أهلين أم طيف ورهف
إن شاء الله الفحوصات تطلع تمام وتطمنينا
عليك والله يهون عليك وتولدين ولادة سهلة
طبيعية بإذن الله وكل الحوامل يارب

ام خالد يالغالية


حبيبتي اللة يسمع منك انشاء اللة بس بغيت اسئل هل الفقر دم مضر علي البيبي وشنهو اللي ممكن

اعملة بحيث اني اخفف انا اتناول حمض الفوليك الكالسيوم والحديد واكثر من السلطةوبالذات الملفوف الا الحليب فقليل جدا

مادري شلعمل اولادي دايما ايكونون اصغار وقت الولادة 2كيلو و300 غرام فشليخلي البيبي ايكون وزنة طبيعي

ومشكورة اكثير اكثير

يا حبيبتي والله ما عرف هل فقر الدم مضر
على البيبي أم لا وبالنسبه للحليب أنا ملاحظة
حاجة على نفسي حملي الأول ما كنت أشرب
حليب طلعت بنتي صغيره 2 كيلو وربع
وإلى يومك هذا وهي ضعيفة وما تاكل
وعندها فقر دم
والحمل الثاني كنت أشرب حليب ولدي الحمد لله
3كيلو وصحته تمام
بس المشكله إني حملي هذا ما قاعدة أشرب حليب
بس غصب عني لما أشربه أحس إني برجعه
والله يحفظ لنا أطفالنا

السلام عليكم

شلونكم بنات ... شخباركم

سامحوني .. واعذروني على التأخير

بس شاسوي .. مشغووووووووولة كثير في العمل

تعرفون شغل التدريس متعب جدا جدا .. تقريبا الشغل هالأيام ماخذ كل وقتي

انتظروني برجع باقول لكم عن فترة الوحام شنو صار فيني

اهلين اخواتي الحوامل الله يقومكم بالسلامة


من فيكم تعرف الجدول الصيني اللي يساعد باذن الله في تحديد جنس الجنين

او الغسول قبل الجماع

او قائمة الماكولات اللي تساعد في تحديد جنس الجنين

تكفون ردوا علي بكل اللي تعرفونه عن هذي المواضيع اوغيرها

انا لسه للحين ما حملت دخلت لأشوف شو الموضوع عجبني وكل حامل الله يتمملها على خير واللي ما حملت الله يعوضها بالخلف الصالح دعواتكم لنا

__________________

الأخت iris يارب تحملين وأشوفك معانا
في ميدان الحوامل
آآآآآآة يالبرنسيسة
والله إني قرأت لك موضوع ولد أو بنت
وكنت بقلك طريقه سويتها بس خفت ما تضبط
معاك تلوميني لأن هذا الشي أولاوأخيرا بيد
الله ونحن نبحث فقط عن الأسباب
وعلى العموم هي تقريبا نفس الفكره الي قالت لك
عليها صاحبتك بس الطريقه مختلفه

أحلى بيبي وبابا

مشكورة حبيبتي على سؤال هذا الاسبوع وفكرة جيدة

لكن حبيبتي وينك انقطعتي عنا .. وين سواليفك

مبرووووووووك عالولد


سوسن

هلا بالعزيزة الغالية اللي منورتنا على طول ولا نقدر نفارقها أبد

لا تزعلين حبيبتي .. انتي بقلوبنا كلنا .. ونسأل عنك دايما .. بس اعذرينا

حبيبتي والله البنات حلوين .. والبنت صديقة وحبيبة أمها

ليش قلتي اه؟؟ البيبي بتاعي بنوتة

يا رب يرزقنا ذرية صالحة جميعا

بالنسبة للأخت كلي ملح ما عندي أي معلومات عنها

لكن بما أن مشاركاتها معانا انقطعت فأكيد انها اولدت


حبيبتي .. أم طيف ورهف

انتي حبيبتي للحين في الشهر السابع .. نهاية الاسبوع 31 تكون بداية الثامن

مشكورة يا عمري على المعلومات المفيدة عن أغراض البيبي

والله ما عرف شي عن هالسوالف ..

وصلت السابع وللحين ما جهزت الا كم غرض بسيط

حتى زوجي لما يروح معاي نتشرى .. يقول لي كلش ما تعرفين شي نحتاج أحد معانا يعلمنا شنو نشتري


hlaa

هلا فيك حبيبتي

مشكووووووووورة على سؤالك عني .. توني عرفت اني مهمة .. الكل يسأل عني

فعلا يا أختي hlaa الشهر السابع مختلف ومتعب وايد


li8 of iz

هلا فيك حبيبتي

انتي شلونك .. شخبار البيبي


أم خالد

انا بخير .. بس أشعر بارهاق .. شغل وحمل تعب والله

ومشكوووووورة يا عمري على اهتمامك وسؤالك

كيف حال الأولاد ان شاء الله يكونوا بخير ؟؟؟

بالنسبة للقائمة انا قاعدة اجهزها .. ان شاء الله انزلها في أقرب فرصة

واعذروني .. على التأخير


هايدي

هلا وغلا بحبيبتنا كلنا الغالية هايدي

الله يبعد عنك كل تعب وكل شر وكل مكروه

اهتمي بصحتك حبيبتي ترى هي غالية علينا ومحتاجينك معانا

هلا بزوجة اتحب زوجها

وية مابغيتي ضيعتينة يومين من غيرك ، ياللة اهم شي اطمنة عليك واللة ايعينك في الشغل


البرنسيسة

يابعد عمري تدخلين علي قوقل.كوم وتكتبين الجدول الصيني وراح يطلع لك.


اتمني الأغراض الي ذكرتها اتفيدكم لأني بحملي الأول ضعت بس اللة ايخلي اهلي ماقصروا كل اللي كتبتة كانوا داخلين لي في ماقصروا.

جودي وبس

أهلين حبيبتي

طمنينا عن أخبارك وأخبار البيبي

لا توجعي راسك .. انتظري موعدك وسوي التراساوند وراح تعرفي نوع الجنين


amirnet

أهلا فيك حبيبتي .. وألف مبروووك عالحمل :14: :14: :14:

التاريخ المتوقع للولادة:13/12/2006

عمر جنينك الافتراضي : 10 أسابيع ويوم واحد .. يعني انتي حاليا بالشهر الثاني


البرنسيسة

يا هلا يك معانا حبيبتي

بانسبة للجدول الصيني ما أنصحك لأن ما ضبط معي

على حسب الجدول الصيني المفروض يكون جنيني ولد

لكن لما سويت الاشعة قالت لي الدكتورة ان فيني بنوتة

يعني هذا علم الغيب ولا يعلمه الا الله ... يهب لمن يشاء اناثا ويهب لمن يشاء ذكورا ويجعل من يشاء عقيما

توكلي على الله حبيبتي .. وان شاء الله تشوفي كل الخير


iris حبيبتي

الله يرزقك ان شاء الله بالذرية الصالحة

عليك بالصبر والدعاء والمناجاة .. فليس للمؤمن وسيلة غير ذلك

حبيبتي ترى الحالة النفسية تأثر على الحمل

يعني اذا انتي تفكري على طول في الحمل وشاغلة بالك بالموضوع هذا .. ينتج عن ذلك تأخر الحمل

أنا شخصيا لم أحمل الا بعد خمس شهور من الزواج لأني كنت أفكر في هذا الموضوع وشايلة همه

الله يوفقك حبيبتي..