الحلويات الرمضانية
عجينة القطايف
كوب دقيق
كوب ماء
معلقة كبيرة خميرة جافة او فورية
معلقة ضغيرة ممسوحة سكر
ملح
الطريقة
ضعى كل المقادير كلها فى الخلاط (بتاع العصير) واضربيهم كويس
احضري مقلاية تيفال وامسحيها بالفرشاة بالزيت
ضعى العجينة فى كوب او بالكبشة (المغرفة ) نزلى يا دوب
شوية مقاس القطايف حتلاقي السطح به فقاعات
القطايف اللى بتشتريها بالظبط بس بشررررررررط لا تتركيها على النار
تنشف من تحت يعنى اول ماتلاقيها بتعمل الدوائر المفرغة من فوق و
العجينة البيضاء اختفت تروحى شايلة القطايف وتكررى العملية لحد
ما العجينة تخلص وبعدين تحشيها بكل الطرق اللى قلناها فى الملف
سواء مكسرات او قشطة او كريمة او جبنة رومى
وبالهنا والشفا
ملحوظة
انا لا تركتها تخمر فى الاول علشان لو خمرت فى الاول بتتخن جدا
اثناء السوى واثناء ما انتى بتعمليها لو لاحظتى انها بتخمر وتتخن تذودى
شوية ماء صغيرين جدا يعنى حوالى معلقة ماء وتقلبى العجينة وتكملى
عادى خالص
القطايف بالجبنة
المقادير:
1/2 كيلو قطايف حجم متوسط ( ولا كبيرة ولا عصافيرى )+جبنة رومى مبشورة حوالى 1/4 كيلو +زيت للتحمير
الطريقة
احضري القطايف واحدة واحدة و احشيها بالجبنة المبشورة بالمعلقة الصغيرة سخنى الزيت فى المقلاية و حمرى فيها القطايف عادى خالص حتبقى لونها زهبى شيليها على الورق الماص للدهون و تؤكل وهى ساخنة
ملحوظة : لطول شهر رمضان كونى جايبة مثلا كيلو جبنة رومى و اضربية فى الكبة مرة واحدة و حطية فى علبة بلاستيك فى الثلاجة و كل يوم يا دوب فى 5 دقائق تكونى حشيتى القطايف قبل المغرب على طول وكل ما تخلص الجبنة تجيبى غيرها وهكذا
بيتزا بالقطايف
المقادير:
نص كيلو قطايف كبيرة الحجم طازجة +صلصة طماطم+جبنة موزاريلا+زيت زيتون+فلفل رومى حلقات +بصل حلقات +زيتون اسود+وممكن تونة
الطريقة
اخلطى الصلصة بمعلقتين كبار زيت زيتون وادهنى بيها القطايف ضعى شريحة بصل وعليها شريحة فلفل وعليها زيتون منزوع النوى واضع عليها طبقة من الجبنة الموزاريلا اضعها فى صينية مدهونة بجانب بعض وادخلها الفرن حوالى 10 دقايق لحد ما تستوى والجبنة تسيح وتحمر
قطايف بالكريمة
المقادير:
1 كيلو قطايف+عسل (شربات)+مكسرات مفرومة (اى نوع)+زيت للقلى,+كريم شانتى.+كريمة الخفق(اختيارى)
الطريقة
نجيب القطايف ونبرمة زى القرطاس من تحت وبعد كدة نقليها فى الزيت وتطلعيها من الزيت تحطيها فى الشربات بعد كدة تصفيها من الشربات وتضربى الكريم شانتى مع الكريمة وتحشى بيها قرطاس القطايف اللى عملناة وتحطى على الوجه الكريم شاتنى مكسرات مفرومة
القطايف الطائرة
المقادير:
نص كيلو قطايف عصافيرى+جوز هند+زبيب + قرفة ناعمة+زيت وسمنة للقلى +شراب
الطريقة
نضع الجوز الهند على القرفة على الزبيب ونخلطهم بالمعلقة و احضري واحدة قطايف حطيها على ايدك وضعى عليها معلقة من الحشو احضري واحدة ثانية قطايف وضعيها فوق الحشو يعنى كأنك بتغطيه بيها واقفلى القطايف باصابعك كويس بالضغط على طرفى القطايف داير ما يدور (يعنى شكلها النهائى لن يكون نصف دائرة لا سيكون دائرة كاملة ) حمريها وبعدين ضعيها فى العسل..
الدونات
3/4 كوب زبده
نص كوب سكر
4 بيضات
2كوب حليب
2معلقة صغيرة خميره جافه
ربع كوب ماء دافىء
معلقة صغيرة فانيليا
دقيق (نبدء من 4 كوب)
الطريقة
نضرب الزبده مع السكر كويس ثم نضع البيض والفانيليا
ثم نضع الحليب ندوب الخميره فى الماء دافيء
ونضعها على كوب دقيق ثم نضعها على المقدار
ونخلط كله ثم نضع باقى الدقيق تدريجيا حتى الحصول على عجينه
طريه ومتماسكه
نتركها تخمر فى مكان دافى ساعتين ثم نفردها ونقطعها دوائر بكوب
او بقطاعة الدونات ثم نقطعها من النص بقطاعة اصغر ونتركها تخمر تانى
لمدة ساعة نضع الزيت على النار ونحمر الدونات ثم نتركه يبرد
ونزوقة حسب الرغبة اما نرش علية سكر بودرة او
شيكولاتة خام سايحة او حلوى الماء
وبالهنا والشفا
بلح الشام
2 كوب دقيق
1 كوب ماء
1 كوب ذبدة و زيت (يعنى نصف زبدة و نصف ذيت )
من 5 ل 6 بيضات
معلقة صغيرة فانيليا.ذرة ملح.
معلقة اكل خل ابيض
( وعلى فكرة انا كنت فكرة ان الخل لزفارة البيض لكن اتضح انه بيخلى البلح الشام ماسك نفسه )
الطريقة:
حطى الماء فى قدر على النار لما يادوب حيدفى حطى الزبدة والزيت على الماء
و لما يغلى حطى الدقيق كله مرة واحدة وقلبى بسرعة و النار واطية
لحد ما حتلاقى العجينة لفت معاكى و بقيت زى الكرة
روحى شايلة الحلة من على النار لحد ما تبرد خالص .
ابتدى حطى البيض على العجينة بس بشرط تحطى بيضة و تضربيها فى العجينة
لحد ما تختفى و بعدين تروحى حطة اللى بعدها بنفس الطريقة و هكذا
بس توقفى وضع البيض لما تلاقى العجينة عاملة خط نازل
من المضرب متماسك مثل منقار الحمامة تروحى حطة معلقة الخل و تقلبى كويس قوى .
هاتى الكيس بالقمع المخصوص بتاع بلح الشام و اقلبية الاول على ضهرة
و بليه بالفرشاة بالذيت و ارجعى اعدلية تانى .
حطى العجينة فى الكيس و انزلة فى الزيت صوابع طولها زى ما انتى تفضلي
و تقصيها بمقص المطبخ على الزيت الغزير الساخن
اقلى أصابع بلح الشام و تكون النار واطية أثناء التحمير
ثم اخرجه واضعه على ورق شفاف ماص حتى يتخلص من الزيت
ولما يبرد خالص احطة فى الشراب البارد حتي لا يطري منك
ولما تطلعية ممكن تحطى على طرف الاصبع فستق مفروم او مكسرات
و بالهنا و الشفا.
ملحوظة ممكن وضع المقدار كله زيت
وممكن وضع قالب زبدة اطبع ال 113 جرام
كنافة بالجبنة
نص كيلو كنافة
ربع كيلو جبنة ركوتا
سمنة
معلقة كبيرة سكر
معلقة كبيرة قشطة
عسل (شيرة) 2 كوب سكر / كوب ماء / نص ليمونة .
الطريقة:
نقصص الكنافة صغير بالمقص او بالكبة او نقطعها قطع صغيرة باليد
نفركها بالسمن السائح لحد ماتحسى بأيدك ان الكنافة كلها مبلولة بالسمن
نهرس الجبنة بالشوكة ونضع عليها السكر والقشطة ونفركهم ببعض
ندهن الصينية بالسمن ونضع نص كمية الكنافة ثم نضع الجبنة على الكنافة
بس لاتصل الى الاطراف علشان متتحرقش وتسود
نضع نص الكنافة التانى ونضغط الاول على اطراف الصينية داير مايدور
ثم نضغط بالراحة على باقى الصينية ونضع معلقة سمن سائح على الوش
ندخلها فرن متوسط الى ان تحمر (بس مش قوى ) ونخرجها من الفرن ونسقيها
بالشيرة وبالهنا والشفا
منقول بتصريف
جزاها الله كل خير صاحبة طرق التفريز
يتبع