يادلع الحلوة الدلوعة
هي برنامجي والله الي حطيتو مشان العرس
بس وينك
انا من قبل مااخطب وانا مهووسة عحالي
وبعمل عناية بحالي دايما يعني كنت دايما مهتمة بحالي
بس لماسافر الحبيب انسدت نفسي عن الدنيا
واضربت عن كل مايخص الجمال
حتى الكخل ماحطيتو
حكيت لاجمال والحبيب بعيد عني
فلماقربت الحكاية والعرس قاد بقرب
حكيت لااااااااازم ارجع لعنايتي بنفسي تعت زمان
واتفضلي انت وكل البنات
::::::::::::::::::::::::::::::
1- تدليك الصدر يوميا
....
2-كل يوم تحطي هالخليط على وين مبدك من جسمك وخصوصي على اماكن الغماق الي هية(الركب - الاكواع -تحت الابط-بين الفخين) وعلى فكرة اناماعندي هالغمقان ماشاءالله بس الا مايكون فيه ولوحاجة خفيفة وزيادة الخير خيرين خليهم يصيرو بلمعو والخلطة انا من زمان بستعملها ونتيجتها روعة (مقادير متساوية من الجلسرين وعصير الليمون وماء الورد) وممكن احيانا حسب المزاج احط عصير ليموت عنفس الاماكن وامسحها بعد فترة بس هي منيحة لوحدها بس للزيادة انا بعمل هيك لانو الاولي بترطب اما الليمون لحال بصير ينشف وبدو بعدها ترطيب المكان
3-دهن اليدين والرجلين بنفس الخلطة تفتح وتنعم زي البيبي
4-بشكل عام ادهني جسمك حسب متقدري من هالخلطة هية بتلزق شوي وهيك ملمسها بدايق شوي بس نتيجتها جنان
5-الاستحمام دوما بالصابون النابلسي(
شكعة او الجمل)هي كل مسمياتها
6-غسل الوش بالليل بالصابونة النابلسي ثم دهن الوش بمية ورد.
7-ماسك خيار او عسل(هي لليوم مابديت اعملها لانو الدنيا برد وهيك مابعرف مكسلة عنها وحاسة مالها لزمة كتير بس هية روعة للسواد الي تحت العيون راح ابلش فيها قريب إن شاء الله)
8-الرموش دهنها بزيت خروع خفيف بتطول وتسمك عن تجربة من سنة ونص والله بس هلأ كسلت وبديت فيها ووقفت لانها بتزهق بس حرجع الها
9-الشعر حمام زيت بخلطة زيوت وحتى لو شعرك ناعم اعمليها انا شعري ناعم كتير ودهني كمان وطويل بس هاي بتغذي الشعر وبتطولو وانا اموت واطول شعري كمااااااااان
المهم انا بستعمل خلطة هندولين وهية اكتر من روعة صراحة اجت عشعري كتير وأثرت عليه وفعلا بطول بسرعة منها وبضيف كمان زيت خروع عليها عاد شعري دهني لو عملت كل اسبوع بصير ملزق بالمرة عشان هيك انا بعمل اسبوع اه واسبوع لا انت لو شعرك جاف او عادي اعملي كل اسبوع
10-الاسنان:حطي عسل عالفرشاة وفوقيها معجون واغسلي وشوفي الفرق من اول مرة او خدي خبرة احرقيها كتير كتير لتصير فحمة وفتفتيها وحطي عسل معها لتصير عجينة وفرشي راح تملي الدنيا سواد من جواليكي عالحوض والارض بس اتفرجي عالبياض هادول الطريقتين من تجربتي اشي روعة عاد الايام هي مطنشة ومكسلة بححكي لمايقرب العرس اكتر
11-الشفايف ادهنيهام عسل بعدين لماتمتصو شيليه
...... بعدين حطي زبدة كاكاو
انتو شايفين 11نقطة ومفكرين انو لخمة ووقت طويل
بس والله ماتاخد شي
والله هي كل شي عندي وكلو اثرو حلو ومافيها حجات غريبة
جربي يادلع ويابنات ماحتخسرو
وامانة برقبتكو كل وحدة تستفيد تدعيلي من قلبها الله يجمعني بخطيبي سريع
ااااااااااااخ والله القلب محروق ومقطع
لوالناس تعرف شو صاير فية ولاشو بقلبي
لتبكي
يارب فرجها قريب
معلش طولت عليكو
مع حبي لكل البنات
وياب الكل يخطب
وخصوصي انتي يا شوبارد
بحبك انا بالله
وبتمنالك كل خير يااااااااااااااااااارب
وانسان يستاهلك ويشيلك في عيونك يارب
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت