>> مع كلام الأخت بحرانية ..
يمكن تبي تسمع كلاااااااااااااااام دلع ..
و سوالف عنها ..
اقتراح : تكلموا في سوالف الخطووبة .. عيدوها من جديد ..

تم تجربة بعض الشيء ،
أيضاً أتمنى الإضافة وشكرا على ردودكم الحلوة

السـلام عليكم


اجل المشكلة مهيب عندي انا بلحالي

الظاهر كل الحريم كــذا .. عاد الله يعينا يا الرجال عليهم

سولف سولف سولف .. بيني وبينكم ما ندري في ايش نسولف

تحياتي

اللاحق بالركب .. هذي مجموعة من السواليف اللتي من الممكن أن تبرجل زوجتك ...... وتمحو هذه الكلمة لأسبوع على الأقل ........

وممكن تأتي بأثر رجعي ..... وتشغل لك سوفتي .. سوووليف ..سوليف .....

1 ـ وأنت جالس معها قل في سالفة ماقلت لك عليها إلى الآن ...... ( تصنع الجدية ).... سالفة خطيرة .... وما أدري ...يمكن أثرها شبيه بالقنابل ..... بعدما تحمسها مضبوط ....... قل لها .. السالفة ..إني أحبك ........
هسسسسسسسسسسسسسسسسسسسسسسسسسسسسسسسسس ... بعدها ولا كلمة ........





2 ـ أسألها .. وكأن السالفة من عندك ... لو ماتزوجتيني ... ماهي مواصفات الرجل اللذي كنت تودين الارتباط به ...... تسنتر سواليف إلى الفجر .. وتنسى موضوع سولف ...........









3 ـ قلهل في لغز ... قمر .. ومااحد يشوفه من البشر في هذه اللحظة غيري ...... يووووه .. بتنزل راسها خجلانة ..
أقول ياخي .. ستة شهور من الزواج كفيلة بتدريب أسد ... وانت بعدك ماعرفت للحريم !!!!!!!!!!!!!!!!!!!!!!!!!!!!!!!!!!!!!



نصيحة ... لاعمرك تتزوج

عزيزى ردا على موضوعك....احتمال ان زوجتك فعلا تبيك تسولف وتتكلم معاها تبى تشوف الدنيا بعيونك.... اصدقائك.... عملك..... شنو تحب شنو تكره.....سفراتك.... موقف حصلت لك ودها تعرف كل شى عنك.....وممكن انها من خلال كلامك وسوالفك....تتعرف على شخصيتك وتعرف اللى انت ماتحب تقوله لها او انك خاشه عنها..... عزيزى سولف ...... سولف ..........وسولف............. ترى السوالف فرى بدون مقابل ارضيها اذا كانت مبسوطه بانك تسولف معاها سولف



الله يسمح امورك

صدى اصيله

يبا تبيك تسولف لها عن يومك وين رحت وتبيك تقولها بالتفصيل الممل يعني رحت مع فلان فلان صديقي من عشر سنين متزوج من سنه ماعنده عيال رحنا المجلس وجلسنا ولقيت فلان فلان اللي اخته تشتغل مدرسه عندكم ويعني هالطريقه

بصراحه انا ما اقدر اتكلم بهالطريقه بس دام تقول انك ثرثار فتقدر تتكلم بهالطريقه اللي قلت لك عليها وبتشكرني انشالله

ألله يخليكم وجعلكم تسلموا والله يا غالين
أنتم فتحتو لي أفق واسع من الأفكار صحيح أن عندي أشياء متجاهلها

زأزيدكم أيضاً من بعد زواجي بشهر وأنا أي حاجة أسويها خارج البيت أحفظها حتى إذا جلست معها أقولها كل ما حصل بالتفصيل حتى أسد الفراغ


