الوضع خانق فعلا .. أهلها محترمين ومحل ثقة وهي كذلك فمن المؤذي أن لا تسمح لها

اسمح لها واطلب منها الاستئذان قبل أي مشوار وإذا كثرت طلعات قل لها قبل يومين وانت طالعة هالمرة ما ارضى وبتتعود

يا أخي يقال أطلب المستطاع حتى تطاع
اذا تركت لزوجتك حريه ومساحة ستحترم أوامرك وتطيعك
إذا خنقتها ومنعت كل شي لن يكون أمامها حل إلا العصيان والتمرد

الله يصلح حالكم

__________________

__________________

فقط وافق لها أن تخرج مع ابوها او اخوها. ،،، هي ابنتهم لن يرضوا عليها بما لم تراه انت لها

ايضا ليس من المعقول أن لا تخرج مع اخواتها وايضا نحترمها

هذا حبس وتحكم

بالرغم من اني أتفهم لهذا الحبس أنه من حب ولكن كثير من النساء لا يفهمه كذلك

__________________
أعلل النفس بالآمال ارقبها .. ما أضيق العيش لولا فسحة الأمل

جزاكم الله خيرا على المشورة الفالحة , على كل حال حاليا هي لا تستجيب لاتصالي وهذا اليوم الثاني لها فالهدف من اتصالي هو تعديل الوضع بشكل ملطف ولكن لا أعلم ما الهدف من تجاهل الاتصال ..خاصة انني خلال هذين اليومين اتصلت مرات عديدة وارسلت عدة رسائل متضمنة عبارات لطيفة مرتبطة بالاصلاح وان كل شيء سيكون على مايرام ولكن لاجدوى فأتوقع انه يجب كما ذكر الاخ الفاضل ان اتوقف عن الاتصال او الارسال ,, جزاكم الله خيرا.

اولا الله يألف بينكم ويهنيكم

ثانيا يااخي اراعي غيرتك وحبك لزوجتك لكن انتبه ان غيرتك الزايده تكرهها فيك وتكثر المشاكل بينكم
وخروجها مع ابوها واخوها مافيها شي اكيد بيحرصون عليها مثلك وبعدين هالفتره ربي عالم بنفسيتها تحتاج انك تحن عليها وتطبطب عليها مو تشد معها وتزيدها قهر وانت كبرت المشكله خصوصا لمن قلت طلاق ومدري وش الموضوع مايحتاج هذا كله لاتخلي الشيطان يدخل بينكم ويكبرها هيا الحين زعلانه واكيد مابترد لانها عارفه ان بتزيد الطين بلة لذلك ارسلها رساله
لطيفه انك ماتقصد تضايقها بس من حبك وغيرتك عليها وزي كذا والله يسعدكم ويصلح بينكم

اسلوبك معها سيسبب نفورها منك.
حتى لو كنت مب مقصر معها بشئ.
حاول تخفف غيرتك انته اتزوجتها وخذتها من بيت اهلها ليش الحين صاروا اهلها مب عاجبك حياتهم.
هاذيله اهلها.
وبالنسبه لاسلوبك وحده توها فاقده جنينها المفروض تروح تساندها نفسيا مش تضغط عليها نفسيا.
المفروض تعيد حساباتك مع نفسك.

انت شديد معها ،، الحياة مو بس معك هى بالاخير انسانه تحب تروح وتبسط مع اهلها ،،، انت بكذا توصل لها رسالة كل شيء معي مشاويرك معي يعني بدونك هي ولاشيء هالاحساس جدا بشع لما الشخص ترتبط فيه ويعزلك عن الحياه والمجتمع بدعوى انه زوج
طيب انت كمان ممنوع تطلع مع اصحابه الا بوجود زوجاتهم وزوجتك ممنوع تروح نادي عشان هي بتطفش لوحدها ممنوع تسوى وممنوع تحط ووو الا بزوجتك هل ترضاها على نفسك لا طبعا ،،، والله حياة مثل هذي لاتطاق وزوجتك اليوم او بعد سنه بتفررر منك وبتنفر وتكرهك وتعتبرك سجان لها انتبه وفوق لنفسك كثير زيحات انتهت لنفس السبب

فيه شيء اسمه تفاهم توازن حب وكل شيء بالتراضي .. وترا موشر خطير ان زوجتك ماهمها تسقط الجنين .. لو زرعت حبك بقلبها ومامنعتها بالطالع والنازل قاعد لها كان هي اكثر وحده زعلت انها سقطت لانه طفلكم وفيه من ريحتك ولانها تحبك

فانتبه بارك الله فيك

اشغل نفسك وخلها تتونس بحياتها تروح اهلها صديقاتها مافيها بأس

نهايه هالتعامل منك والغلظه نفور ،، كره ،، بتطلع لك مشاكل ثانيه ،، ممكن تسير ماتبغاك حتى تلمسها تنفر منك ولا راح ترتاح لا انت ولا هي

__________________
ان لم تستطع التفاؤل ،،
فلا تخبر أحدآ أنك متشائم .

الله يكون بعونها.اسلوبك شديد ومتعب معها
يعني وش المانع اذا خرجت يوميا طالما لم تقصر بحقوقك
ترى امهاتنا الاولات يطلعن يوميا كل ضحى تسلم على جاراتها على اهلها وترجع تكمل شغلها ..

ليش التشديد والتضييق؟
بعذرها مالومها يومنها ماترد على اتصالاتك ورسايلك وفوقها تهددها بالطلاق

غير اسلوب التشديد يجي بعد اسلوب التهديد
شف نفسك لما احد يتعامل معك بهالاسلوب ،مو تنفر منه وتحاول تبتعد عنه؟

لا تخلي زوجتك تفقد الامان معك.. تهديد بالطلاق بالطريقة هذه تخليها تفقد الامان معك.. وهذا يهدد حياتكم ... المفترض تحسسها بالامان معك.. مو تجلس تقولها ما تطلعين مع اخوانك !!! خير اخواتي عاشو وتربو معي من الصغر بالاخير يجي فلان من الناس يقول ما تطلعين مع اخوك !!!!!

لو اختك يقولها زوجها كذا هل ترضاها وتاخذ الموضوع سهلات كذا ولا يكون هامك شي؟

بعدين الغيرة بحدود مو بالطريقة هذه. انا اطلع مع اخواتي وبنات اخواتي وبنات اخواتي متزوجات وعندهم عيال وعادي ازواجهم يعرفون بذلك والامور طبيعية .. ان اعتبر الخال وخال عيالهم رغم انهم اكبر مني.