المهم ان شاء الله تكون الولاده سهله ومانتغلب ويارب تقوم كل الحوامل بالسلامه

ويارب اولد باول التاسع لاني مو متخيله اني بتحمل لاخر التاسع

__________________
اللهم ياحنان يامنان ياحليم يامالك الملك بيدك الخير كله اسألك باسمك العظيم ان تشفي اخي شفاء تاما لا سقم بعده ..

اختي طرطعانة
نبض الجنين ممكن تحسيه من الشهر الرابع
وممكن اذا بكرية في الشهر الخامس
لا تخافي عزيزتي

__________________

وانا هيك بتمنى كريستال
انتي كيف كانت ولاداتك السابقة... اتغلبتي؟
وايمتى تولدي... قبل ولا بعد موعدك؟

__________________

انا في بنتي ولدت بعد شهري باسبوع لا و الدكتورة عملتلي توسيع حتى يجي الطلق لاني رحت على موعدي وحجزوني

لانه كان البيبي حركته بطيئه وخافه يقل الاكسجين عندها ، وكانت ولادتي كتير صعبه طلق متواصل 8ساعات ولولا رحمة ربنا انه اجتني دكتورة شاطره كانوا ولدوني قيصري لانه بالاخر قل الاكسجين كتير عليها وخافوا

اما بابني اجاني الطلق باخر يوم في الشهر التاسع من الصبح الساعه 9 وضليتني بالبيت للساعة 4 العصر وبعدين رحت المستشفى كشف علي دكتور الطوارئ قلي راس البيبي خلص رح يطلع ودخلوني الولاده ماصارت الساعة 8 الا كان الاخ شرف ماشاء الله عليه لحاله كان يدفع ماتغلبت فيه ابدا ولله الحمد والمنه

__________________
اللهم ياحنان يامنان ياحليم يامالك الملك بيدك الخير كله اسألك باسمك العظيم ان تشفي اخي شفاء تاما لا سقم بعده ..

بصراحة اجابتك شافية
طمنتي قلبي الله يطمن قلبك
لانو انا كمان ببنتي دخلت المستشفى 12 مساء ما ولدت الا 9 الصبح
وبعد اسبوع كامل من موعدي
فان شاء الله يكون التاني هيك
انتي ليش استنيتي بالبيت كل هالفترة
كانت نازلة مية الراس ولا بس طلق؟
والطلق كان حامي ولا بارد؟

__________________

مشكورررره يام عبدالله.. ايه انا بكريه الله يبشرك بالخير
الله يطمنك مثل ماطمنتيني

ام عبدالله بقولوا دايما ولادت الصبي اسهل من البنت

انا يوم ولادتي بعبدالله الساعه 7 الصبح حسيت ببلل بس مو كتير استغربت وفكرتها افرازات ورجعت نمت الساعه 9 الصبح صحيت على مغص قمت الله يعزك الحمام لقيت دم عرفت انه اليوم ولاده رحت لزوجي وهو نايم صحيته من كتر ماكنت فرحانه انه خلص اجا موعدي قلتله قوم ان شاء الله اليوم رح اولد قام يطلع فيني قلي يعني بدك تروحي المستشفى قلتله لا بس يحمى الطلق قلي طيب ليه بتصحيني

مسكين قام ماعرف ينام المهم مااجا الضهر كنت اعمل الغدا وكان لسه الطلق مو لهاالدرجه ماصارت الساعه 2 الا وشد علي صرت اتمشى بالبيت مع الالم ماكان زي الم ولادتي ببنتي بعدين كان بين كل طلق والتاني عشر دقايق لحد ماصارت 3ونص صار بين كل الم والتاني 7دقايق قلتله قوم وديني ماوصلت الا الساعه 4ونص دخلت الولاده الساعه 5 كنت بحمد الله والده الساعه 8

بس مع هيك الم الولاده بضله الم الولاده وقبل ماولد بساعه شد الطلق مضبوط لكنها كانت ساعه ولله الحمد مو 8 زي بولادتي الاولى

والحمد لله على كل حال

__________________
اللهم ياحنان يامنان ياحليم يامالك الملك بيدك الخير كله اسألك باسمك العظيم ان تشفي اخي شفاء تاما لا سقم بعده ..

طرطعانة ما خبرتينا انتي باي شهر
وايمتى موعدك
بشفوك كل يوم موجودة بس ما بتحكي

__________________

ان شالله يصير معي هيك
انا لانو بشتغل ... حضطر اخد اجازة من 10/5 لانو موعدي ب 13/5
وبخاف اولد قبل كم يوم... خصوصا انو دكتور الرباعي قللي انو الموعد المتوقع للولادة هوا 9/5
فتخيلي يصير عندي الطلق وانا بالشغل
اما بالاول... فحسيت ببعض المغص وانا بالشغل الساعة 2 وانا بروح على 3 يوم الخميس
روحت عالبيت وصار المغص يزيد
ضليت بالبيت لل 10.30 المسا... ورحت المستشفى عملولي دخول على 12
وكان الوجع محتمل
على 12.30 اعطوني مخدر
وبلش الوجع اللي عنجد على 2.30
وما رضو يعطوني مخدر بعديها
وشفت الويل للصبح... وما ارتحت الا بس ولدت
ان شالله يكون التني اريح
بصراحة كتير خايفة

__________________

ان شاء الله بتكون ولادتك بالتاني اسهل دايما اول ولاده شوي اصعب لانه الجسم مابكون متهيئ للوضع واحنا نفسنا بتكون

اول مره ندفع فيها فبحس انه بيكون من كل ناحيه اصعب ...

شوفي سبحان الله على قد مالوحده بتتعب بالولاده على قد مابتنسى المها وتعبها مع الصغير لا وبتعيدها

صحيح اني دايما بقول ان شاء الله مااحمل قبل خمس سنين بس اذا الله كتب مارح امانع لانه اللي بيجي من الله مافي احلى منه <<<<<<< دايما بس اقول لزوجي خلص اخر مره بقولي كنا نحكي هيك وحملتي على الحبوب فما تتكلمي لحسن تولدي من هون وتحملي من هون <<<< زي ماصار مع اختي تخيلي يصير معي هيك رح اكتئب من جد

__________________
اللهم ياحنان يامنان ياحليم يامالك الملك بيدك الخير كله اسألك باسمك العظيم ان تشفي اخي شفاء تاما لا سقم بعده ..