عزيزتي
لاتدققي صدقيني بتتعبي, اخوي مراهق وهذا هو اخووووي
ونفس الشي يعمله مع ولدي ومع بنت اخوي
ولدي بكل براااة يروح له ويقول له خالو خذ فلوسي واشتريلي حلاوة
اخوي يطالع فيه باستحقار ويقهره وياكل اي شي قدامه
اللي عاجبني انه ولدي ماشا الله عقله اكبر من عقل خاله
تلاقيه يطنشه ويروح يلعب وماصار يقرب من خاله
بس مرات اخوي يشتري شي وياكله قدام ولدي واذا ولدي
قال له اعطيني شوي؛ يصيح عليه خاله ,, خلي ابوك يشتريلك
فما احط راسي براس اخوي واطننننشه واكلم ولدي واقول له
تعال حبيبي؛ بابا لما يجي يشتري لك.
ولا اقول له دحين نشتري لك من الطريق ولاتزعل
مع العلم انه الحمدلله كل شي متوفر لولدي وحتا مرات
اكون مشترية كولا واسنكرز وحلويات وحاطتهم في الثلاجة
واخوي يسالني حقة مين ? فاقول له خذه بالعافية
يعني الحمدلله موفرة كل شي لولدي
بس مرات مثلا يخرج اخوي ويطلب لنفسه وجبة
ماكدونالدز ويجيبها البيت ويجلس ياكل قدام ولدي
فيشتهي ولدي البطاطس تبعهم
وانا راجعة البيت مع زوجي , تلقيني اطلب منه يوقف
قدام ماكدونالدز واخذ لولدي عشاني وعدته وحتا لايحس
بشي
المهم،، هذا وهو اخوي ،،
ومرة زودها اخوي و صار يهين ولدي ويبكيه وشوي ويضربه
ويهدده وانا موجودة،، و ولدي ماكام غلطان وحتا امي انقهرت
من اخوي
فعصبت خلاص وطفح الكيل وقلت له يوم ابوه ولا امه يموتوا
لاسمح الله ، وقتها تربيه علا كيفك،،
دام ابوه عايش فمالك كلمة عليه ولو قل ادبه تجي تكلمني
وانا اربيه واادبه ,, بس ماتهين كرامته وتذله
انا بالقصد اسكت وماارد عليك قدامه عشان اخليه يحترم
خاله ولايرد عليك وانت شايفه كيف يحترمك
فلا تخليه يضطر بيوم يقل ادبه غصب عنه, واحترمه مثل
ماهو يحترمك
طبعا اخوي طول لسانه وقال ربيه ومادري ايش وقل ادبه
بس سكتت ومارديت عليه وطااااالعت فيه بنظرة حادة
وامي كملت وخاصمته
وكم يوم ماصرت اكلمه لحد ماجا اخوي بيوم واعتذر مني
وقال لي من ضمن كلامه انه مايبغا ولد صغير قد ولدي بيوم
من الايام يجي يمشي كلمته عليه, وجلست افهمه وتصارحنا
لكن مازال اخوي احسه مايعطي اي اهتمام لولدي ويبتسم له
ابتسامة صفرااااا
امي تقول لي يمكن اخوك يحبك اكثر من بقية اخواتك ويغار عليك
لانه يحب اخوي المتزوج ونفس الشي يعامل اطفال اخوي
فامي تقول انه يغار علا اخوي من اطفاله؟
وانت نفس الشي يمكن اخت زوجك تغار علا اخوها من بنته؟*