أخوي سكوتر إن شاء الله بسوي طريقتك شكلها فعالة وحلوة زيك جعلك تسلم


الحر-ملك و صدى اصيله أنا أتكلم بالتفصيل عن حياتي اليومية حتى اني أقولها زميلي ضحك وشق الورقة والغريبة حط نصها بالزبالة والنص الثاني فوق الطاولة يعني هذا من الدقة والتفصيل لكن الله يجيب الحل المناسب


عبدالله السريع خلك متابع حتى نحل المشكلة أنا وانت مع بعض

ماشالله عليك اخي اللاحق بالركب الله يخليكم لبعض

نصيحتي لك أخي الكريم
أجعل كل السواليف فيما يخص حياتكم الزوجيه فقط
فهذا الوقت ثمين وحرام يضيع سدى في قال فلان وقال علان
احذر ان تمدح نفسك مدى الحياه وتقول أنا طيب أنا كريم انا شجاع انا غني الخ
دعها تكتشف كل صفاتك بنفسها من خلال تعاملك
اسألها عن حياتها ودراستها وطموحها وأمانيها وأثناء كلامها اوعدها بمساعدتها في تحقيق طموحها وبمستقبل أكثر إشراقاً
احذر ان تتكلم عن تجربة حب سابقه في حياتك او عن إعجاب البنات في وسامتك فهذا يحط من مكانتك عندها وتهتز الثقه
أخبرها ان الكل يحبها أنت أهلك أذكر صفاتها التي تعجبك ودعمها اغرس الثقه في نفسها أكثر وأكثر
اثناء كلامك معها إجعل الابتسامه مشرقه على محياك فأثرها عظيم ولاتصعر خدك لها أثناء الكلام
اطلب منها أن تقترب لتلقي كلمة سر خطيرة على مسمعها وأرسم قبله حاره على خدها ثم تنحنح وقل هذا يوم ميلادي الحقيقي
إذا سألتك عن لونك المفضل اذكر ماتلبسه لك وقل هذا لوني المفضل لانه مرتبط بأغلى جوهرة في العالم
إذا سألتك عن أمور خارج نطاق حياتكم الزوجيه فأختصر الاجابه قدر المستطاع واذا سألتك عن السبب
أخبرها انه يسعدك ان يكون الحوار فيما يخص حياتكم الزوجيه وان هذا مايشغل بالك ومحور اهتمامك وسلامتك

تحياتي / هتــــــان

أولا : حياك الله وبياك أخي ( اللاحق بالركب ) في منتداك وبيتك الثاني ...
وأسأل المولى الكريم أن يجعلنا وغياك ممن يلحقون بركب محمد صلى الله عليه وسلم .

ثانياً : موضوعك جميل وإن كان جاد ، ولكن فيه شيء من الرفاهية والجمال .. تعليقات الاخوة
وردودهم زادت من ذلك .

ثالثاً : إنني أضم صوتي إلى غالب ما قاله الاخوة .. وأضيف هذه النقاط المختصرة :
* أرح نفسك ووفر عليها كثرة التفكير في كل الاحتمالات المذكورة بسؤالها ... عن ماذا تحبيني أن أسولف .
* خذ الموضوع بدعابة ، ولا تحسبه في قائمة المشاكل .
* حاول أن تنوع . فلا تعود المرأة على أسلوب واحد فسيأتي وقت يصعب عليها غير ما عودته عليها
وفي ذلك الوقت بالذات سوف أو ـ قد ـ يصعب عليك الاستمرار فيما عودتها عليه .
* أؤيد وبشدة كل ما ذكره الأخ الفاضل ( سكوتر ) .
* إذا اصبح الأمر لديك غاية في التعب ، فلا تدمر حياتك .. صارحها مباشرة بأن فعلها يضايقك كثيرا .

وفقك الله كل ما يحبه ويرضاه ... وأدام السعد بينكما ..

تحياتي وتقديري ؛؛؛

__________________
... ( بالحب نعيش أجمل حياة ) ...