انا زوجي يتغيب احيانا بسبب العمل يوم يومين ثلاثه وعندنا شهر في السنه يغيب فيه 20 يوم عمل وماادراك ماهذي العشرين يوم
اش اقول واش اخلي
الاولاد يمرضوا ويشتاقو لابوهم
وانا طبعا اصير الام والاب لكن الحال
صعب جدا جدا جدا
بالنسبه لي ماينوصف لاني اعاني منه كثيرا
في المشاوير والمستشفيات والمدرسه والمصاريف
غير بصراحه الخوف في البيت وفي اليل
والفراغ الي يتركه في البيت وفي نفسي كبير جدا
اجلس افكر فيه واتخيله دايما بس بصراحه نرجع مشتاقين لبعض مرررره
لكن انا عندي حركه بصراحه اسويها كل ماسافر اخلي اخر توب لبسه ما اغسله عشان اشوفه واشم ريحته فيه الا مايرجع يعني اتذكره
الله يحفضه لي ولاولاده ويوفق بينا ولايحرمنا منه ولا يحرم ولا وحده من زوجها
ان قصدت عن وقت فراغي فااقضيه طبعامع الاولاد دراسه او لعب او قصص او زياره عند والدتي واذا جاء اليل اقضيه على النت او قران اوقراءه كتاب
يبدوا اني طولت لكن الموضوع اثارني خصوصا اني من المعانين فيه
الله يعين

__________________

اووووووووف ... الحالة تعيسة .. والاعصاب ظاربة ...

__________________

الله لا يحرمك منه ..ويديمه .وموضوع الثوب رائع...شكرا اختي اسعدتني بمرورك الطييف

__________________
العربي ابو محمد

والله ياخوي العقرب

ياليتك ضمنت سؤالك للرجال ايضااااا

لان جوابهم ايضااا مهم بالنسبه لناااا

.................................................

امممممممم اما بالنسبه لسؤالك

انا من تزوجت ولامره فارقته

بس بفارقه الشهر الياي لمدة 3 اسابيع او شهر

وهاي راح تكون اول مره افارقه فيهااااا

وانا من يومك هذااا وانا قلبي مو مطاوعني اتركه

بس شوقي لهلي ذبحني لازم اسافر لهم اشوفهم

..............................................

بس تدري

انا زوجي يفارقني ليلتين لانه يروح الدوام ويرجع 3 ليالي عندي

لانه يداوم عالحدود

ماتتصور كيف

دمعتي تتعلق بعيوني اول مااشوفه لبس ثياب الدوام وشل شنطته وهو رايح للدوام

مااقدر ... حتى وانا ارتب شنطته

قلبي يعورني

مع انهاا بس ليلتين

لما يروح

احساسي


احس اني وحيده واحس بالغربه اكثر واكثر>>مع اني ساكنه مع خالتي وعيالهااا بس غير الزوج

نومي يكون متقطع بغيابه

احس بفراغ كبييييييييير بحياتي

احس الساعه دهر تمر علي

بين كل دقيقه واخرى احب اتطمن عليه

العشى مايدخل فمي اذا هو مو موجود

يعني بس غدى مع خالتي والعشى لااااا

لاني متعوده اتعشى معاه بنفسناا كل ليله

اما بالنسبه للمسؤوليه

لحد الحين ماعندي اطفال لاني اعتقد المسؤوليه عليهم هي التي تكون مهمه

والحمدلله اني ساكنه ببيت اهل زوجي

يعني ماعلي اي مسؤوليه

............................................


نسيت اقول


اعد الثواني


بس عشان يرجع لي


الله لايفرق من بيننا

ويجمعنااا على خير ويبعد كل عين حاسد عننااا

.........................


بس تبي الصراحه

ترى الفراق لفتره له فوايد

عشان كل واحد عالاقل

يراجع نفسه ويقعد مع نفسه شوي

ويلحق يشتاق للطرف الاخر

وتتجدد الاشواق

وتخف المشاكل


>>>هذي وجهة نظري ...


