وعليكم السلام ورحمة الله وبركاته ..

أختك شو رأيها بعد ما قلتيلها عن اللي سمعتيه عنه؟


واعدريني أختي بنقل الموضوع للقسم الأنسب ..

__________________

اختي طلبت رايكم هذي رده فعلها
وان كانت تميل للرفض

أنا لو مكانها رفضت من غير تردد .. مادام الرجال بخيل مايصلح ومخلوع ومطلق من ملكة .. ابتعدي .. واذا متردده بعد حاولوا تأخذون رقم زوجته وتسألونها أحسن واريح ..
صدقيني راح تتعب لو كملت هالخطبة ..لاتخاف ترى رزقها مابعد يجيها خصوصا انها جميلة .. الله يوفقها يارب بزوج صالح

اختي انا بجيب السالفه بطريقه مختلفه وقد يكون توقعي صحيح او شبه صحيح او خطأ

كلمة بخيل تطلقها النساء على الرجل اللي ما يجيب لها اللي تبيه حتى لو ما كان عنده فلوس الله يكون بعونه

ويمكن الرجل غني ولكن ما يحب يصرف على زوجته كثييير هو حر طالما وفر الامور الاساسيه ويمكن زوجته موظفه وهو ما يقرب لفلوسها ويبيها تصرف علي نفسها اشوي مو كل شي على الرجال ( يمكن هذي طريقة تفكيره ) فطليقته ما حصلت مرادها

وبعدين كيف يكون بخيل وهو كل سنه يسافر بالشهور !!!!!!!!!
ممكن رجال ماسك اشوي وليس بخيل مره وحده وفي هذي الحاله اختك ما عندها مشكله كون راتبها عالي

ولا تسألين الحريم غالبًا ما يفيدنك فيهن حقد وحسد وتبي تبعدك عن الرجال

والخلع ماهو مشكله نهائيا ياما رجال انظلموا من الخلع والبلا من المرأه
اذا الخلع تقدرون تستفسرون عن سبب الخلع بالمحكمه اذا يبلغونكم راح تستفيدوا كثير

وان كان الرجل بخيل جدا ومقتر بالمعنى الحقيقي لكلمة بخيل وليس بمعنى النساء اذا ما جاب لها اللي بخاطرها قالت عنه بخيل
في هذه الحاله تركه افضل
ومن ناحية امه اذا الكلام صحيح انها متسلطه تلعب اختك دور البنت المسكينه وتمشي ورا كلام ام الزوج وما تتصادم معها نهائيًا اذا كانت تصبر وتستحمل وبهذي الحاله راح تحبها ام الزوج
وخلي ابوك يتناقش مع الرجال ويسولف معاه بأكثر من موضوع علشان يشوف منطقه وعقليته
وخليه يشوف اختك نظره شرعيه وهل يتوافقون او لا
والسفر ترى مو شرط معناه خربطه يمكن سياحه واستجمام ويقعد بمقاهي وشيشه مو دايمًا تاخذون فكرة خربطه وانه يعاشر عاهرات ويشرب خمر مثل ما هو منتشر عند الغالبيه مننا

وبعدين الرجال محافظ على صلاته وشهاده ومطلق وغني واختك كبيره يعني لو تجيب منه ولد تفرح فيه وان طلع الرجال سيء ما يشوف شر عصفور بالايد ولا عشره بالشجره
وان طلع طيب خير على خير

والله مدري يابدوي حساس كلامك منطقي
بس حتى الرجال قالوا عنه بخيل
ويسافر بالسهور اعتقد لان عندهم سكن او بيت لهالدوله الي يسافر لها فالسكن مجاني والسالفه مو بس انه مثلا صياعه
بس انه يمكن يتعود على عدم تحمل المسئوليه والسفر شهور

يا اختي لو فيه خير ما اضطرت زوجته الى خلعه عشان تتخلص منه
ولما دخل معها في محاكم وهو لم ينجب منها ابناء من اجل ان تتخلص منه بالطلاق
الرجل المخلوع لا خير فيه ابداً ابداً
الخلع له دلالات نفسية وخلقية
دناءة النفس وحب المشاكل ودخوله في محاكم وارتضاءه ان تخلعه المرأة بالمال حتى تتخلص منه بالقوة
هذا ليس برجل
لا ترمي بنفسها الى التهكلة

اريد سماع اراء اكثر

السلام والرحمه
حسب المكتوب اختج تملك شخصيه تفرض احترامها للناس بحكم مركزها التعليمي وتعاملت مع اصناف البشر اكيد قادره على فرض شروطها يشكل سياسي اختج غنيه عن مال الزوج لكن رغبتها بالامومه والاستقرار ورغبه والدج حفظه الله حلم بنته بالزواج لاتنظرين للماضي وتقولين والدي كان يرفض ولاتبنين خطوتج على اساسه فرحه والدج واستقرار اختج هو المهم دامها بتعيش بعيد عن ام الزوج بترتاح والله يحقق امانيكم وانتي سمعت عنه من طرف واحد والاهم تسمعون هو شو يقول لاتطلقين احكام على شخص قبل ماتبرين ذمتج وتواجهينه باللي عرفيه وطلب تفسير واضح منه خصوصا انهم مقبلين ع حياه زوجيه خلي اختج تواجه باسلوب لين ودبلوماسي

اهلا و سهلا بك
و يقدر حرصك على اختك و نعم الاخت انت
نصيحه اهربي من المطلق على الخصوص المخلوع كهربك من الاسد الجائع مقولتي ههههه
اتكلم عن تجربة
و ثقي ان المطلق لم يطلق زوجته الا لان فيه عيوب كثيرة
باعتقادي ان البنت لا تتزوج لتكون مطلقه في مجتمعاتنا فهي تحرص كل الحرص ان تعيش بسلام حتى لا تكون مطلقه اما من خلعته زوجته فاحذري منه
نعم هناك استثاءات و لكنها قليلة جدا
ارجوك احذري احذري

__________________
[img]http://im33.***********/edShu.gif[/img]

أعتقد أن من أفضل الحلول لكي تكونوا على بينة من المتقدم لبنتكم هو أن تسألوا طليقته عنه، صحيح أنه أحياناً قد تبالغ الطليقة أو تضع فيه مالا فيه أو تكون هي السبب في الطلاق، لكن باستطاعتكم أن تلتقطوا الأشياء المحورية في شخصيته من خلالها كلامها عنه.

__________________
ياصبحِ لاتِقبل !!
عط الليل من وقتك..