شوفي اختي انتي ضعيفه جدا
وهذي مشكلة النساء...
الضعف هو خراب البيوت ماينفع المرأه تصير ضعيفه
القوه ليست بطول السان وعدم الاحترام ...القوه ان تكوني انسانه تعود زوجها على احترامها من اول ماتدخل بيته...عن طريق احترامها له عن طريق شخصيتها القويه من خلال نظراتها كلامها حتى مشيتها
واهتمامها بنفسها وفيه ...تدرون وش مشكلة الحريم انها اول ماتتزوج مايصير عندها اي اهتمامات الا زوجها تنشبله بكل شي لحد مايمل
لا هوايات ولا صديقات ولا اي شي...
عشان كذا الرجال يحس انه متزوج وحده تافهه ماعندها شي
لكن لما يحس انه لها حياتها الخاصه
لها اهتماماتها صديقاتها اهلها
وفوق هذا محترمه طيبه رومانسيه معه تدلعه وتهتم فيه وماتقصر عليه ولا على اهله بشي ...يحس ان لها قيمتها
واي كلمه فيها غلط عليها ماتخليها تمر ... تحاسبه عليها وتعرف الاسباب وليش قالها
واذا طقها تتركه لبيت اهلها...لان مافيه شي اسمه اسرار بيت بهالمواضيع
بس كثير من الحريم مجرد تتزوج خلاص تحسب ان الحياه رجل وبس وان الدنيا توقفت عند هالحد
تتنازل وتمرر كل شي...ولما يتعود على اهانتها واهانة اهلها
تجي تقول انا كنت اضحي وكنت اتحمل...ماتدري انها بتصرفها هذا جنت على نفسها وبيتها..حتى هو اصلا مايرتاح اذا لقى نفسه كل مايبي يهزأ الباب مفتوح له على مصراعيه لتهزيء
يحس انه ماخذ حرمه ملطشه مع احترامي لك انا ماقصدك انا اتكلم بشكل عام
الدرجة ان كثير من الرجال لما ياخذ الثانيه مايتجرأ يتفوه عليها لو حرف واحد والأولى بس يشوت فيها
مع انه هو نفسه شخصيته وحده
لكن لان الاولى عطته مجال والثانيه قالتله ستوب حدك
وعموما جربي هذا الحل لعله يرحمك على الاقل
طنشيه ابتعدي عنه قليلا لاتتكلمين معه ابدا
الا اذا سألك عن شي... كلمه ورد غطاها
حتى لو يسب ويهين تجاهليه
ادي واجباتك كامله
اكله لازم يكون جاهز وملابسه مرتبه وغرفته مرتبه
وبنفس الوقت تظاهري بالحزن الشديد
حاولي ان تجعليه يراك وانتي تبكين
واي شي يقوله اسكتي لاتردين عيشيه جو حزن
لعله يرحمك
واذا حس فيك وجا ناقشك...قوليله انا بسألك سؤال واحد انت تبيني ولا لا
اذا قال ابيك ...قوليله اللي يبي زوجته يحفظ كرامتها حتى لو مايحبها على الاقل يحترمها
قوليله انا مافرض نفسي عليك اما امساك بمعروف او تسريح باحسان خليه يحس انك جاده جدا بكلامك
واذا قالك مابيك قولي جزاك الله خير كان قلتلي من الاول بدل هالاهانات
وانشاء الله مايقولها
وانصحك عليك بالاستغفار والدعاء لله رب العالمين وصدقيني ماتخسرين
وقولي لنا وش يصير معك
التعديل الأخير تم بواسطة كل الاسامي ; 09-11-2009 الساعة 11:12 PM
09-11-2009, 11:08 PM
ضوابط المشاركة
العرض العادي
