وترى فعلا أخواني مايفكرون فيني وماهميتهم .. يعني تخيلي لما زعلت أمي مني عشان مقصرة معهم ماصرت اعطيها لما اشتريت ارض ارسلت لاخوي عشان يساعدني يكلم امي .. والله ماابدى اي اهتمام وقال انا مااعرف شيء بس رضا الله من رضا الوالدين.. بعكس زوجي جلس يهديني ويقولي انتي ماقصرتي واكيد امك ماتقصد وتحبك واذا راضيتيها بترضى ونزلني اجيب لها هدية..

اخوي الثاني عنده سيارة ثانية قام باعها عشان يستفيد من ثمنها لان صار للبيت سيارة الوالد اللي انا شريتها له .. هذا مو طمع ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

على فكرة زوجي لما زعل في الصباح يقول انتي منتي مثل باقي الحريم تسمع الكلام وتفهم ولاتخالف زوجها أبد ماسحة أنوثتك..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

زوجك عارف انك تجين بالعاطفه
بالنهايه الكل طمعان براتبك
وانتي ماخليتي لك خصوصيه ماليه مستقله
الكل ماين عليك بزود و معتبر نفسه محق
زوجك غلطان
وانتي غلطانه
ولا فيه شي اسمه احمي مال زوجتي
الي فعلا خايف على زوجته
يدخلها بمشاريع مضمونه
يستثمر اموالها ويتعب فيها
لكن امنعها تعطي اهلها واعتبره حمايه
عموما انا مع شوك وروح
كلهم موظفات ومتزوجات وعارفات
خاصه روح خبرتها اكبر
ورد اخوكي لما قلتي له عن امك واقعي ولا فيه شي
بس انتي زوجك عارف لك يجيك من ناحيه العزف على المشاعر
عموما زوجك ليس سئ لكن اعتمد عليك كثير

امك لها حق

ليش حكمتوا على الرجال انه طماع ويعزف عالمشاعر

زوجها مشاركها حياتها وواقف معها ويحبها ويداريها

بالدليل لما قال تبين اطلع من قروب اخواتي بالواتس عشان خاطرك
الدليل الاخر دخل وقطع اللحم
لو غيره قال بكيفها

لو انه طماع خلينا نكون بالحق نتكلم
بيقصر في واجبات البيت

بس وهو راجع يدق ويقول وش ناقص اجيب معاي

احبه نصيييحه مني لاتفرطين بزوجك

زوجك انسان وكل انسان يختلف عن الاخر بصفات وشخصيه مختلفه

لاحظت انه حنون حتى مع اخواته ويحاول يدعمهم
يعني مااعطى نفسه قبل اهله

لاتعطينه الجمل بما حمل ولكن ساعديه

ممتاز .. الحين اتفقنا على ان زوجي يحبني ويخاف علي .. طيب ليش يسوي نفسه زعلان مع انه طلب شيء مو من حقه يطلبه؟
طيب ليش يبي يوديني لاهلي امس الصباح دامه يحبني؟
ليش يعايرني بأخواني لما يقول سحبو عليك؟
يحبني ويخاف علي كلمة فضفاضة طيب ليش تصرفاته كذا معي؟

في المقابل كيف اتصرف الحين ؟ هاجرني ومايتكلم معي ولا حتى يطالع فيني؟ طيب ليش أنا وش سويت له!!! عشان أسلوبي معه طيب أسلوبه كان أسوأ وأقسى من أسلوبي؟!!!

طيب ليش ينسى تعاوني معه وتضحياتي عشانه وصبري عليه !!!! ولا على قولة مبتعثة يلعب علو وتر المشاعر يعرف إني عاطفية وما أصبر وراح أبادر ..

بالرغم من كلامي عن خوفه وحبه لي بس حاليآ أحس إني ولا شيء في حياته .. ولا شيء ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

زعل من كلامك

من انفعالك

قلتي مالك دخل ووووو

انجرح منك وحس انه ولا شي

طيب والحل الان؟!! وش الخطوات اللي لازم اسويها؟
أو ابقى بدون أي مبادرة زي مانصحني بعض العضوات جزاهن الله خير..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

سؤالك رفع الضغط عندي تدرين ليش؟

سؤالك يدل إنك ما استوعبت ولا استفدت من الكم الهائل من نصائح اﻷخوات،،
جفت اﻷقلام يا أحبه
حاليا قفلي ع الموضوع واتركي اﻷمور تمشي بطبيعتها ،،واعط مخك إجازة وريحي نفسيتك وابتهجي وخلي جو البيت أكشن وحركات العيد،، واﻷهم من هذا كله استغلي اﻷيام في العبادة واللجوء لربك،،فهو وحده بيده كل شيء...ترى كل شي ملحوق عليه،،إلا هذه اﻷيام الفضيلة لا تضيعينها ففيها يقدر الله المقادير كلها..
وإذا حسيتي نفسك مازلت ملخبطة،،جيبي ورقة وقلم واكتبي مشكلتك بالتحديد، واسألي نفسك ماذا تريدين،، واكتبيه على شكل نقاط 1 2 3
وخذي لفة على ردود الأخوات اقرئي نصايحهم مرة واثنين وعشرة،،
ولخصي في ورقة خطوات علاج مشكلتك،،،واختاري أنسب الحلول وطبقيها...

اكييد لاتبادرين

اسكتي واكييد راح يتلطف الجو بينكم

وهو الحين رسخت بذهنه انه راح تعطين اهلك وبيرضى ع هالامر

ع فكره اياك تقطعين عن امك اي مبلغ

أكيد إن شاءالله ماراح اقطع عن أمي شيء.. هذا هو يعطي أمه وما قلت شيء..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..