تركيزي الان عل الاولاد فقط لا غير
مشكلة الولد راح احلها اب طريقتي انا ومن دون او مساعدة من طليقتي
راح اعتبرها مو موجوده حتى بشؤون الاولاد
الاولاد اصلا حتى ما يبون يسافرون معاها بالصيف لولا مخافة الله جان قلتلهم اي لا اتروحون

اخواتي و اخواني
موضوع ان طليقتي شاغلتني حاليا مو صحيح. التحديث مجرد نقل للي قاعد يصير معاي مو اكثر وان كان التحديث يضايقكم راح اوقفه. بس والله العظيم ساعات اضحك من هالحركات مو شماته والعياذ بالله بس استغراب والله

لاتنشغل بالناس
الله لايشغلنا جميعا عن طاعته
حدد اهدافك واسعى لتحقيقها
واترك اللي ضاع من عمرك وانت تركض ورى سراب


ركز على عبادتك ثم ابنائك ثم حياتك العمليه
ثم
تزوووووووج

اسأل الله لك التوفيق وسداد الرأي

__________________
وقل ربي ادخلني مدخل صدق واخرجني مخرج صدق واجعلي من لدنك سلطانا نصيرا
ربنا هب لنا من ازواجنا وذرياتنا قرة اعين
واجعلنا للمتقين اماما

اخي هي لا تحاول اثاره فضولك
مو معقوله تترك ولدها وتهمله شهر عشان تثير تهتمامك
هي فعلا مهمله
او مالها مزاج تدرس
لا تنشغل فيها

'


آنت تحبهاا ..
آن شاءالله ربيِ يسخرها لگ ويسخرگ لها وترجعون لبعضض
وَيلتم شملگم وتحتتوون آولادگم بينگم .. آنتبه عَ نفسية الاولاد ارجوگ
رآح تتعب نفسيهم گذا ..



آعذرنيِ مَ لي غير ادعيلگم



.

السلام عليكم ورحمة الله وبركاته.
الأستاذ الكريم عبدالله أتعلم متى زوجتك ستكف عنك؟!
عندما تتزوج وترى حياتك هذا سيوقفها عن التصرفات وبالنهاية الأطفال يتحملون أخطائها..
غريب جدا إذا لا تريد العودة لما تفعل بمثل هذه الأساليب؟!
مهما كان في مرض نفسي غير مبرر لها مادامت انسانه لها عقل..
ضع أولادك في عينيك حرام لا تحملوهم فوق طاقتهم، يكفي الم الطلاق عليهم.
يسر الله أمرك.

اخي الكريم....ولو اني متاخر بالرد جدا..

ولكن السبب...هي انها تحبك..نعم
تحبك فا صرت هاجسها الوحيد...فا احيانا تبي تقهرك ..واحيانا تبي تلفت انتباهك
واحيانا تكرهك...وفي الاخير ..حواليك تبقى ..سيرتها

هذا هو السبب

حقيقه انا منصدم من الي قاعد يصير معاي. مثل منتوا عارفين اني مبتعد وامطنش محاولات طليقتي للفت النظر او الاستعطاف او الاستفزاز.
الحين صارلي جم شهر والغريبه ان ابتعادي و تطنيشي ولا مبالاتي وحزمي وأرجع اقول حزمي خلت طليقتي تستجيب لطلباتي مع ان قانونا تقدر ما اتنفذ طلباتي. سبحان الله العكس تماما لما كنت اهتم فيها واسال عنها. ما ابي ادخل في تفاصيل بس حاليا قاعد امر في نفس المواقف الي مريت فيها السنه الي فاتت. مثل مدة سفر الاولاد معاها و طلب خادمه ثانيه. حاليا نفذت طلباتي من غير نقاش او مماطله بعد التطنيش و الابتعاد وال لامبالاة والحزم

السؤال
هل المطلوب هو الحزم و اللين حسب الموقف. انا اعترف ان اول 5 سنوات من زواجي كنت حازم جدا وما كان شي يطلع بره البيت والمشاكل تنتهي في وقتها بعدها زوجتي طلبت مني اعطيها فرصه علشان تثبت نفسها وتتخذ قراراتها بعدها من غير ما احس زاد اللين مني وخف الحزم بشكل كبير هذا بالأضافه ان الاولاد راد عددهم وزادت المسؤوليات مما أدى اختفاء الحزم تقريبا وان حصلت مشاكل كنت أكتم لاني كنت اقول ميخالف بطوف علشان الاولاد واحنا مو صغار. للتوضيح مشاكلنا الاسريه مشاكل اعتياديه بس الي صار ان تراكمات فوق تراكمات وماكو مصارحه مما أدى الى الانفجار

اخوي الحزم مو يعني إنه العصا بيدك وصراخك يسمعه كل الجيران ومايكون في كل الأمور الصغيره والكبيره لانه هنا ألغيت الطرف الاخر ....

الحزم فقط في المواقف الي ممكن تأثر ع حياتكم مثل خروج الزوجه بدون أذن زوجها هذا شي ماينسكت عليه لكن مثلاً تسوي كل يوم غدا وفي أحد الايام ماسوت تقوم الدنيا وتقول حزم لا طبعاً

فأنت شوف الامور الي تحتاج حزم لا تتنازل عنها حتى تمشي الحياه

والله يجمعك بطليقتك يارب

__________________