مشكور يا العقرب

عالسؤال ...واتمنى ان ردي يكون كافي

انا والله ماصبر عن زوجي الله يخليه لي والله لو يوم لا غاب والله احس بغربه حتى لو اني عند اهلي ولا اعرف الراحه الا بقربه ومن ناحيه المسؤليه اكيد بتزيد لانه بكون الاب والام بغيابه /الله لا يحرمني منه / مشكور اخوي على الموضوع

سامحك الله يا اخي العقرب العربي ...الموضوع اثار شجوني وخصوصا اني سوف اسافر الاسبوع القادم

لزيارة الاهل ...سوف اغيب مدة شهر ...وصدقني اني من الان اشعر بصعوبة فراقه ..وقلتها له اني لا اعرف

كيف سوف امضي هذه الفترة دون ان اراه ....اتمنى لو يستطيع السفر معنا ...لكن ماباليد حيلة ...اسال

الله ان لايحرم زوجة من زوجها وان لا يفرقهم ابدا...فعند غيابه احس بالنعمة التي كنت فيها ...والعز بوجود

زوجي بجانبي ومع اولادي ...وحسه في البيت وكل شيء فيه يجعلني اشتاق اليه بشدة واعد الايام لحين

عودته ..على فكرة في مرة من المرات لبست اخر كنزة لبسها لان فيها رائحته .....هذا طبعا عندما يسافر

هو ...اما عندما اسافر انا دائما ما اتذكره في كل مكان اذهب اليه واتمنى

من كل قلبي ان يكون معي ...جزاك الله خيرا على هذا الموضوع اللطيف ..

__________________



اللهم اغفر لوالدتي وارحمها واعفو عنها

اللهم اجعل قبرها روضة من رياض الجنة

اللهم ادخلها الجنة مع النبيين والشهداء

والصديقين والصالحين ... آمين ... آمين

عموما اي وحده لما يغيب عنها زوجها وحبيبها اكيد بتكون حزينه وزعلانه وماتاكل ولا تشرب ولاتنام مسؤليه البيت والعيال على راسها انا عن نفسي لما يكون زوجي بعيد اتهاوش على اي شي معاه حتى لو كان تافه بس يكون من ورا قلبي لاني اكون مشتاقتله ولما يرجع للبيت يكون يوم عيد عندي من الفرحه ماانا م

اخوي صاحب الظل الطويل كان الله بعونك وعون زوجتك والله يصبرها على فرقاك حرام عليك بس شهر؟؟؟ ما يمديها تشبع منك ليه ما تاخذها معك <<<< رحمتها


بالنسبه لي زوجي سافر لعمل مهم جدا ومستعجل والا ما كنت خليته يروح بدوني

كانت سفرته 3 ليالي والحمد لله فاتته الطياره ورجع للبت والله يوم كلمني وقال لي فاتتني الطياره فرحت زي الاطفال و صرت اضحك وهو طبعا عصب يقول من دعائك حرام عليك
وثاني يوم سافر وجلس ليلتين من جد كانت صعبه علي مع اني ما عندي اطفال (الله يرزقني ولا يحرمني) بس ما رضيت اطلع من بيتي جاء اخوي نام عندي بصراحه يكفي ريحه المخده والغرفه الله لا يغير علينا ولا يحرمنا من بعض

واذا زادت المسؤوليه بصراحه ما حسيت كلها يومين

بس الوالد كان يسافر كثير بحكم شغله سفراته مو طويله بس كثيره من جد امي تعبت معنا كثير وكانت الام والاب لحد ما يرجع من سفرته الله يخليه لنا ولا يحرمنا منه

وكانت الوالده الله يحفظها ويطول بعمرها تعاني مع اخواني العيال ومتابعه المدرسه تعرفون تحتاج الوالد يتابع ويسؤال عنهم بس الحمد لله ما كان يطول



وما اقول الا الله يعين كل زوجه سافر عنها زوجها بحكم العمل او الدراسه ويصبرها ويصبره لحد ما يرجع لها سالم




تحياتي
دلوعه زوجي

آآه
كيف حال من غاب عنها العمر كله..
الله المستعان