مُمتنة لردودكم جميعًا
جزاكم ربي ما تتمنون

أنا قلبي مع الدراسة، ودي أتخرج وأبدأ أنتج : (
لكن خايفة من المستقبل ، أخاف تجي أمور ما اقدر اتنازل عنها بالوظيفة او بالدراسات
العليا
ويعتبرني مهتمة لمصلحتي الشخصية أكثر من حياتنا .
وبرضوا مثل ما قلت ودي احسسه مادمت ببداية الحياة اني زوجة جيدة
واني مهتمة بعلاقتنا.
وانها مهمة بالنسبة لي اكثر من اي شي اخر ، عشان بعدها أقدر ابني نفسي
واطورها وهو برضو يساعدني على هذا التطوير حتى لو اخذ من وقتي معه .
لذلك أقول لنفسي مادام اني قادرة أتنازل حاليًا ، مو مشكلة
ادرس فصل زيادة بعد الولادة بيكون وقتها باقي لي ميداني وهو يومين او ثلاثة
في الاسبوع بالكثير .
وبالصيف أستغيد من وقتي واضيف لخبراتي .

ومرات أقول لا ، بتكبر المسؤولية والطفل يبغى حقه وهو ايضًا يبغى حقه
و يمكن ما يعتبر تنازلي هذا شيء
و يمكن على عكس ما أبي يحس اني ماعندي مشكلة اتنارل عن اكسجيني -الدراسة -
وامور تطوير ذاتي لأجله .

هو شخص كويس مآبي أظلمه
لكني مابعد عرفته وفهمته كويس لذلك متخوفة.

مرات أقول اصرح له مايجول بخاطري بطريقة لطيفة
واقول اان حياتنا مهمة بالنسبة لي واني مآبي ابعد عنك واحنا باالبداية
والدراسة وتطوير الذات تراها سي مو سهل لكنها تجي بالطريق وانت
بتساعدني ومن هالكلام .

ولا اسكت والحياة كفيلة بإشعاره بهذا .

يا اختي الفاضله انت ايش تخصصك؟
انت ذكرتي انك ترغبي انك تكوني منتجة طيب ليش ماتكوني منتجة في بيتك صدقيني اعظم انتاج تقدمه المراة للمجتمع ابناء صالحين خلي جهدك كله لبيتك واولادك تعلمي كيف تطوري اولادك كيف ترضي زوجك كيف تديري مملكتك صدقيني هذي اعظم وظيفة لكي تحياتي لك

أهلًا الحسن ..
ومالذي يمنع أن أكون فعالة بالمنزل وخارج المنزل ؟
لا أعتقد أن الله خلق المرأة بهذا الكم الهائل من العطاء لكي أحصره في منزلي فقط .
المرأة لديها من الطاقة ما يكفي لإحياء أمة .
ثم أني احتاج لان احقق ذاتيً ، كيف أكون زوجة وأم جيدة وانا مهملة ذاتي ؟
والطبائع تختلف، قد يصلح كلامك لغيري لكن لا يصلح لي .
انا أصبح سلبية إذا حصرت مهامي في منزل .

ثم اني لا اتخيل كيف سيصبح حواري مع زوجي في حال حصرت انتاجي المنزل :
وين رحت ؟ وين جيت ؟ الولد ييغى البنت سوت .
صعب جدًا
سقف الحوار بينخفض وبيشعر انه يكلم وحده اهتمامتها محدودة
مقارنة ياهتمامته لبناء مستقبله وما يواجهه يالخارج .

يا اختي الان مع توفر التقنية الحديث ووجود النت اصبح بامكانك انت تزيدي من خبراتك وانت في منزلك لا تحتاجين للخروج وفي تخصصات تقدري تنميها وتفيدي الناس وتنتجي وانت قاعدة في بيتك- ما ذكرتي ايش تخصصك- الا ابغى اوصله اصبح الخروج من المنزل غير ضروري

الله في كتابه ورسوله الكريم في احاديثه جعل للمراة وظيفة الانجاب والتربية وحثها على القرار في المنزل وان لا تخرج الا للضرورة
والمراءة ليست مخلوق فضاءي هي بشر في النهاية تتعب وتمرض بل تمر عليها عوارض تجعلها غير مستقرة مثل الحيض والنفاس والوحام وحتى في قوتها الجسمانية والدماغية هي اقل من الرجل واعذريني لا اقصد اثارة الفتنة لكن هذا الواقع وما يثبته الطب لذلك تجدي اكثر المبدعين حتى في شؤون النساء رجال لكن الرجل اذا قيل له ان يرعى طفلا فانه لا يستطيع لانه لم يخلق لرعاية الاطفال لديه وظيفة مختلفة خلقه الله لها كل هذي امور تجعل منها غير قادرة انها تعمل اكثر من وظيفة اذا اختارت العمل في الخارج ستقصر في الداخل مستحيل تقدري تبدعي في الخارج والداخل

ياليت توضحين لنا هل زوجك سوف يبقى بمدينته حتى بعد تأجيلك ؟
ام سوف ينتقل للمدينة التي بها جامعتك قريبا ؟
هل لديك شخص سوف يساعدك بعد الولادة ..

