل ماقالك والدك اقعدي وخلي نفسك طوووووويل الى ان هو ينطقها ويقولها ! بعدها لا تتوقعي اهلك بيرخصون فيك وبيخلونك لانتهاء العدة هذا مجرد كلام لان قلب والدك عليك فلا تزعلي منه كلنا ابهاتنه فيهم هالطبع لكن لو تصيبنه نغزة ابرة مايقدر صدقيني ...

حاليا عن البنات ،، بعد ما تجمعي الادلة وتكلمي والدته جهزي نفسك لانفجاره! لان ممكن راح يقلب الموضوع كله عليك انتي ! ..

الله يعيينك ويصبرك على ما ابتلاك ياارب ويهديه ويصلح حاله ،،