انا بكل الحالات ..
راتبي ينصرف عالبيت و مدارس الاولاد و الحضانة و الشغالة و السواق

يعني كان هدفي من وظيفته التانية انه يشغل وقته بشي مفيد ..
و ما يتعود يجلس فاضي و لما يحتاج فلوس ياخد من فلان و علان .. او يطلب مني ..

روح ... وضعه لايحتمل التنظيم ! ،، عمله الثاني يتطلب منه الغياب ..
لو ترك هالشغله راح ترجعي لموضوع السهر يعني ماتقدرين تجبرينه او تنظمي او ترتبي وضعه بموضوع اللقاء مع اصدقاءه ...

لكي اختيار احد الخيارين .. يا اما السهر او ساعات العمل الطويلة وتطلبي منه من فترة لفترة ان تطلعوا كعائلة عشان تغيروا جو ..

ورمانتين بايد مايصير

روح
مو كل شي يجي زي مااحنا عاوزين
حددو يوم بالاسبوع للعائله
ترى مل العوائل كذا
الام او الاب مطحونين بالشغل
هو الويك اند الي صح يستغلونه لو يوم
وهو طالع طالع
يا لاصدقاء البلوت والشيشه او الشغل
فالشغل احسن
ولازم تدعمينه وتشجعيه
لاتحطي عتب فيرجع للماضي

معليه تحملي روح
هي فتره يثبت نفسه بالشغل الجديد
ويمكن تكون فاتحه خير لكم ونقله نوعيه لكم وباب رزق
اصبري
دام بالشغل

روح انت قلت ببداية موضوعك
انك انت اللي طلبتي منه يستغل وقته
صح؟
معنى بالنسبة لي ما اشوف 4 ايام اجازة
كثير بالعكس فرصة انه يجتمع معاكم على الاقل
على الوجبات

لكن بعد نصحك وتشجيعك اشتغل
ولما اكتشفتي انه غلط تبغين منه يترك ؟
يمكن حتى هو شايف انه كذا الرجال البيرفكت بعينك

لان بكل مواضيعك تقولين لزوجك اشتغل اشتغل اشتغل

فمدري حسيت انك بتتسلطين وتبغين امورك
تمشي على هواك ولا ؟

بصراحه يعني ياروح احس انك قويه ومسيطره على زوجك كسر خاطري يعني طلبتي منه يشتغل وسمع كلامك
واشتغل وصار مسؤول ويتعب والى الحين مو راضيه ..الأفضل انك اتشجعيه والوقت اللي يقضيه وياكم استمتعوا بوجوده بينكم انتي والأولاد وفي غيابه كلمي الأولاد عنه مثلاً ماعليه بابا يشتغل عشانكم ووو اغلب الآباء صاروا يشتغلوا وقت طويل في ظل هذي الظروف الأقتصاديه ..

أختي روح مشكلتك تكمن في نقطتين

النقطة الأولى انتي تبين زوجك على كيفك في كل شي و في أدق شي و هذا شي مستحيل

النقطة الثانية انتي رغباتك مشتتة و متناقضة ومو عارفة أش تباين زوجك بظبط

الله يصلح حالكم و يهدي سركم و يسعدكم و يبعد عنكم الزعل و الجفاء

مابغاه يترك الشغل و لا ابغاه يكون على كيفي .. و لا انا وحدة مسيطرة
و اكيد اطلب منه يشتغل .. و خاصة الي يعرفوني من قبل و يعرفوا حكايات زوجي و شخصيته السابقة .:

مو ذنبي اذا هو ما يعرف ياخد قرارات و أعطاني الصلاحيات هذه بطيب نفس منه ..
و برغبته و ارادته .. و ما أظن فيه أنثى تحب هي الي تفكر او تقرر ..

و مين قال اني احب كذا !؟ لكن خلاص هذا زوجي و هو كذا ..
و حتى امه مرات تكلمني عشانها تعرف ولدها ما يعرف مصلحة نفسه
و انا مع اخواني اكون مرتاحة لانه هما يقرروا و يفكروا في كل شي

فلا احد يحطنّي في قالب غلط .. و يحلل شخصيتي بشكل غلط

انا جالسة اقول ( كيف انظم وقته ) .. و لانه هو أصلا مو عارف كيف ..
و الإرهاق هذا بياثر على صحته ..
و بيجيب له الضغط و السكر و القلب لا سمح الله

و الفراغ يوصله للفساد و الشلل الخربانة لا سمح الله
هما اصحابه حوالينه الان و اخوه الصغير اكبر مفسد ..
فأفضل لزوجي ينشغل عنهم بشي مفيد و الشي هذا يزيد احترامي له

عكس لما اشوفه ماشي مع ناس............ و فاشلين و عاطلين و اصغر منه
ب 10 سنوات

فأنا برضو جالسة اشوف مصلحته ..

ماعرف ..
ما احس احد فهمني ..

و ما ابغى اجلس أفسر الماء بالماء بعد جهد جهيد

الي يقول مسيطرة و الي يقول تبغيه يشتغل يشتغل !؟
..

تقولوا خليه عالاقل يوم واحد في الاسبوع يجلس معاكم
او يخرجكم .. او يتغدى معاكم !!

طيب انا ليش فتحت الموضوع !؟
مو علشان الشي هذا !؟

انا أبغاه يشتغل عشان مصلحته و مو علشاني متسلطة !!!؟
مبتعثة متفائلة اكيد ملاحظة كيف كان قبل و كيف حاليا ..

و بليز
مابغى اجلس اشرح من جديد .. ما مضى ..

فيه حل اكمل ..
مافي حل .. خليني ساكتة افضل و بالعة و كاتمة

يا أختي هدي أعصابك الكلام أخذ و عطى

وعشان اختصر عليك و على نفسي كثر الكلام فيه نوعية من الناس ما عندها حل و سط

يعني يا ابيض او اسود و اعتقد ان زوجك من هذا النوع و خاصة اذا وجد متعته

الحل في يدك طالما انك قدرتي لوحدك تخلينه يشتغل قادرة انك تخلينه يرتب وقته

وانتي قدها و قدود

اخوي فارس مكة

السوال ( كيف !؟ )

ترى حتى هو بنفسه .. طلب مني و قال لي ( كيف !؟ )

و فعلا هو كذا .. يا ابيض يا اسود ..

لو اني متسلطة و ابغاه على كيفي ..
كنت قلت اهم شي مصلحتي و خليه جالس لنا فاضي
اهم شي بيخلص لي مشاويري و أموري و يساعدني لو احتجت له ..

بس كان عنده وقت طويل للجلوس مع شلة همها بس تضييع الوقت عالفاضي
و اعرف تأثيرهم السلبي عليه .. لانه زوجي من الناس الي يجاملوا لو على حساب دينهم
المهم يجامل الي قدّامه و من النوع الي يقلد غيره و يتاثر

يعني لو ما سمع كلامي
بيسمع كلام واحد تاني .. هو شخصيته كذا و هو كذا ..

انسان ( تابع و لَيْس قائد )
يعني لازم احد يقود عيلتنا

فأنا أقودها .. افضل من انه صاحبه او اهله يقودونا

و مو بكيفي .. و لا الشي هذا الي انا ابغاه
فماني زوجة مسيطرة .. بس هو كذا خلاص