الدراسة مع طفل صعبة لكن الاكيد انها ليست مستحيلة
لكن اذا انت متفوقة فالوضع صعب صعب جدا وانا عندك خير مثال !
تشعرين مع كثرة المسؤوليات انك لا أنت في النار ولا أنت فالجنة !
لا أنت المحافظة على أداءك الدراسي ولا أنت الراضية عن وضعك الاسري .

لذا ادرسيها من جميع النواحي .

من تجربة الدراسة قبل الولادة اسهل من بعد الولادة و مع البيبي و سهر البيبي و غير اذا تعب و قت الاختبارات
ياخذ من وقتك كثير اصلا ما بقي الا القليل بدال ما تروحين و تاخذين دورات دراستك اولى تخلصيها لان ما باقي الا 7 شهور على التخرج
و الاجازات روحي عند زوجك و خلي زوجك يختار تؤقيت مناسب لاجازته السنوية بحيث تقل فترة البعد
و اصلا الفصل الاخير ميداني بس يومين يعني كل شهر تقدرين تسافرين عند زوجك 5 ايام

أختي انا اشوف انك تكملين دارستك مدام انك في بداية الحمل ومابقي الا القليل على التخرج!!!
ومن الصعب انك تكملين الترم الاخير لو اجلتيه بعد الولادة عن تجربة
...
زوجتي تحسفت اني استعجلت في الزواج ولا خليتها تكمل الفصل الاخير
والان الحمدلله عندنا مولود ولكن كل مره نأجل دراستها ... لأجل المولود ,,

وزوجك مستحيل يبعد عنك سوا كملتي دراستك او جلستي عندك اهلك .. أكيد لابد انه يزورك بين فترة والاخرى اللين يحين موعد الولادة ... والله يتمم لك على خير

الحسن

وهل تحقيق ذاتي اذا كان سيؤثر على نفسيتي وعطائي لمنزلي وزوجي
لا يعد ضرورة ؟
تخصصي علوم اجتماعية وذكرت في موضوعي أن جلوسي بالمنزل
طول الوقت يجعلني سلبية وغير قادرة على العطاء


براءة
عند كامل الاستعداد للنضال والتحمل، والوالدة والاهل موجودين
والحضانات ايضًا .
وانا متفوقة ولله الحمد والرغبة اذا كانت موجودة يهون كل شي.
زوجي بينتقل لمدينتي بعد سنة .


همة
الاجازات صعبة اقدر اروح له، المسافة بعيدة ولا في احد متفرغ لي
يوديني له ويجيبني .
وهو مرتبط بإمامة مسجد هناك فلذلك ما يقدر يجيني لو ويكند : (


الفارس
ما اعتقد يزورني للسبب اللي ذكرته لهمة
انا ماعندي مشكلة لو بعد الولادة ادرس، لكني
حولت من قسم لقسم وطولت يالجامعة ابي اتخرج
لمتى اجلس ادور بدائرة البكالوريوس ودي اتقدم :

استجد أمر : (
غير رأيه وقال أجلي الدراسة كاملة لبعد الولادة
أنا ما أقدر اجلس 10 شهور لحالي(مدة الترم الاول+الصيفي)
قلت ولا انا ودي ، ودي انك معي لكنها فترة ونستقر .
قال لا ما اقدر .
قلت طيب مو مشكلة ماراح اخذ صيفي وباجيك الى ان يبدأ الترم
الاول ، قال : لا ما اقدر ايضا الفترة طويلة .
قلت: طيب العكس اخذ صيفي واعتذر الترم الاول وبعد الولادة يصير يبقئ لي ترم
قال ورمضان تتركيني ؟ رمضان لحاله عن 10 شهور .

وخيرني : يا أدرس صيفي واول ولا اشوفه الا بعد الولادة ، يعني بعد
10 شهور
أو اعتذر عن الدراسة كاملة ولا اكملها الا بعد الولادة - يكون المتبقي سنة دراسية حينها -

ومترددة ما ابي اخليها بخاطره ولا ابي افرط بدراستي
طولت وانا ادرس ودي اتخرج مآبي اطوّلها اكثر من كذا .


قلتله ما تقدر تتنازل وتجلس كم شهر من الصيفي لاجل راحتنا
قال طيب ورمضان ؟ رمضان ما اقدر لازم تكونين معي .


ان اخترت الخيار الاول اخاف تجي بخاطره طول العمر
وان اخترت الثاني طولت اكثر مما يجب بالدراسة : (